news-inner
clock17:30 calendar-gray 28 Sentyabr 2017 view-gray67 dəfə oxunub
view-gray67 dəfə oxunub

“Nənə” sözündən qorxan aktrisa” – TANIYIN MƏNİ

Kulis.az yeni “Tanıyın məni” layihəsindən aktrisa Kəmalə Müzəffərin həyat və yaradıcılıq yolundan maraqlı faktları təqdim edir.

Kəmalə və Müzəffər

Kəmalə Müzəffər. Əməkdar artist, Gənc Tamaşaçılar Teatrının aktrisasıdır.

1967-ci il, mayın 29-da Şəkidə anadan olub. Ailənin dördüncü övladıdır. Müzəffər Kəmalə Hüseynovanın atasının adıdır. 2000-ci illərdən sonra ikinci ad kimi Müzəffəri seçib. Halbuki Müzəffər kişi onun aktrisa olmasını istəmirmiş.

Müzəffər kişi Şəkidəki ipəkçilik texnikumunun müəllimi olub. Kəmalənin 8 yaşı olanda ailə Bakıya köçüb. Atası balaca Kəmaləni gələcəkdə şərqşünas kimi görmək istəyir və ona görə də onu Bakıdakı yeganə ərəb dili təmayüllü 44 nömrəli məktəbə qoyur.

Bu sahəyə maraq göstərmədiyini gördükdən sonra onu hüquqşünaslığa yönəldir. Təsadüfən bir 26-lar adına Mədəniyyət evinin tamaşasını izləyəndən sonra gənc Kəmalə səhnə arzusuna düşür. Və atasından gizlin dərnəyə getməyə başlayır. Elə İncəsənət Universitetinə sənədlərini də gizlicə verir. "Dram və kino aktyorluğu" fakültəsinə qəbul olunduğu xəbərini elan edəndən ta ailə quranadək atası bu qərarına görə Kəmalə Hüseynovanı danışdırmır.

Həyat yoldaşı

“İkinci kursda oxuyanda rejissorluq fakültəsində oxuyan bir oğlan məni iki tamaşaya dəvət etdi, mən də sonradan həyat yoldaşım olan bu oğlanın tamaşalarında oynadım və qərara gəldim ki, aktrisa olacağam. Sonra yoldaşım rejissor olmadı, amma məni aktrisa elədi”.

Bu sözləri aktrisa həyat yoldaşı haqqında deyir.

1986-1990-cı illərdə Azərbaycan Dövlət İncəsənət İnstitutunun də ali təhsil alan Kəmalə Hüseynova artıq dördüncü kursdan Gənc Tamaşaçılar teatrına dəvət olunur. Teatrda ilk rolu “Ərizə” tamaşasında baş rol olur.

Həyat yoldaşı başqa bir sahə üzrə işləsə də Kəmalə Müzəffər üçün rejissordur.

Elə bil imtahan verirəm onun qarısında. Biləndə ki, o zaldadır, özümü yaxşı hiss eləmirəm. Ona görə də xahiş edirəm ki, mümkündürsə tamaşalarıma gəlməsin”

Nənə sözünün xofu

3 övladı var. Biri hüquqşünaslığı, o biri birisi tibb sahəsini seçdi. Bir ana kimi uşaqlarını evləndirməyi arzulasa da, Kəmalə Müzəffər yaşlanmaqdan, “nənə” çağırılmaqdan qorxur.

Nəvələrimə deyəcəm mənə Kama desinlər...”

Səhnə yüksəkliyi

Rəsul Rzanın poeması əsasında hazırlanan “Ana qaz” tamaşasının uğurundan sonra teatrda aktrisanın şöhrəti daha da yüksəlir. Alleqorik əsərdə ananın hisslərini bütün dərinliyi ilə çatdırması sənət bilicilərinin diqqətini çəkir. “Pəri cadu”da, “Qatarın altına atılan qadın”da “Mən gəldim, qızlar” tamaşasında baş rollar qazanır.

“Vicdan haqqı” teleserialında Dilarə obrazı ilə daha böyük tamaşaçı kütlələrinə nüfuz edir. Ailənin bütün çətinliklərinə tab gətirən azərbaycanlı Dilarə ərinin Rusiyada rus qadınla evlənməsini qəbul edə bilmir.

