writer1

Ayxan Ayvaz

Məqalə sayı

528
clock11:51 calendar-gray 22 Sentyabr 2017 view-gray369 dəfə oxunub
view-gray369 dəfə oxunub

O fahişəni sevirdim

Mən o fahişəylə barların birində tanış olmuşdum. Məsum çöhrəsi vardı, uşaq təbəssümü ilə gülümsəyirdi. Biz onunla otağa girəndə bir anlıq duruxdum.

- Nə oldu? Niyə kefin yoxdur? – soruşdu çiynimdən tutaraq.

- Heç...

- Sevgilindən ayrılmısan?

- Sevgilim yoxdu.

Otağa girəndə hiss etdim ki, mən ona toxuna bilməyəcəm. Bir anlıq qorxdum. Tez o otaqdan çıxıb getmək istədim. Qorxumun səbəbi özümə də bəlli deyildi. Amma bu qorxu sevgidən yaranmışdı. Bir fahişəni sevmək mənə qorxulu yuxu kimi gəlirdi.

Birdən ağlımdan uşaqca bir şey keçdi. Guya fahişəni bu qaranlıq dünyadan çıxarıb işıqlar diyarına aparıram. Nağıl kimi bir şəhərdə xoşbəxtcəsinə yaşayırıq.

- Nə düşünürsən? Soyun də... – o məni tələsdirirdi. İndi fikir verdim ki, artıq ətcəbala qarşımda dayanıb. Belə tez soyunmağı əsəblərimə toxundu, içim buza döndü.

- Niyə belə tez soyundun? – soruşdum. - Mən belə sevmirəm.

- Əşşi, vaxt yoxdu e... Sən romantika axtarırsan.

Qəfil xəyalımda yaratdığım nağıl şəhəri gözlərimin qabağında durdu:

- Gedək buralardan...

- Hara? Başqa yerdə istəyirsən?

Məni başa düşməmişdi, gedib paltarlarını geyinmək istəyirdi.

- Onda qiymət çox olacaq ha...

- Onu demirəm. Gəl səni bu həyatdan xilas edim.

- Nə?

- Deyirəm, xilas eləyim də səni.

- Boş-boş danışma. – qaqqıldadı, bədəni dalğa-dalğa yırğalandı.

Birdən-birə nə qədər axmaq bir təklif etdiyimi anladım, başımı buladım:

- Alınmayacaq məndə.

- Narahat olma. - əlimi tutdu. – Gedək.

Pulu uzatdım, götürmədi. Əlini çiynimə aşırdı, əhli-kef görkəmdə otaqdan çıxdıq. Qabağımıza başqa fahişələr çıxdı, tüstünün içində onların parıltısını görürdüm. Birdən ağlımdan keçdi ki, ən çətini onları seçmək olur. Hamısı sənə baxır və sən yalnız birini seçməlisən. Həm də düşündüm ki, fahişələrin hər şeyi ortadadır, yalan danışmırlar, (əslində onlarınuydurma hekayələr danışmasını çox eşitmişdim)gördüyün kimidir onların həyatları. Və qəribədir, bayaqkı hiss təzədən bütün vücudumu titrətdi: fahişəni sevə bilərəm! Özü də çox dəhşətli bir sevgi olar bu. Heç yerə qaça bilmərəm bu sevginin əlindən. Həm də qorxu da səpilirdi bu sevgiyə.

- Sevgilimdi e... – fahişə rəfiqələrinə baxıb dedi, hamısı gülüşdü. – Zor oğlandı!

Özümü onun cəngindən xilas eləyib küçəyə çıxdım. Tezbazar ordan uzaqlaşmalıydım. Bir də gördüm arxamca gəlir, köynəyini bağlaya-bağlaya. Uzun ayaqlar pillələri enirdi.

- Sənə sözüm var. – dedi mənim yanıma çatmadan.

- Buyur...

- Bir də bura gələndə içmə. Yaxşı?

Başımı tərpətdim.

Bir də ora getməyəcəkdim yəqin ki. Ora getsəm, həmişə bu məsum, uşaq təbəssümlü fahişə çıxacaqdı qabağıma. Mən onu xilas etməyi düşünəcəkdim axmaqca. O da mənə baxıb güləcəkdi. Sevəcəkdim o qadını. Tükürpədici bir sevgi olacaqdı bu.

- Narahat olma. – deyəcəkdi. – Heç kimə demərəm.

- Səni sevirəm!

- Yavaş, eşidirlər. Adamları özünə güldürmə. Fahişəni sevmək olmaz.

Qulağımda onun səsi küçənin qaranlığında yüyürə-yüyürə o bardan uzaqlaşdım.

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021