news-inner
clock10:30 calendar-gray 02 Dekabr 2017 view-gray386 dəfə oxunub
view-gray386 dəfə oxunub

Maşın kuzovunda yaşayan şamaxılı qadının filmi

Kulis.az “Naməlum kino” layihəsində Əli İsa Cabbarovun 2002-ci ildə çəkdiyi “Bir ana tanıyıram” sənədli filmini təqdim edir.

“Bir ana tanıyıram” çağdaş sənədli kinomuzda poetik-dokumental janrda çəkilmiş ən yaxşı nümunələrdən biridir.

Filmin qəhrəmanı Şamaxının ucqar kəndində yaşayan 56 yaşlı Şura xanımdır. Bu kənddə ondan və qızı Sevincdən başqa kimsə yaşamır.

Alpout adlanan bu kəndin sakinləri zaman-zaman oranı tərk ediblər. Həmçinin, Şura xanımın bacı-qardaşları da. Qohumları ona da yurdunu tərk etməyi məsləhət görsələr də, o, qızıyla burada yaşamağı seçib : “Nə qədər canım var, istəmirəm bu vətəndən ayrı yerdə gəbərim”.

O, müasir insanın yaşaması üçün ən zəruri şərtlərin - işığın, qazın, adi məişət rahatlığının olmadığı maşın kuzovundan düzəltdiyi daxmada yaşayır.

Bu kəndə yol yoxdur. Daha doğrusu, kəndə gələn yol o qədər bərbaddır ki, çəkiliş heyətinin mikroavtobusu belə yarıyolda qalıb, traktorun köməyi ilə çıxarılıb...

Qadının gündəlik həyatı hər səhər mal-qaranı örüşə buraxmaqdan, tövləni təmizləməkdən, iti yedizdirməkdən, əkin-biçindən, ev işləri ilə məşğul olmaqdan ibarətdir.

O, virtual dünyanın (televizorun, müasir texnologiyanın) mövcud olmadığı başqa bir dünyada, ətrafdan təcrid olunmuş yaşayır. Ancaq darıxmır, özünün dediyi kimi əsas odur ki, pis adam üzü görmür.

Filmi izlədikcə, belə hiss yaranır ki, Tanrı elə haradasa buralarda, Şura xanımın lap yaxındadır. Və ondan mərhəmətini, qayğısını əskik eləmir.

“Deyirəm sənə qurban olum Allah, görürsən də təkəm. Bax bu dağın başında, heç xəstələnmirəm də, Allah muğayat olur məndən”.

O, çətinliklərini təmkinlə, qəzəbsiz ifadə edir. Böyük şəhərin böyük qayğılarından, səs-küyündən, dibsiz stressindən uzaq, azadə yaşayan bu iddiasız qadının həyata sadə baxışı, təklikdə yaşam fəlsəfəsini tapa bilmək bacarığı qibtə doğurur...

Kinoda bir qayda olaraq təbiət təsvirlərinin idillik obrazını yaratmaq yaz və yay fəsillərində daha rahatdır. Film qışda çəkilməsinə rəğmən, qadın soyuqda çırpı yığanda da, uzaq məsafədən su gətirəndə də, qabarlı, kobudlaşmış əllərini ocaqda isidəndə də idillik obrazın nizamı pozulmur. Səbəb təkcə rejissorun seçdiyi poetikləşdirilmiş təsvir dilində yox, həm də qadının daxilən təbiətlə harmoniyasındadır. Şura xanımın təbiətlə rahat ünsiyyəti, gücü, iradəsi alternativ həyat modelinin mümkünlüyünü diktə edir.

Adətən bir insanın həyatını tamaşaçıya tamlıqla anlatmaq, hiss etdirmək üçün normalda uzun müddət, məsələn, heç olmasa bir ay vaxt tələb olunur. Ancaq o vaxt telefilmin şərtləri daxilində - qoyulan vaxt məhdudiyyəti üzündən müəllif qəhrəmanın sadəcə bir gününü çəkməli olub. Və əhvalatın effektli alınması üçün poetik dokumental janra köklənib.

Statistik portret planlar düşünülmüş çəkilib. Məsələn, Şura xanımın qardaşının susqun olduğu kadrda onun bütün bioqrafiyası oxunur. Qadının üzünün dərin ifadəsi tamamən imkan verib ki, hərəkətsiz kamera onu sadəcə fiksə eləsin.

Final səhnəsini ağac yanında dayanan ana-qızın statik planı ilə bitir. Kamera uzaqlaşdıqca ana, qız və ağac- ikonalardakı təsvir effektini verir.

Detal planlar, səhərdən gecəyə, istidən soyuğa sərt keçidlər qəhrəmanın daxili dünyasının bütövlüyünün kompozisiyasını cızır. Film MDB və Baltik ölkələrinin Kinoforumunda nümayiş olunub.

Filmin ssenari müəllifi Vüqar Tapdıqlı, operatoru Adil Abbasovdur.

Film “Azərbaycantelefilm”in istehsalıdır.

news-inner-user

18697 məqalə

Oxşar xəbərlər

Xəbər lenti

Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021