news-inner
clock09:00 calendar-gray 11 Oktyabr 2017 view-gray252 dəfə oxunub
view-gray252 dəfə oxunub

Ölüm ayağında arvadına göz vuran xalq şairi - MARAQLI ADAMLAR

Kulis.az “Maraqlı adamlar” layihəsindən Vaqif Səmədoğlu ilə bağlı əhvalatları təqdim edir.

Məclislərin birində şair Qəşəm Nəcəfzadənin oğlu gənc yazar Kəramət Böyükçöl Vaqif Səmədoğlunun sözünü tez-tez kəsir. Birdən Vaqif müəllim əsəbiləşir:

- Bala, dədəm dədəndən böyük şairdir, özüm özündən sözümü niyə kəsirsən.

***

Vaqif Səmədoğlu Moskva-Həştərxan-Bakı təyyarəsi ilə vətənə gəlirmiş. Yolda yanında oturan qadınla tanış olur. Qadın Səməd Vurğundan xeyli danışır, onun şeirlərindən deyir, Vaqifin şair olduğunu bilmədiyi anlaşılır və bu Vaqifin kefinə dəyir. Arada necə olursa qadın ah çəkir:

- Nə ola, təyyarə Həştərxanda yerə enə, lap ürəyim sıxıldı...

Qadının təyyarənin Həştərxanda fasilə edəcəyini bilmədiyini görən Vaqif Səmədoğlu onunla zarafatlaşmaq qərarına gəlir və şəstlə ayağa qalxır:

- Bu saat pilota deyərəm, sizin üçün Həştərxanda “pasatka” edər – deyir və inamlı addımlarla texniki heyətin oturduğu kabinəyə yaxınlaşır. Bir neçə dəqiqədən sonra geri qayıdıb arxayınca yerində oturur:

- Heç narahat olmayın, Həştərxanda yerə enəcəyik.

Qadın gülür və Vaqif müəllimə inanmadığını bildirir. Bir azdan sonra təyyarənin Həştərxan üzərində eniş dövrəsi vurduğunu görüb həyəcanlanır:

- Sizə görə yox, Səməd Vurğunun xətrinə edirlər!

***

Aşıq şeirini sevən Qazax sakinlərindən biri hansısa toy məclislində yaxşıca vurmuş Vaqif Səmədoğlunun üstünə qışqırır:

- Moşu Göyəzənli səndən istedadlıdır!

Vaqif Səmədoğlu bu sözdən inciyir və toydan çıxıb gedir.

***

Aşıq Ədalət Nəsibov tədbirlərin birində millət vəkili Vaqif Səmədoğluna yaxınlaşır:

- O boyda Səməd Vurğunun oğlusan, bir işə yaramırsan!

- Neyləyim, ay qağa?! – şair ustad aşığı sevgiylə qucaqlayır.

- Əlin böyüklərin ətəyindədir, denən mənə də prezident təqaüdü versinlər.

- Mənim gözüm üstə! – deyir Vaqif müəllim və doğurdan da xahiş edib məsələni yoluna qoyur.

***

Millət vəkili olduğu vaxt qazaxlı qohumlarından biri Vaqif Səmədoğluna zəng edir:

- Ay qağa, hancarı o aeroport yolunda iki “zapravka” alıb vermeeersən qardaşın işlədə?

***

Tbilisi səfərində şair Vaqif Səmədoğlu köhnə dostu Lətif Mustafaoğluyla rastlaşır. Bir az sərxoş olan Lətif məclisdə dilini dinc qoymur, hərdən qonağa sataşmağa başlayır. Axırda güclə səbrini basan Vaqif Səmədoğlu dözmür:

– Lətif, gəl, səni öpüm, çıx get. Yoxsa əlimdən xata çıxacaq!

