news-inner
clock12:41 calendar-gray 18 Dekabr 2017 view-gray521 dəfə oxunub
view-gray521 dəfə oxunub

İkimizin yerinə yaşayıram... - Rəhman Əlizadənin ölümünə nəğmə

Kulis.az A.Şaiq adına Kukla Teatrının aktrisası Cəmilə Allahverdiyevanın mərhum rejissor Rəhman Əlizadəyə həsr etdiyi yazını təqdim edir.

Rəhman Əlizadəyə – 1791 günün nağılına dair həzin nəğmə...

Bu gün 19 dekabrdır!

Bu gün “böyük insanlıq”, “teatr” bayramımdır!

Bu gün “yoxluğundan”,-

Bu 19 dekabra 1791 gün saydım!

...1791 gündür həm də

Ən təsirli kəlmələri tapıb-itirməkdən,

İtirib, ilim-ilim axtarmaqdan,

ilahi məqamlara çatıb,

göy üzündə qanad çalıb,

uçub, uçub...

sonra da

üz üstə yerə düşməkdən, çirpilmaqdan

Bezdim!

Yoruldum!

Budur,

oturub Sənə növbəti

Qürurlu,

Məğrur

“Nağılımı” yazıram...

Bəlkə də,

Həyata və yaşamağa dair sayıqlayıram!..

nə etməli,

Mən də bu sayaq toxtaq tapıram...

Saylar artıqca artır,

“ordan” baxarsam, əksinə

Azalır deyə düşünmək rahatlaşdırır adamı...

Və bu,-

“Gün sayımı”

hesab-kitabını apardığım tək dünyəvi məsələmdir.

Çünki “var olduğum qədər”

“yoxluğumun fərqində” yaşayıram lap çoxdandır.

Çoxdandır,-

“Əqidəmin bürüncəyindən” boylanıram

Bu dünyaya, bu cahana!..

Bilirsən,-

...1791 gündür mən həm də təqibdəyəm!

Ya da

sürüklənirəm qolubağli, qeyri-iradi

olduqca məyus, məsum,

ağız-burnunun suyu bir-birinə qarışmış,

hara,

hansı səmtə gedəcəyini şaşırmış

balaca bir qızın arxasınca!

...1791 gündür

Tanıdığım,

fəqət, tanıya bilmədiyim

balaca bir qız dolaşır gözlərimin aynasında,

gözlərimin gördüyü,

görə bilmədiyi döngələrdə, hər yerdə!...

...Bir az özümdən söhbət açım?!

Bu 1791 gündə nə etdiyimdən,

Sərsəri vücudumla “ruhumun” keşiyini çəkməyimdən,

Hansı bir arzumun, xəyalımın, acizanə diləklərimin arxasınca sürünməyimdən...

Yenidən və çox güman həmişəlik mütaliəyə başlamışam...

Mənim üçün “miras” qoyduğun “Pyeslər”in, “Şeir.Nəsr.Deyimlər”in...

Kitab adları, dahi müəlliflər, onların əsərləri,..

Fellini, Tarkovski, Berqman filmləri təsiri altında “ədəbi-həyati-incəsənət” aləmində qurdalanıram, baş qatıram...

Qulaqbatırıcı yalqızlığımda yaşlanıram, hələlik...

Əslində əhvalımı, düşüncələrimi Səninlə bölüşürəm...

Sadəcə,

səsin gəlmir...

Və mən,-

Ikimizin yerinə düşünməkdən, danışmaqdan, mübahisə edib razılaşmaqdan,

gülümsəməkdən, xatırlamaqdan,..

gözlərim ağarıncayadək göy üzünə dikilməkdən,..

təbii sonunda ağlamaqdan

yorulmaq yox,

bezmək yox,

sadəcə qorxuram!..

Qorxu demişkən, məncə

insan övladının haqqı yoxdur təbiət işinə qarışmağa...

Küləyinə, yağışına, çovğununa

ağız büzüb, gileylənib, sitəm yağdırmağa...

Fəqət,

...1791 gündür “torpağa bağlanmışam”,

Üst-başı torpaq olmuşam!..

Təbiət işinə qarışmışam...

Küləyinin şiddətindən, qar kimi buz nəfəsindən, titrəməkdən

qorxub, karıxıb

qaxac olmuşam!..

Torpaqdakı “can” mən olmuşam!..

Amma 1791 gündən sonra anlamışam

bu gün 19 dekabr,-

“böyük insanlıq”, “teatr” bayramımdır!..

Böyük insan, günün mübarək!..

Günüm mübarək, böyük insan!..

news-inner-user

19102 məqalə

Oxşar xəbərlər

Xəbər lenti

"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021
Azərbaycanlı rejissor vəfat etdi
14:01 22 İyun 2021
Mədəniyyət Nazirliyində seçkilər keçiriləcək
13:19 22 İyun 2021
Sevdiyi qızın qrup yoldaşını döydü, həbsxanada şəkər xəstəliyi tapdı, oğlunun ölümünə görə gəlinini təbrik etdi - Xəlil Rzadan 10 qeyri-adi fakt
12:37 22 İyun 2021
Vandamın qudası niyə gündəm olur? - Mətbuatın sirri
12:01 22 İyun 2021
Sözümüzün Cahangiri - Müşfiq Şükürlü yazır
11:30 22 İyun 2021
Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021