news-inner
clock21:00 calendar-gray 09 Sentyabr 2021 view-gray975 dəfə oxunub
view-gray975 dəfə oxunub

Bu səhər günəş üşüyürdü – Payız haykuları

Kulis.az Alov İnannanın “Payız qırpımları” hayku silsiləsini təqdim edir.

Yerə baxa-baxa gedən qocanın
ürəyinə damıb ki,
indicə qəpik tapacaq...

***

Ağac vaxtı altında oturanlar
kötük vaxtı üstündə oturdular...

***

Bu səhər
günəş üşüyürdü,
buludları üstünə çəkib
isinmək istəyirdi

***

Payızı yaz bildi çiçək
Tumurcuqda öldü çiçək...

***

Konsert başlayır
Ağaclarda çalır:
Külək

***

Payız –
Küçədəki mahnının islanması...

***

Saralmış fotoda gülən bir oğlan
onu tanıyan
sonuncu adamdı
atam...

***

Külək
saçlarımla öpdü üzümü

***

İşıq qəfil yandı
Qaranlıq diksindi
Günəş belə eləmir

***

Küləkdən yıxılmadın
ağacım...
Tutunduğun yer sıyıq idi...

***

Beynimin qırışları
qarmon kimi yığılıb açılır:
xatirələr səslənir

***

Duman –
ağ qaranlıqdı

***

Alabəzək göyçək böcək
ləçəklərə qarışdı
sərçə çaşdı...

***

Yerdə tərk edilmiş bataqlıq
göydə durna qatarı –
qurbağaların sevinci

***

səhər qış idi
günorta yay idi
axşam yaz idi –
payız idi

***

kədərləri
əzabları
gorxuları –
işıq sürətiylə yaşamaq

***

Gecə qaradır
Gecədəkilər qara deyil

***

Ancaq bu yanmış kotleti
bir tikə ət olan vaxtı
verməzdilər küçə itinə...

***

Gör səhər nə vaxtdan açılıb,
günəşsə indi ayılıb –
elə mən də...

***

Havalar soyuyur –
adamlar geyinir
ağaclar soyunur

***

Ölü arzulardan
diri kədərlər
doğular...

***

Qocaldığını qəfil gördü –
ancaq güzgü bunu
hər gün deyirdi

***

Payızın sonu –
dazlıq ağaclara heç
yaraşmır

***

Parkda günəşlənən qoca
qəh-qəhəli gənclərdən
bir ömür uzaqdaydı

2017

Alov İnanna

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021