news-inner
clock09:30 calendar-gray 28 Oktyabr 2017 view-gray527 dəfə oxunub
view-gray527 dəfə oxunub

Azərbaycanlı ilə evlənməyi özünə sığışdırmayan general qızı – NAMƏLUM KİNO

Kulis.az “Naməlum kino” layihəsində Rasim Ocaqovun 1991-ci ildə çəkdiyi “Qətldən yeddi gün sonra” filmini təqdim edir.

Süjet: Baş verən hadisə SSRİ-nin dağılması ərəfəsinə 1991-ci ilə təsadüf edir. Moskvada nüfuzlu general Mixail Romanoviçin (Yuri Yakovlev) beynəlmiləl ailəsi var. Onun bir kürəkəni latış Andris (İvars Puqa), digəri bir neçə millətin qarışığı Adikdir (Aleksey Bloxin). Oğlu kimi çox sevdiyi sürücü Rauf (Fəxrddin Manafov) isə azərbaycanlıdır.

Günlərin birində ailədə faciə baş verir. Generalın kiçik qızı Daşa (Olqa Bulanova) ailənin bağ evində qətlə yetirilir. Müstəntiq (Donatas Banionis) araşdırmalara əsasən sürücü Raufdan şübhələnir.

Qətl hadisəsi xoşbəxt görünən ailənin tamam başqa tərəflərini açır. Məlum olur ki, Daşanı bacısı Lena (Tatyana Lyutayeva) qətlə yetirib. Hər iki bacı Raufla sevgili olub. Lenanın oğlu Saşa (Andrey Şotin) isə Raufdandır...

“Qətldən yeddi gün sonra” detektiv janrında yazan məşhur yazıçılardan biri, belçikalı Jorj Simenonun hekayəsi əsasında çəkilib. Filmdə detektiv janrının qaydaları əsasən gözlənilir: müəmmalı qətl hadisəsi, qətli araşdıran təhqiqatçının şübhə fokusunu öldürülənin doğma adamlarına tuşlaması, cinayətin motivinin naməlumluluğu və s. Bununla belə filmdə daha çox dram janrının elementləri, atmosferi hiss olunur.

Çünki ssenari müəllifinin də (Rüstəm İbrahimbəyov), rejissorun da əsas məqsədi bir qətlin üzərindən ailənin faciəsini, keçirdiyi mənəvi böhranı göstərməkdir.

Müəlliflərin əsas ideyası beynəlmiləl bir sovet ailəsinin timsalında bütün Sovet İttifaqının modelini və bu modelin saxta, qeyri-səmimi qardaşlıq üzərində qurulduğunun təsviridir.

Əhvalat boyu ilk baxışda mehriban, səmimi görünən ailə üzvlərinin iç üzü kadrbakadr açılır.

Məlum olur ki, Daşanı qətlə yetirən bacısı Lena bir zamanlar Raufla eşq macərası yaşayıb. Sonra statusuna görə onunla ailə qurmağı özünə sığışdırmayıb. Ali təhsilli Adikə ərə gedib. Raufu sevən, narkotik istifadə edən bacısı Daşanı qətlə yeriməsinin səbəbi həm qısqanclıq, həm də mənsub olduğu ailənin nüfuzuna xələl gətirməsidir.

Adikin Lenayla evlənməsinin əsas məqsədi general atasının nüfuzundan, əlaqələrindən istifadə edərək vəzifə pillələrində yüksəlməkdir.

Ailədə bu qədər gizlinlərin, çirkin oyunların baş verməsindən ailə başçısı xəbərsizdir. Onun üçün əsas məsələ zor gücünə ailəni bir arada saxlamaqdır.

Ailənin xanımını (Elina Bıstritskaya) isə hətta qızının ölümündən çox bu gözlənilməz vəziyyətdən sarsılaraq stress alması, özünə vaxtı-vaxtında qulluq edə bilməməsi qayğılandırır.

Daşanın əri Andris soyuq tipdir, arvadı ilə münasibətləri azaddır. Bununla da onun simasında sovet cəmiyyətinin dəyərlərinə zidd, qərbi təmsil edən insan modeli verilib.

Adik Raufa azərbaycanlı olduğu üçün həqarət edir, onu “çernojopıy” adlandırır. Bu da Rusiyada ümumilikdə, qafqazlılara, orta asiyalılara aşağılayıcı münasibəti ifadə edir.

Ailə başçısı hərbi rütbəli adam seçilməsi də təsadüfi deyil. Sovet İttifaqının zor gücünə saxlanılmasına işarədir.

Belə bir ailənin dağılması labüddür. Sərt qanunlarla idarə olunması, şəxsi mənfəətlərinə görə maskalanmaları səbəbindən mənəvi sarsıntıları, böhran da, bir-birinə zərər vermələri də qaçılmazdır.

Adik guya ədalət və həqiqət naminə Raufun ziyanına şahid ifadələri verir. Ancaq arvadı ona bacısını özünün öldürdüyünü deyəndə o, susmağa məcbur olur. Və karyera naminə yalanı seçir.

Raufunda öz zəiflikləri var. Daşaya qarşı sadəcə ehtiras hiss edir və ehtirasının da qurbanına çevrilir.

O, Lenanın təkidiylə oğulları Saşaya görə qətli öz üzərinə götürür.

Film sonda general ailəsinin obyektivə saxta təbəssüm edən foto çəkilişiylə bitir.

“Qətldən yeddi gün sonra” "Azərbaycanfilm", "Bronstin Prodakşn", "Amerika-Sovet Kinotəşəbbüsü" Kino Şirkətinin birgə istehsalıdır. Filmin operatoru Kənan Məmmədov, bəstəkar Emin Sabitoğludur.

Oxşar xəbərlər

Xəbər lenti

Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021