Aktrisanın filmoqrafiyasında iki “Məhkumlar” ekran işi var. Bunlardan biri 2007-ci ildə çəkilən rejissor Mehriban Ələkbərzadənin tammetrajlı bədii filmi, digəri isə teleserialdır.

M. Ələkbərzadənin “Məhkumlar” filmində cüzamlı xəstəni oynayan aktrisa az sonra həyatda dəri xərçəngi xəstəliyinə tutulur. Lakin böyük əzmlə xəstəliklə mübarizə aparır və çətin dönəmi adladır.

Ögey ananın vicdan haqqı

Böyük reytinqli “Vicdan haqqı” serialından ayrılan Kəmalə Müzəffər yeni mövsümdə “Ögey ana” serialında oynayır. “Ögey ana” serialı 1958-ci ildə çəkilən məşhur “Ögey ana” filminin motivləri əsasında çəkilir. Kəmalə Müzəffər filmdən Dilarə (Nəcibə Məlikova) kimi tanıdığımız ögey ana obrazını yaradır. Amma yəqin ki, aktrisanın ayrıldığı “Vicdan haqqı” serialındakı obrazını xatırlatmamaq üçün yeni “Ögey ana”dakı obrazını Sevinc adlandırırlar.

Maraqlısı isə odur ki, aktrisa “Ögey ana” da “Vicdan haqqı”ndakı Larisanın vəziyyətinə düşür.

Bu nə deməkdir? Həyat oyundur; şərtlər, vəziyyətlər dəyişir. Yeganə qazanc hiss etmək, düşünmək, dərk etməkdir. Bunun üçün isə oyunun içində olmaq vacib deyil. Kino, teatr, ədəbiyyat, ümumiyyətlə incəsənət insana oturduğu yerdə bu imkanı verir. Ekran qarşısında, teatr salonunda, qalereyada, kitab səhifələrində…

Aktrisa Kəmalə Müzəffər insanın hər rolda ola biləcəyinə tamaşaçıları inandırır. Bir aktrisa üçün zəfər bu olsa gərək… Kəmalə Müzəffər…

news-inner-user
Aliyə

976 məqalə

Paylaş

Oxşar xəbərlər

Xəbər lenti

Baş kəsməyi təbliğ edən Nadir Qafarzadə
23:09 25 Avqust 2019
Bəxtiyar Vahabzadədən unudulmaz sevgi şeiri
12:54 25 Avqust 2019
Ölənlərin səsləri həmişə mənimlədir... - Borxesin şeirləri
16:41 24 Avqust 2019
Elyanora
16:36 24 Avqust 2019
“Koroğlu” operası tamaşaçılara təqdim olunacaq
15:51 24 Avqust 2019
“Dejavü” növbəti dəfə nümayiş ediləcək
14:25 24 Avqust 2019
Öldürmək istədiyim hamilə qadın - Əyyub Qiyasdan əfsanə
13:29 24 Avqust 2019
Məşhur italiyalı aktyor vəfat edib
12:41 24 Avqust 2019
Şairə xanım Firudin Qurbansoya səsləndi: "İnsanların haqqına girməkdən qorxun!"
11:38 24 Avqust 2019
"Mama, nolar ölmə"
10:44 24 Avqust 2019
Ceyms Bond haqqında yeni film sonuncu ola bilər
10:04 24 Avqust 2019
İran qadınlarının həyatı: fahişədən general arvadınadək
09:01 24 Avqust 2019
“Doktor Jivaqo” hədsiz zəif əsərdir” – Brodskinin qeyri-adi müsahibəsi
21:01 23 Avqust 2019
Onlar 2019-da hamıdan çox qazandılar - Siyahı
19:00 23 Avqust 2019
Nəsiminin 650 illik yubileyinə həsr olunan xatirə pulu buraxılıb
18:24 23 Avqust 2019
Mirzə Cəlilin son cümlələri... - Mehman Qaraxanoğlu yazır
17:29 23 Avqust 2019
“İt gəzdirən xanım” tamaşası yenidən nümayiş olunacaq
16:37 23 Avqust 2019
Tələbəsinə aşiq olan, 20 Yanvarda adamları ölümdən qurtaran aktyor – Maraqlı faktlar
15:45 23 Avqust 2019
Oğru adlandırılan şair danışdı: “Olur belə şeylər"
15:07 23 Avqust 2019
Yaqub Zurufçu: “Ququşun “Ayrılıq" mahnısı seksual səslənir” – Müsahibə
14:58 23 Avqust 2019