news-inner
clock16:30 calendar-gray 13 Oktyabr 2017 view-gray189 dəfə oxunub
view-gray189 dəfə oxunub

Tanrının axşam xəbərlərini eşitmək... – Tural Turandan YENİ ŞEİRLƏR

Kulis.az gənc şair Tural Turanın yeni şerlərini təqdim edir.

Dəli evindən reportaj

N saylı dəlixana.

Sakit, burada o dünyadan gələnlərin sirləri yatır;

Bir də insanlığın.

İndi Mau Zedun iş saatı elan edib fəhlələrə

Günah lövhələrinə sürünən ölümlər çəkir,

Dul qalmış divarlarla evlənib

Qadın hasarları ocaq edən dəlilər.

Ən ağırçəkili şair olacaqlar bir azdan

Üç yarımçıq cümlə yazaraq,

Dördüncü sətiri ağ saxlayanlar.

Dəlilərin “tanrı kitabı”nda

Allah kirvə xonçasında qonaq gəlir talelərə...

Gecə məktəbində dəliliyin naxışlarını hörürlər bəzən –

Ağacların beş manata zorladığı,

Qamışlıqda basdırılan,

Doğulmamış uşaqları gilləşdirib

Tanrıya qaytarırlar.

Taxta üzərində muncuqdan

göz oyur, dəliliyin “beyin ölçüsünü” toxuyanlar.

Bəzən sözləri kilidləyirlər

ağac kötüklərinə

Tanrının hicablı şəkillərini çəkərək.

Bəzən də özlərinə dərs keçirlər

Yazı taxtalarına üzsüz adam şəkillərini köçürərək.

Yenə toplaşıblar sınıq televizorun başına,

Tanrının axşam xəbərlərini eşitmək üçün;

Allah xəbərlərə başlayır,

Televizor elektrikə qoşulmamış:

“Salam, bu dünyada öldürüb ağıl verdiyim adamlar!

Sabah tanrı seçkiləridir, mənə yox, Allaha səs verin.

Di gedin yatın!”

Bu zaman dəlilər başçısı axşam laylasını oxuyur:

Bizim hərəmiz bir Yupiterik,

Yığışmışıq dörd divarlı kraterə!

Az qalıb Mau Zedun,

Tezliklə düşəcəyik yerə.

Ona kimi bütün günahsızları,

Dil açmamışları öldür ki,

Başlarına düşməyək.

Biz günahsız ölmək üçün

Yaradana söz vermişik.

Yorğanı çəkək ki, başımıza,

Üşüməyək, üşüməyək, üşüməyək...

P.S: Nəqarət yoxdur,

laylanı təkrar oxuyurlar.

Əkim 2017

Çarpılmış adam

Sən hardan biləsən çarpılmaq nədi? –

Çatıla-çatıla çapılmaq nədi?!

Evdən çıxıb evrəndə tapılmaq nədi...

İzini yalayıb sevmişəm səni.

Kirli saqqalıma uşaqlar gülüb.

Göz yaşımı yalayıb it-pişik silib.

Gecələr səsimə qonşular gəlib,

Qurd kimi ulayıb sevmişəm səni.

Küçədə yatmışam, isidib odun.

Qəbir daşlarında buğlanıb dadın.

Ayrılıb ayrılığa qan verən qadın,

Qanına susayıb sevmişəm səni.

Əkim 2017

Avqustun son günü

Avqustda anladır ağaclar

Payızın gəlişini yarpaqlara:

- Bir ay ömrünüz qalıb xərçəng xəstələri –

Saralıb solacaqsınız.

Oxuduğu budaq-budaq kitablardan tanıyır ağaclar

Xəstəlikləri də, əli baltalı adamları da.

Biz yer üzünü işıqlandıra bilmərik,

Yer üzünə çadır çəkin, baltalı kişilər deyir – yazıqlar –

Yerdəki işıqlar bəsinizdir,

Kor edir sizi hayqırırlar başları öz kötükləri üstə...

31 qor ay 2017

Sənin təhlilin

Bəlkə də evlənməyəcəm,

Bəlkə də çıxıb gedəcəm bu xarabadan.

Bəlkə günün birində qarşılaşanda

Bacı bu corabı neçəyə satırsan - deyəcəyəm

Tanımadan, bilmədən...

Bəlkə də ilk övladımı sən dünyaya gətirəcəksən,

Doğum evində baş həkimin köməkçisi kimi...

Elə bilirsən alın yazılarına proqnoz vermək asandır?!.

Sinvolun "fil" və "eşşək" olsa belə təhlili çətindir gülüm,

dərimizin altındakı vərəqlərin.

8 Yığım 2017

news-inner-user

17109 məqalə

Oxşar xəbərlər

Xəbər lenti

"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020
Azərbaycanlı yazıçı dünyasını dəyişdi
16:04 25 Noyabr 2020
"Yetim qızsan, qıvrıl, yat!" - Seymur Baycandan Aqşin Yeniseyə sərt tənqid
15:20 25 Noyabr 2020
Kəlbəcərli şair Sücaətin qardaşı: “Onun baş daşına ölüm tarixi yazılmayıb” – Müsahibə
14:40 25 Noyabr 2020
Məşhur aktrisa vəfat etdi
13:57 25 Noyabr 2020
“Qırmızı papaq” tamaşası onlayn nümayiş etdiriləcək
13:15 25 Noyabr 2020
“Qapımıza dizin-dizin gedəcəm” – Kəlbəcərlilər Qələbə sevincini bölüşür
12:34 25 Noyabr 2020
Tərəf müqabili ilə üçaylıq sevgi yaşadı, evi olmadığı üçün qarajda qaldı, iki dəfə intihara cəhd etdi – Ötən gün vəfat edən Xalq artisti
12:08 25 Noyabr 2020