Hüseyn Cavidin 135 illiyi qeyd olunub

Hüseyn Cavidin 135 illiyi qeyd olunub
19 dekabr 2017
# 10:00

Akademik Milli Dram Teatrında Hüseyn Cavidin 135 illik yubileyinə həsr olunan gecə keçirilib.

APA-nın məlumatına görə, tədbirdə Baş nazir Artur Rəsi-zadə, baş nazirin müavini, xalq yazıçısı Elçin Əfəndiyev, mədəniyyət və turizm naziri Əbülfəs Qarayev, Ombudsman Elmira Süleymanova, maliyyə naziri Samir Şərifov, mədəniyyət və ictimaiyyət nümayəndələri iştirak edib.

Azərbaycan prezidentinin “Böyük Azərbaycan şairi və dramaturqu Hüseyn Cavidin 135 illik yubileyinin keçirilməsi haqqında” Sərəncamına əsasən təşkil olunan yubiley mərasimində şairin həyat və yaradıcılığını özündə əhatə edən sərgi açılıb.

Mədəniyyət və turizm nazirinin müavini Ədalət Vəliyev bildirib ki, ölkə başçısının müvafiq Sərəncamına əsasən il ərzində müxtəlif mədəniyyət müəssisələrində böyük şairin yaradıcılığına həsr olunan silsilə tədbirlər keçirilib: “Hüseyn Cavidin yaradıcılığı, fəaliyyəti Azərbaycan xalqının mədəniyyətini yüksəklərə qaldırmaqdan ibarət olub. Yeni nəslin düşüncəsində, dünyagörüşündə Cavid obrazının canlanmasında, onun müasirimizə çevrilməsində ulu öndər Heydər Əliyevin böyük xidmətləri olub. 1982-ci ildə dramaturqun nəşinin Azərbaycana gətirilərək Naxçıvan torpağında dəfn edilməsi ədəbiyyatımız, mədəniyyətimiz, xalqımız üçün əlamətdar hadisə olub. 1937-ci ilədək 20-dən çox pyes yazan Hüseyn Cavid Azərbaycan ədəbiyyatında mənzum dramın əsasını qoyub. Onun “İblis”, “Peyğəmbər”, “Şeyx Sənan” və digər əsərləri Azərbaycan ədəbiyyatında özünəməxsus yer tutub”.

Yubiley mərasimində Hüseyn Cavidin bir neçə əsəri əsasında hazırlanan tamaşa təqdim olunub. Tamaşanın quruluşçu rejissoru xalq artisti Vaqif Əsədov, rejissor assistentləri Gülnar Hacıyeva və Cavid Təvəkküldür.

Səhnə əsərində Cavid obrazını əməkdar artist Elşən Rüstəmov canlandırıb. Digər rollarda əməkdar artistlər Kazım Abdullayev, Füzuli Hüseynov, Elxan Quliyev, Mirzə Ağabəyli və başqaları çıxış edib.

# 1333 dəfə oxunub

Oxşar xəbərlər

"Burada insan özünü nə zamana, nə də məkana aid hiss edir" - İlahə Səfərzadə

"Burada insan özünü nə zamana, nə də məkana aid hiss edir" - İlahə Səfərzadə

15:30 18 iyul 2025
Qadağalar, təqiblər, həbslər... - Güney Azərbaycanın sistemə meydan oxuyan yazıçıları

Qadağalar, təqiblər, həbslər... - Güney Azərbaycanın sistemə meydan oxuyan yazıçıları

15:03 16 iyul 2025
"Yaslarda yemək verməkdən imtina etmək lazımdır" - İlham Əziz

"Yaslarda yemək verməkdən imtina etmək lazımdır" - İlham Əziz

18:39 15 iyul 2025
Fraqmentar təfəkkür - Nizami Bayramlı

Fraqmentar təfəkkür - Nizami Bayramlı

19:00 14 iyul 2025
"Manipulyasiya halları özünü çox gözlətmədi..." - Elnarə Akimova

"Manipulyasiya halları özünü çox gözlətmədi..." - Elnarə Akimova

10:00 13 iyul 2025
Nizaminin "Sirlər xəzinəsi"ndə  ölüm məqamları - Fərid Hüseyn

Nizaminin "Sirlər xəzinəsi"ndə ölüm məqamları - Fərid Hüseyn

09:00 11 iyul 2025
# # #