Filologiya üzrə fəlsəfə doktoru, tənqidçi-ədəbiyyatşünas İradə Musayevanın “Ceyms Coysun “Ullis” romanı və ədəbiyyatda devrim” kitabı çap olunub.

Müəllifin Kulis.aza verdiyi açıqlamaya görə, “Elm və təhsil” nəşriyyatında çapdan çıxan kitab Azərbaycan ədəbiyyatşünaslığında Ceyms Coysun “Ullis” romanı ilə bağlı ilk fundamental araşdırma hesab oluna bilər: “Romanın 1 əsrdən çox yaşı var. Məlum ifadə ilə desək, dünya ədəbiyyatını silkələyən, yeni roman təfəkkürü formalaşdıran, dünyada cərəyan edən hadisələrin ümumiləşdirilmiş səhnəsi kimi göz önündə canlanan 750 səhifəlik əsər bu gün də birmənalı olaraq qəbul edilmir”.

İradə Musayevanın bu kitabında Ceyms Coys yaradıcılığının, “şüur axını” üslubunun nəzəri-estetik prinsipləri təhlil edilir. Müəllif öz aydın, oxunaqlı dillə yazılmış tədqiqatında “Uliss”i “oxunması mümkün olmayan kitablar” siyahısından çıxarmağa cəhd edir.

Kitabın elmi redaktoru filologiya elmləri doktoru, professor Məmməd Qocayev, elmi məsləhətçisi filologiya üzrə fəlsəfə doktoru Kamran Nəzirlidir. Rəyçilər: filologiya elmləri doktoru, professor Cəlil Nağıyev və filologiya üzrə fəlsəfə doktoru, Vilayət Hacıyevdir.

“Ceyms Coysun Ullis romanı və ədəbiyyatda devrim” kitabı geniş oxucu auditoriyası və ali məktəblərin filologiya fakültələrinin tələbələri üçün nəzərdə tutulub.

Xatırladaq ki, kitab hissə-hissə Kulis.azda yayımlanıb. Yaxın günlərdə kitabın təqdimatı da keçiriləcək.

• Heteronimləri ilə məşhur olan ədib - O, sevdiyi qadına nə məsləhət görmüşdü?
• Sağ ol, Ana dilim - Sabir Rüstəmxanlı
• Castin Biberin oxşarı qadını qaçırmağa cəhd etdi - Polis hər yerdə onu axtarır