news-inner
clock17:15 calendar-gray 14 Sentyabr 2017 view-gray284 dəfə oxunub
view-gray284 dəfə oxunub

Sənin bədəninə bələdçi olmaqdır sevgi - YENİ ŞEİRLƏR

Kulis.Az İtaliyada yaşayan Azərbaycanlı rejissor Nihad İsanın şeirlərini təqdim edir.

Yalanı pencək tək geyən doğrular


Bilirsən ulduzlu səmanı
mən niyə sevdim?
Hər ulduzvücudun bir zərrəsidir.
Göylərdə sayrışan, qaçışan ulduz,
məhz sənin,
arzunun bir kəlməsidir.

Bilirsən ulduzlu səmanı
mən niyə sevdim?
Samovar dəmləyib, oturmaq üçün.
Çırpının üstümə kömürlər düzüb,
atəşin nurunu izləyib, sezib,
ona sözlərimi çatdırmaq üçün.
hər sözü yandırıb alışdıraraq,
incəldib, köksünə batırmaq üçün.

Bilirsən,
ulduzlu səmada ağrı da itir.
Adam ağrılardan dincini alır.
Yalanı pencək tək geymiş doğrular
yorur ruhumuzu, sanki öc alır.
Soyunub ara bir düşüncələrdə,
yapışır nəfəsdən, hər gün güc alır.

Bilirsən,
üzümü göyə tutanda ,
nəfəsim səmaya tabe olanda
yox olur yalan da,
doğru da itir.

Bilirsən,
ulduzlu səmada ağrı da itir.
İnsan ağrılardan dincini alır.

Tərcüman

Sevgini tərcümə etməkdir sevmək.
Ətlə sümük arasından sözləri seçib,
pıçıldamaqdır.
Bədəninə düzgün bələdçi olmaqdır,
onun fəzasında uçmaqdır
səhər, axşam
...

Ölümü qarşılarkən,
qorxuları dualara tərcümə etməkdir
ən pak ibadət.
Titrətməkdir təbəssümü,
əzizləməkdir bütün qorxuları.
Təki səndən uzaq olsunlar.

Bəzən tələsdirməkdir,
ən son günü çağırmaqdır.

Ətlə sümük arasında var gəl edən
bir tərcümandır
ruh.

Paltonun altında əzilən yuxu

Yadların torpağında,
bir soyuq məmləkətdə
hər şeydən bezmiş kimi
yatırsan.

Qaşlarının çatı qalıb.
Təəccübün nədəndir?

Sanki, birər-birər
sən yuxunda açırsan,
ömrün neçə qatı qalıb.

Müharibə gedən ölkə
səni qovub uzağa.

Bir tikə çörək dərdi
səni salıb tuzağa.

Başında dünya yükü,
başın da çiyninə yük.
Zavallı qız, geydiyin
Palto da əyninə yük.

Əllərin qabarından
bəlli, zəhmət sevənsən.
Bəlkə sevənin yoxdur?
Sənsə, əlbət sevənsən.

Sevməkdən yorğun düşüb,
yatırsan ...
yadların torpağında,
bir soyuq məmləkətdə.

Bir narahat qoltuqda
başın dəyir çiyninə.
Qaşlarının çatı qalıb
çözülməmiş...
Sən hələ yatmamısan,
yuxun da yozulmamış ...

cibdə para olsa əgər

Bağu bostan verər bəhər, cibdə para olsa əgər.
Gedib eylə bağı səfər, cibdə para olsa əgər.

Sən ey Məcnun, nə görmüsən səhralarda, yetər artıq!
Gəl səhranı eylə şəhər, cibdə para olsa əgər.

Ağlamısan gecə gündüz, Leyla deyib hönkürmüsən.
Bəlkə duyar, Leyla gələr, cibdə para olsa əgər.

Baş açmadım bu dünyanın işlərindən, anlamadım.
Qarışqalar fillər əzər cibdə para olsa əgər.

Dedilər ehtiyac yoxdur üzdə saqqal saxlamağa.
Dəxi onsuz sözün keçər cibdə para olsa əgər.

Adım İsa, özüm şair, yazdım qəzəl pula dair,
Bəlkə yazmazdım bu qədər cibdə para olsa əgər.

news-inner-user

19971 məqalə

Oxşar xəbərlər

Xəbər lenti

Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021