news-inner
clock09:10 calendar-gray 07 Oktyabr 2017 view-gray446 dəfə oxunub
view-gray446 dəfə oxunub

Dənizdə boğulan dostunun sevgilisini zorlayan azərbaycanlı

Kulis.az “Naməlum kino” layihəsində Eldar Quliyevin 1986-cı ildə çəkdiyi “Burulğan” filmini təqdim edir.

Süjet: Murad (Məmməd Məmmədov), Ruslan (Eldar Tağıyev), Nata (Eqle Qabrenayte) və Tamara (Həmidə Ömərova) adlı bir neçə gənc istirahət günlərini kimsəsiz adalardan birində keçirməyi planlaşdırır. Onların dəstəsinə gözlənilmədən çoxdankı dostları Adil (Vidadi Həsənov) də qoşulur. Ancaq Adilin qəfil gəlişi onların ovqatını təlx eləyir. Adilin əsas məqsədi istirahət yox, yüksək vəzifədə işləyən Muraddan problemlərinin həlli üçün kömək istəməsidir.

Çadır qurub, yerbəyer olmamış Murad dənizdə batır. Onu xilas etmək üçün Ruslan dərhal özünü dənizə atır. Çox çalışsa da dostunu xilas edə bilmir. Hadisədən sarsılan dostlar Ruslana bir az şübhəylə baxırlar. Onlara elə gəlir ki, o, Muradı hər halda xilas edə bilərdi. Amma Ruslan and-aman edir ki, Murad onu boğmaq istəyirdi və o, özünü boğulmaqdan güclə qurtardı. Muradın sevgilisi Nata emosional şok keçirir. Adil qadını ovutmağa çalışır, sonra onu zorlamağa cəhd edir və qadın sonda özü ona təslim olur. Səhər onların eyni çadırdan çıxdığını görən Ruslan Adili döyür. Sonra tədricən film boyu qaranlıq məqamlar açılmağa başlayır...

“Burulğan” həm aktyor oyununa, həm ssenarisinə, həm rejissor, həm də operator işinə görə milli kinomuzun ən yaxşı filmlərindən biri sayıla bilər.

Film 1986-cı ildə yenidənqurma illərində lentə alınıb. Əhvalat keçmiş Lenin, indiki Azadlıq meydanında rəsmi dövlət tədbiri üçün kütləvi tamaşanın hazırlıq prosesini əks elətdirən kadrlarla başlayır. İnsanların qayğısız, dövlətin idillik obrazını yaradan bu plakatvarı götüntülər filmdə təsadüfi yer almayıb. Personajların - sovet vətəndaşlarının, xüsusən də yüksək vəzifə tutan məmurların, elitanın davranışının təsviri, gerçək niyyətlərinin açılması ilə bu plakatlıq ziddiyyət təşkil edir, sistemin saxtakarlığını göstərir.

Yüksək vəzifə tutan Murad marağını güdən birisidir, o, insanlara məqsədlərindən istifadə etmək üçün bir alət kimi baxır, onları aşağılayır, iradəsinə tabe etdirir. Onun üçün müqəddəs dəyərlər mövcud deyil. O, növbəti dəfə öz oyunu ilə onları ələ salır. Özünü dənizdə boğulan kimi göstərir, sonra isə kənardan bir neçə gün onların davranışını, ona bəslədikləri həqiqi münasibəti seyr edir.

Ada təbii ki, yalnız coğrafi məkan mənasını daşımır. Eyni zamanda özlərinin qaranlıq tərəfləri ilə baş-başa qalan, film boyu o məqamları üzə çıxaran qəhrəmanların mənəvi dünyasının modelidir. Bu ada kimi onlar da qapalıdır, çıxılmazlıqda ilişiblər. Və hər şeydən əvvəl özləriylə çətin münasibətdədirlər, özləriylə səmimi deyillər.

İlk kadrlada Muradla mehriban sevgili kimi gorünən Nata əslində ona nifrət edirmiş. Muradın ondan qadın kimi istifadə elədiyi üçün. Hətta Adillə intim münasibətiylə özlüyündə ondan qisas alır. Ruslan isə Tamara ilə görüşsə də, onu aldadırmış, çünki o, bir neçə gün əvvəl varlı bir ailənin qızı ilə nişanlanıbmış. Adil institutdan bəri həmişə Muradın qara işlərini görüb, hətta Natanı vaxtilə onunla tanış edib. Əla üzməyi bacarsa da, Murad boğulanda bilərəkdən onu xilas eləmir. O da beləcə qisasını alır. Bu dəstədə mənən çirklənməyən, səmimi olan yeganə adam Tamaradır. Təsadüfi deyil ki, Murad qayıdıb gələndə, yenə hamı onunla dinməz hesablaşanda, ona üsyan edən də Tamara olur.

Filmin sonunda Murad doğrudan da boğulur. Bununla belə final açıq qalır. Adil, Ruslan, Nata boğulan, imdad diləyən Murada baxır, onun yenidən oyun qurub-qurmadığına əmin olmaq istəyir, ona görə də tərəddüd içində qalırlar.

Operator işi özəlliklə diqqəti çəkir. Adanın bozluğu, hadisənin qurumuş ağaclar, çılpaq təbiət fonundakı cərəyanı, boşluqda olan qəhrəmanların mənəvi durumuyla ahəngləşir, dramın emosionallığını gücləndirir. Seçilmiş çəkiliş nöqtələri qəhrəmanların ruhi vəziyyətini, əhvalatın atmosferini dəqiq anladır.

Filmin ssenari müəllifləri Eldar Quliyev, Ramiz Fətəliyev, operatoru Rafiq Qəmbərov, bəstəkarı Müslüm Maqomayevdir.

Oxşar xəbərlər

Xəbər lenti

Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur – Sevda Sultanova yazır...
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021
Tanınmış aktyor vəfat etdi
09:29 19 Aprel 2021
Şövkət Ələkbərovanın gəlini: “KQB” ərinin intiharından danışmağı ona qadağan eləmişdi” - Müsahibə
08:58 19 Aprel 2021
Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021