***

Azərbaycan Yazıçılar Birliyinin XII qurultayında çıxış edən Birliyin Ağsaqqallar Şurasının sədri, xalq yazıçısı Vaqif Səmədoğlu tribunadan deyir:

– Son vaxtlar Ağsaqqallar Şurasının iclaslarını tez-ytez keçirdirəm. Bütün mövzulara toxunuram; İctimai, siyasi, mədəni, tarixi, fəlsəfi, ekoloji və sair. Haqlı təəccüblənirsiniz ki, bəs o iclaslar harada, nə vaxt olur? Məsələ burasındadır ki, on il əvvəl seçilmiş Ağsaqqallar Şurasının üzvlərinin məndən başqa hamısı ölüb. İclası harada, nə vaxt istəsəm, təkbaşına keçirirəm.

***

Vaqif Səmədoğlu ölüm ayağında dostlarından birinə deyir:

- Ömür boyu ölümün nə olduğu haqda düşündüm, yazdım, amma onu anlaya bilmədim. Bir azdan sonra anlayacağam, buna sevinirəm. Məni ağrıdan odur ki, anladığımı heç kimə deyə bilməyəcəyəm. Barı zəng etmək mümkün olsaydı...

***

Xərçəng xəstəliyindən əziyyət çəkən Vaqif Səmədoğlu ölümdən qorxmurdu və son çıxışlarının birində demişdi:

– Bugün-sabahlığam. Hamınızı yasıma dəvət edirəm!

***

Vaqif Səmədoğlu qəfildən həyat yoldaşı Nüşabə xanımdan onu tək buraxmağı xahiş edir. O, otağın qapısından çıxanda dönüb geriyə baxır. Vaqif gülümsəyib Nüşabə xanıma göz vurur. Bir azdan otağa qayıdan xanımı şairi ölmüş görür.

news-inner-user

16783 məqalə

Oxşar xəbərlər

Xəbər lenti

Azərbaycan beynəlxalq musiqi festivalında təmsil olunacaq
18:41 22 Oktyabr 2020
Məşhur muzeylərin eksponatlarını dağıtdılar
18:04 22 Oktyabr 2020
Kuklada uşaqlar üçün tamaşa
17:23 22 Oktyabr 2020
Arvadına kölə kimi baxan varlı ər – Hekayə
16:44 22 Oktyabr 2020
Britaniyalı rəssamın əsəri 9.8 milyon dollara satıldı
16:01 22 Oktyabr 2020
Ərtoğrul məktubunda Üzeyir bəydən nə xahiş etmişdi? - Hüseyn Cavidin 24 yaşında ölən yeganə oğlu
15:22 22 Oktyabr 2020
İti qovmasan, özünü qurd zənn ediər – Təzə atalar sözləri
14:38 22 Oktyabr 2020
Zəngilanlı müğənni: "Torpağını üzümə sürtəcəm"
13:56 22 Oktyabr 2020
Hamımız vətənə oxşayırıq - Xanım İsmayılqızından qələbə şeirləri
13:18 22 Oktyabr 2020
Kəndi azad edilən şairə: “Xəbəri eşidəndə nitqim tutuldu” – Müsahibə
12:30 22 Oktyabr 2020
Qremmi mükafatının təqdimat tarixi bəlli oldu
11:56 22 Oktyabr 2020
Əlif Şəfəqi utandıran foto
11:16 22 Oktyabr 2020
Füzulidə yallı gedən ruhlar - Günel Mehri yazır...
10:36 22 Oktyabr 2020
Azərbaycanlı rejissora ağır itki
10:07 22 Oktyabr 2020
Qarabağa səyahət edən gürcü yazar erməniləri necə ifşa etdi?
09:00 22 Oktyabr 2020
Azərbaycanda yeni müsabiqə elan olundu - Şərtlər
18:36 21 Oktyabr 2020
Atamın Zəngilandakı məzarını tapa biləcəyəmmi? - Gülşən yazır...
18:15 21 Oktyabr 2020
Tamaşaçılar şarın içinə girdi - Qeyri-adi konsert
17:57 21 Oktyabr 2020
O gün uzaqda deyil - Gənc yazarın əsgərə məktubu
17:12 21 Oktyabr 2020
Torpağın dadı - Aydın Talıbzadə yazır...
16:30 21 Oktyabr 2020