news-inner
clock16:11 calendar-gray 18 Dekabr 2017 view-gray294 dəfə oxunub
view-gray294 dəfə oxunub

Pıçıltı... Öpüş... Xorultu... – Amildən yeni şeirlər

Kulis.az Amil Məmiyevin yeni şeirlərini təqdim edir.

Əllərini və qollarını müharibədə təzəcə itirmiş,

heç kimi dindirməyən, hamıdan qaçan adam,

ancaq futbola baxarkən təskinlik tapırdı.

Axı meydanda əllə oynamaq qadağan idi?!

***

Heyvanı vuranda qəddarlıq,
soyub dərisinə vurduqda
musiqi yaranacaqdı.

***

Pıçıltı deyildi, öpüş deyildi.

İndi bu dəfə

kimsə xoruldayırdı

qulağının dibində.

***

Müharibədə bir ayağı

minaya düşən əsgər
illər sonra evə dönəcəkdi
və hönkürüb deyəcəkdi.
"Ayağım düşmədi".

***

Qurusa gözümün yaşı bir gün,

görən necə ağlayaram göz yaşım üçün?

***

Saçlarımı darayıb

paltarda yatıram gecələr.
Deyirəm işdi birdən

yuxuma gələrsən,

ayıb olar.

***

Hardasa bir ev yanır,

yanğınsöndürənlər tələsir.

Hardasa bir qız ağlayır,

göz yaşları gecikir.

Təxliyə olunur evdəkilər,

təkliyə öyrəşir qız.

Külə dönür, dağılır ev.

Gülə dönür, darıxır qız.

***

Bir az yaxşı fikirləş gör özünü hara qoymusan?

Bəlkə itirmisən? Ya yadından çıxıb özün?

Hansı yolla gəlmişdinsə, o yolla da qayıt.

Bəlkə, o zaman özünü tapdın.

***

Bilmək olmur...

Yarpaq olmayan yerdə payızı

Qar olmayan yerdə qışı

Çiçək olmayan yerdə yazı

Dəniz olmayan yerdə yayı bilmək olmur.

Necə ki, sən olmayan yerdə

məni bilmək olmur...

***

Qabarıb üstünə geri çəkilməyim,
Billah mənlik deyil, günahım yox.
Sönməyən cazibən nə qədər ki var,
Bil ki, mən dəniz olacam, sən ay.

***

Key, fəaliyyətsiz adamlar

daima özlərini başqalarından böyük hiss edərlər .

Necə ki ayaqlarımız, əllərimiz də

hərəkətsiz qalıb keyiyəndə

onları başqa orqanlara nisbətən

böyük hiss edirik.

news-inner-user

19989 məqalə

Oxşar xəbərlər

Xəbər lenti

Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021