news-inner
clock13:00 calendar-gray 06 Dekabr 2017 view-gray360 dəfə oxunub
view-gray360 dəfə oxunub

Həyat sənə bənzərmiş – YENİ ŞEİR

Baba Yaşaroğlu

mənim sevincim sənin

gülən gözlərindən başlayır, bilirsən

daha nə vaxta kimi,

qeyri-müəyyən şəxsli cümlələrdə

gizlədim səni, bacarmıram

bax, bir sevdadan digərinə, gerçəyinə

iki gün yol var, gəl

biri yaşanmış, biri yaşanacaq

ən yaxın günlərdə gəl

bu küləklərə bürünüb gizlincə şiddətli yağış ol

leysan ol, çök bu şəhərin üzərinə

amma torpağa dəymədən də əvvəl

ürəyimə baş çək,

sis dolu qış günlərində saflığınla sərinlət

damlalarınla susuzluqdan büzüşmüş

damarlarıma can ver, mənim xətrimə

gəlmək üçün səbəbmi axtarırsan,

bir öpüş üçün peşmanlığın qarşılığı

ikinci öpüş deyilmi

insan bir başqası olur sevərkən,

...arzularkən

bax, nə vaxtsa “səni sevirəm” deyə

utancaq və həyəcanlı bir səslə fısıldayan

bəzən də, göylərə eşitdirəcək qədər

kilsə zəngləri kimi çırpınan

başqa bir canlı varmı həyatda

bu labirint şəhərdə indi hansı ləpirlərlə addımlayım

hansı ötəri gülümsəmələrə inanım

səmimiyyəti mozaik təsvirlərlə bəzənmiş

o qədər mürgülü insan var ki

kimin qapısına dayanıb bir parça hüzur istəyim

bir vaxtlar, sarı qumsal bizim üçün bir dəftərdi

bizsə yazmağı yenicə öyrənən uşaqlar idik

səni “heç bitməsin” deyə arzuladığım

tənəfüs saatlarına bənzədərdim hər zaman

...dərs aralarında

bu nəyin təzminatıdır?

biləsən ki, getdiyin o gündən sonra

hər dəqiqəsini başqalarında qısqandığım

sənli, amma sənsiz düşündüyüm

24 saat da bəs etmir artıq

kimsə yerini doldurmur

sən demə rifahımızın sirri qanadlarında gəzərmiş

yəqin, sən həyatın özüsən,

həyat sənə bənzərmiş

amma adın qədər yaxınsan sanki

nadidə yoxuşlarda ayaq izlərin

pəncərəmdə şehli təbəssümün

hər anımda sən varsan

körpə nanə yarpaqları kimisən

xoşsan, təravətin dadında gizlidir

səvərək toxunmamaq da olmur

bu izahı mümkünsüz zövqlərə,

əvəzsiz yaşanmışlara şahidlik edən

başqa bir ürəksən sanki

adımın hərfləri ilə yaşayan, xoşbəxt

içimdəki ikinci bir ruh kimisən

...yaşamağa tələsirəm səninlə

boş vaxtımda məcbur qalıb bir dəfəlik

hərəmizin öz yerinə, radioları dinləyirəm

hərdən sözsüz, hərdən səsli

həsrət dolu bir ömürlük nəğmələri

ixtisarla beş dəqiqəlik

iki günlük intizarla dinləyirəm

oxşamaqdan yorulmayacağım gecələrimə dol,

damla-damla, arzularımdakı yerini tut

istirahət günlərində, bazar sabahlarında

rəngli lunapark xatirələrimə yazıl heç olmasa

Bax, sən demə,

bütün ürəkləri döyündürən sevda imiş,

neçə vaxtdır ki, mən nəfəs bilirdim

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021