news-inner
clock09:00 calendar-gray 18 Noyabr 2017 view-gray103 dəfə oxunub
view-gray103 dəfə oxunub

Fuad Poladovun bu qəhrəmanı kimliyini niyə gizləyirdi?NAMƏLUM KİNO

Kulis.az “Naməlum kino” layihəsində Şamil Əliyevin 1999-cu ildə çəkdiyi “Təsadüfi görüş” qısametrajlı bədii filmini təqdim edir.

Orta yaşlı bir qadın Tamara (Sənubər İsgəndərli) bahalı geyim dükanına girəndə qəzet satıcısı ilə toqquşur. Tamara kasıb geyimli, yaşından daha qoca görünən adamı - on il bir yerdə oxuduğu, sevdiyi oğlan Muradı (Fuad Poladov) tanıyır. Ancaq qadın əvvəlcə tərəddüd eləyir, onun Murad olub-olmadığını kəsdirə bilmir. Söhbətləşəndə təxminlərində yanılmadığını anlayır. Tamara ehtiyatla ona tanışlıq versə də Murad özünü bilməməzliyə vurur. Özünü Əli Musayeviç kimi təqdim eləyir. Bununla belə kişinin ölçülü-biçili davranışından onun qadının təxmin etdiyi adamın olub-olmadığı yenə anlaşılmır.

Qadın kişiylə bir şəkildə ünsiyyət qurmağa çalışır, onu evinə dəvət eləyir. Ona evində bəzi təmir işlərinin olduğunu deyir. Və onun satmalı olduğu bütün qəzet-jurnalları alır.

Kişi qadının evində təmir işlərini həll edir. Qadınıın məqsədi isə başqadır. O, kişiyə məktəb illərindəki bir neçə məqamı xatırlatsa da Murad özünü bilməməzliyə vurur. Ancaq Tamara inadından dönmür. O, kişini hamama salır, yuyunandan sonra vəfat etmiş ərinin kostyumunu geyindirir. Kişinin üzündəki əzablı ifadədən aydın oxunur: O, Murad olduğunu etiraf etsinmi, etməsinmi?

O, hamamdan üzü qırxılmış, kostyumda çıxanda, masada özünü laqeyd aparanda aydın olur ki, bu təsadüfi görüşü bir oyuna çevirəcək.

Qadın düzənlədiyi romantik şam süfrəsində səmimiyyəti, sevgisi ilə buzları əritməyə çalışır.

Muradın yadına uşaqlıq, yeniyetməlik xatirələrini salır, birgə fotolarını göstərir. Kişi isə soyuqqanlı, biganə ifadəylə bunları xatırlamadığını, onu kimləsə səhv saldığını deyir. Əhvalatın bir yerində o hisslərinə tabe olaraq cızdığı oyundan kənara çıxsa da, özünü tez ələ alır.

Murad keçmiş sevgilisindən yad kimi ayrılır.

Sonra biz Muradı şəhərin dar küçələrində elə əvvəlki geyimində pəjmürdə dolaşdığını görürük. O, kasıb evinə gəlir, sevimli pişiyinə süd verir. Məktəb illərində Tamara ilə bərabər çəkdirdiyi şəkillərə baxır və intihar edir.

“Təsadüfi görüş” hər şeydən əvvəl Sovet İttifaqı dağılandan sonra yeni iqtisadi, sosial, ictimai münasibətlər sistemində özünü heç cürə tapa bilməyən sovet insanının faciəsini anladır.

Murad məktəbi bitirəndən sonra Rusiyaya təhsil almaq üçün gedib, mühəndis ixtisasına yiyələnib. Orda rus qadınla ailə qurub, iki övladı var. Yenidənqurma illərindən sonra işləri tərs gətirib, ailəsi dağılıb və o vətənə dönərək qəzet satmaqla məşğul olub. O, ziyalı statusunu vətənində də bərpa edə bilmir, biliyinə, təcrübəsinə rəğmən layiq olduğu yeri tapa bilmir.

İlk məhəbbəti ilə təsadüfi görüş isə ona sevinc yox, məyusluq gətirir. Yoxsul həyat tərzi keçirən Murad zəngin olan keçmiş sevgilisinin qarşısında daxilən əzilir. Ancaq sarsıntısını büruzə vermir, qadının ona acımasını, onun qarşısında sınmaq istəmir. Ona görə bütün görüş boyu özünü tox tutur.

Vəziyyətdən çıxış yolunu isə intiharda görür.

“Təsadüfi görüş” yuxarıda dediyim kimi, mahiyyəti dəyişən sistemdə, toplumda özünü tapa bilməyən, əzilən sovet ziyalısının faciəsini təsvir edir.

“Debüt” studiyasında çəkilən filmin ssenari müəllifi Nərminə Quliyeva, operatoru Kənan Məmmədov, bəstəkarı Rauf Əliyevdir.

Film Amerikada, Polşada, Rusiyada, Türkiyədə və digər ölkələrdə keçirilən festivallarda nümayiş olunub, bir neçə mükafata layiq görülüb.

news-inner-user

13179 məqalə

Paylaş

Oxşar xəbərlər

Xəbər lenti

Qarabağı qaytaran türk futbolçu
10:43 15 Noyabr 2019
Məşhur sovet cizgi filminin yeni seriyaları gəlir
10:20 15 Noyabr 2019
“Paris Notr-Dam kilsəsi” tamaşası təqdim olundu
09:50 15 Noyabr 2019
Topu başında aparan kapitan, alnından zəka fışqıran redaktor, müğənnini həbsdən buraxdıran müxbir... – Şərif Ağayar APA-dan yazır...
08:59 15 Noyabr 2019
Bu gün vəfat edən şairin son müsahibəsi: “Şeirimi Süleyman Rüstəmin adına çıxardılar”
21:01 14 Noyabr 2019
"Tanınmış ailənin övladlarından uzaq gəzirəm" - İlqar Xəyal
18:40 14 Noyabr 2019
Bu mahnılarımızdan hansı plagiatdır? - Video
18:00 14 Noyabr 2019
“Kazbek” tüstülədən xumar gözlülər...” – Yazıçılar meyxanadan danışdılar
17:30 14 Noyabr 2019
Noyabr ayı üçün ən çox gözlənilən filmlər
16:50 14 Noyabr 2019
Rəşad Məcidin kitabı Türkiyədə təqdim olunacaq
16:17 14 Noyabr 2019
Nəsimiyə həsr edilmiş şeir müsabiqəsinə yekun vurulub
15:37 14 Noyabr 2019
Azərbaycanlı şair vəfat etdi
14:54 14 Noyabr 2019
Onun adını oğlunun baş daşına niyə yazmadılar? – Rəmiş haqqında inanılmaz faktlar
14:41 14 Noyabr 2019
Meyxananın dözülməz eybəcərliyi
13:49 14 Noyabr 2019
Musa Yaqubun yeni şeirlər kitabı nəşr edildi
13:10 14 Noyabr 2019
Mənim balaca sərçəm - Müşfiq Şükürlüdən yeni hekayə
12:29 14 Noyabr 2019
Hekayə müsabiqəsinin qalibləri bilinəcək
12:01 14 Noyabr 2019
Amerikalı kinoulduz vəfat edib
11:30 14 Noyabr 2019
Azərbaycanlı rejissorun filmi "Ən yaxşı film" seçildi
10:57 14 Noyabr 2019
“Seriallarımız gənc nəslin tərbiyəsini pozur” – Nuşirəvan Məhərrəmli
10:23 14 Noyabr 2019