Kulis.az Həyat Şəminin uyğunlaşdırmasında türk şair Fikret Çelikin şerilərini təqdim edir.
Sevgilim
Səninlə oyansaq bu gün məsələn
Günün ilk işıqları dəysə gözlərinə.
Və sevgilim, gözlərin, gözlərin
Buğda başaqları rənginə bürünsə.
Karacaören kəndinin qırağında
Buğda tarlaları olur bu mövsümdə,
Buğda tarlaları boyunca yüyürsək.
Bir rüzgar əssə daha sonra
Kaf dağlarının ətəklərindən,
Bənzərsiz zamanlara alıb aparsa .
Sən danışsan saçların sovrulsa
Rüzgarın nəfəsində dağılsa səsin.
Sən gülümsərkən gözlərin parlasa
Boğazın mavi sularına düşsə üzün.
Yoxluğun
Sənsiz dadı yox bu şəhərin,
Solğun dənizində
Səs-küylü qağayılar.
Qatilcə işləyir zaman
Yoxluğun ağıllara ziyan.
Ala-bula olmuş kəlmələr
Qafiyələr, kifayətsiz
Dadında bir qəriblik var
Hər qələmə alınan şeirin...
Deyil
Bu qəlb çırpıntısı sizə deyil
Baxmayın elə, inanın deyil
Nə anlamaz şeylərsiniz!
Sizinləyəm mən: doğan günəş
7:45 gəmisi, yeriyən bulud
Boğazda axıb duran mavilik
Baxmayın elə, elə baxmayın
Heç umulmayan bir vaxt bu
Necə deyim, deyilə bilirmi ki?
Nəsli tükənməkdə bu ritmin...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
