news-inner
clock09:50 calendar-gray 23 Noyabr 2017 view-gray227 dəfə oxunub
view-gray227 dəfə oxunub

Azərbaycan mədəniyyəti Meksikada

Meksikadakı səfirliyimizdə Azərbaycan mədəniyyəti və milli mətbəxinin təqdimatı keçirilib.

Tədbirdə ACD təşkilatının (Asociación de Cónyuges Diplomáticos) çoxsaylı üzvləri, həmçinin yerli KİV-lərin və bir sıra turistik şirkətlərin nümayəndələri iştirak ediblər.

1982-ci ildən fəaliyyət göstərən ACD Meksikada akkreditə olunmuş səfir və diplomatik missiya nümayəndələrinin rəhbərlərinin həyat yoldaşları, burada yerləşən beynəlxalq təşkilatların nümayəndələrini, həmçinin Meksikanın nüfuzlu qadın rəsmiləri, siyasi və ictimai xadimləri, səfirləri, yerli QHT nümayəndələri və s. öz sıralarında birləşdirir. Assosiasiya xeyriyyəçilik məqsədləri üçün istifadə edilən fonda malikdir. Təşkilat uşaq evlərinə, ailələrində zorakılığa məruz qalmış uşaq və qadınlar üçün yaradılmış mərkəzlərə, həmçinin təbii fəlakətlər nəticəsində evsiz qalmış insanlara yardım edir. Bu təşkilat onun fəaliyyətinə görə dəfələrlə Meksikanın müxtəlif rəsmi qurumları tərəfindən təqdir edilib.

Qonaqları salamlayan Meksikadakı səfirliyimizin müvəqqəti işlər vəkili Məmməd Talıbov çıxışında ölkəmizin tarixi və mədəniyyəti barədə məlumat verib, Azərbaycanın regionda tarixən proqressivliyi ilə seçildiyini və məhz Azərbaycanda Şərqin ilk demokratik dövlətinin yarandığını deyib. Azərbaycan diplomatı 26 il öncə müstəqilliyini bərpa etmiş ölkəmizin üzləşdiyi çətinliklərə baxmayaraq bütün sahələrdə əldə etdiyi sürətli inkişaf barədə danışıb, ölkəmizin dünyada öz layiqli yerini tutduğunu vurğulayıb.

Ölkəmizdə müxtəlif mədəniyyət və dinlərin daşıyıcılarının bir yerdə yüzillərlə heç bir ayrıseçkiliyə məruz qalmadan yaşamasını qeyd edən nümayəndəmiz ölkə rəhbərliyinin bu sahəyə ayırdığı xüsusi diqqəti nəticəsində Azərbaycanın multikulturalizm və mədəniyyətlərarası dialoqun dünya miqyaslı mərkəzlərindən birinə çevrildiyini deyib. O, Azərbaycanın öz mədəniyyəti, qonaqpərvərliyi, rəngarəngliyi, tarixi abidələri, incəsənəti, memarlığı, musiqisi, ləziz milli mətbəxi, təbiətin unudulmaz gözəllikləri və Yanar Dağ, palçıq vulkanları və s. kimi möcüzələri ilə ildən ilə daha çox turistin diqqətini cəlb etdiyini qeyd edib. Bundan əlavə ölkədə turist infrastrukturunun sürətlə inkişaf etdiyini vurğulayıb, həmçinin bu ildən fəaliyyətə başlamış “ASAN Viza” sistemindən danışıb.

Sonra məşhur “National Geographic” kanalının “Hidden Cities Revealed” proqramının Bakıya həsr olunmuş filmi nümayiş edilib.

Nümayişdən sonra, filmi böyük maraqla izləyən tədbir iştirakçılarının ölkəmiz barədə çoxsaylı sualları cavablandırılıb.

Qonaqlara Azərbaycan milli mətbəxinin ləziz təamlarından ibarət süfrə təqdim olunub, “Dolma”, “Ləvəngi”, “Səbzi Plov”, “Qutab”, “Kükü”, şirniyyatlardan “Şəkərbura” və “Paxlava”nın hazırlanması barədə məlumat verilib, Azərbaycanın milli mətbəxi ilə bağlı kitablar paylanılıb.

Tədbir iştirakçıları Azərbaycanla daha yaxından tanış olmağa böyük maraq göstərib, bir çoxları ölkəmizə səyahət etmək arzusunda olduqlarını söyləyib.

news-inner-user

17145 məqalə

Oxşar xəbərlər

Xəbər lenti

Daşaltıdan ölüm xəbəri gələn Vüqar – Yeni hekayə
08:57 01 Dekabr 2020
Kukla Teatrı dekabr repertuarını açıqladı
18:56 30 Noyabr 2020
Ukraynada Müslüm Maqomayevə həsr olunan beynəlxalq müsabiqə keçiriləcək
18:24 30 Noyabr 2020
Qonkur mükafatının qalibi açıqlanıb
17:42 30 Noyabr 2020
“Anam dedi ki, bu gün sancım tutan gündür” – İlqar Cahangirlə ad günü söhbəti
17:05 30 Noyabr 2020
Zəlimxan Yaqubun yeni kitabı nəşr edildi
16:23 30 Noyabr 2020
Musiqili Teatrdan "Laçına ithaf" layihəsi - Video
15:34 30 Noyabr 2020
Topçu Vüsalın araq şüşəsinə həkk olunmuş şəkli
14:52 30 Noyabr 2020
Sevdiyi qıza görə cəzalandı, arvadı sözünə baxmadığı üçün öldü, dəfnində Rəşid həkim yazıçı Anarla dalaşdı – Məşhur şairdən maraqlı faktlar
14:11 30 Noyabr 2020
Trampın arvadı Ağ Evdə baş verənlərdən kitab yazır
13:25 30 Noyabr 2020
Müharibə başlayıb, Nəbatat bağındayam... - Rəşad Nağı Mustafadan yeni şeir
12:43 30 Noyabr 2020
Qatarlar daşıdıqca qurtarmır yolçuluq – Təbrizdən şeirlər
12:11 30 Noyabr 2020
Əsgərlərimizin Zori Balayanın oğlunu dəhşətə gətirən qəhrəmanlığı - Bircə yazır...
11:39 30 Noyabr 2020
Yadındadı, içib qızlardan danışmağın? - Şuşada döyüşən zabit dostuma məktub
11:05 30 Noyabr 2020
"Ulduz müharibələri"nin qəhrəmanı vəfat etdi
10:30 30 Noyabr 2020
Regionlararası onlayn musiqi müsabiqəsinə start verildi
10:06 30 Noyabr 2020
Qərbin sülh riyakarlığı və bizim saxta pasifistlər – Sevda Sultanova yazır...
09:00 30 Noyabr 2020
Ölmək sənəti – Ağalar Qut yazır...
17:25 29 Noyabr 2020
“Cinema Radio”nun rəhbəri: “Onun səsi ilahi vergidir” – Müsahibə
17:04 29 Noyabr 2020
Nabokovdan hekayə: Sərnişin
15:30 29 Noyabr 2020