news-inner
clock13:20 calendar-gray 20 Oktyabr 2017 view-gray463 dəfə oxunub
view-gray463 dəfə oxunub

Ayrılıq ən təhlükəli sürünəndir - Eminquey Akifdən YENİ ŞEİRLƏR

Kulis.az gənc şair Eminquey Akifin yeni şeirlərini təqdim edir.

xərçəngə tutulanlarıneşqinə,

saçlarımı uzatmıram, biləsən.

dizlərimi göynədir bu soyuqluq hər gecə,

dizlərimə döyməsəm, dizlərimə yağmasam,

heç yatmıram, biləsən.

dodağımı çeynəyir içimdəki hirs mənim,

barmağımı saraldır siqaretlər, tüstülər.

mən hər şeyə dözərəm, bircə üşüməyəydim,

ya bir adam gələydi, sən olmasan da olar,

ya da ki, tez gələydi, tez gələydi istilər.

böyrəyimə dözərəm, ciyərimə dözərəm,

mən hər şeyə dözərəm, nə olsun ki, getmisən,

hamını incidirsə tale yaramazlığı.

yalanın ömrü azdı, düzünü deyim sənə,

əlimi, ayağımı bütün ili üşüdür,

bir az sənin yoxluğun, bir az da qan azlığı.

***

atmağa gecikdiyim bomba kimi

sevgim əllərimdə partladı,

tuta bilmədim əllərindən,

səni apardı uzaqlar...

sənə aid nəyim varsa

toxundum,

tikanlı məftil kimi

səndən məni qopardı

uzaqlar.

hə,

əgər ayaqları olmayan qoca da

tərk edə bilirsə,

deməli,

ayrılıq ən təhlükəli sürünəndir,

bəhanədir əllər və ayaqlar...

***

cərrahlar kirpiklərimizi kəsdilər,

sonra yatdıq,

sonra ayıldıq,

yanımdakı xəstə birinci dəfə işıq üzü görürdü,

mənsə,

həyəcanlıydım,

gözlərimə sataşan uşaqlara

gözlərimdəki işığı göstərəcəkdim...

***

içdiyim badələri

sıraya düzdüm,

nişan aldım,

paart!

mən yaxşı atıcıyam,

elə sən də pis atmamısan...

yığdım bütün albomların,

tozunu sildim,

bir şəklin - düüz yarım saat!

soyuducunu açdım,

gördüm,

şəklin qalıb üşüyüb,

götürdüm,

yandırdım...

deyəsən dəli oluram,

yaddaşımı itirdi,

sevdiyim şərab,

qarağat!

səndən mənə zəng gəlmədi,

açmadım,

bu sən olarsan...

hə, beləcə, günüm keçdi,

nigaran,

narahat.

***

qolundan tutub o yola

keçirirəmmiş sən demə,

bu imiş,

bu qədər imiş,

səni özüm uzaqlara,

ötürürəmmiş sən demə.

hissə-hissə hopursanmış,

dizlərimə, əllərimə,

su imiş,

suya qarışan şəkər imiş,

və beləcə səni, səni

itirirəmmiş sən demə.

pis yola düşmək bu imiş,

əclaf mənmişəm sən demə,

bu imiş,

bu təhər imiş,

girib qolundan pis yola,

gətirirəmmiş sən demə.

***

götürün bu yeri

keçirin çubuğa,

verin uşaqlara,

dünya uşaqları yox,

uşaqlar dünyanı sovursun.

***

uşaqlar partlamış,

tərsinə çevrilmiş maşında,

yellənir.

evlər eynilə öz adamları kimi

şikəst,

bir vətənpərəst

ortaya çıxır,

qışqırır,

"düşmənə ar olsun, atəş!"

meyidlər susur ki,

atəşkəs!

sülh gətirən göyərçinlər

vuruldu göydə,

torpağı qan udan bu yer

adam bitirmir.

anası aldadır uşağı

atan gizlənib gələcək,

gözlərini yum!

gizlincə,

hıçqıra-hıçqıra,

atasını axtaran uşağa,

torpaq qışqırır

- buuuummm!

***

akvarium,

təzə doymuş balıqlara

yem atır uşaq...

news-inner-user

19959 məqalə

Oxşar xəbərlər

Xəbər lenti

Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021