news-inner
clock10:02 calendar-gray 13 Sentyabr 2017 view-gray175 dəfə oxunub
view-gray175 dəfə oxunub

Ən böyük xəyanət – Rəbiqə yazır...

Kulis.az Rəbiqə Nazimqızının “Ən böyük xəyanət sənsizliyin özüdür” essesini təqdim edir.

Almalı qəlyanının ətri gəlir aralıdan. Hava soyuyub. Adam azdı. Bir az aralıda tanışlardı. Masalarına dəvət etdilər, getmədim. Özümü görmək istəmirəm, onlar özümü xatırladacaqdılar, başlayacaq bir az ezoterik, bir az ədəbi söhbətlər. O şairin heç vaxt mənasını anlamadığım uzun-uzadı çıxışı.

Yox, tək qalmaq lazımdı. Təm-tək.

- Kimsə gələcək?

- Yox.

- Deməli, 1 çaynik çay, çiyələk mürəbbəsi…

- Yox, bu gün çiyələk istəmirəm. Ağ gilas olsun.

- Başqa nəsə lazımdı?

- Bu stulları götür burdan…

- Bir dənə əlavə stəkan da gətirdim… Lazım deyil? Aparım?

- Fərqi yoxdu.

- Onda qalsın.

“Təəccüblə baxma, nə olar. Sual vermə. Özün də get. Mən də bir az oturub gedəcəm. Bir az anlayışlı ol. Ay sağ ol, bax belə, get başqa müştərilərlə ilgilən”.

Bunu üzümdən oxudu. Ağıllı qarsonları sevirəm. Yox, sevmirəm, onlarla daha rahatdı. İndi heç kəsi sevmirəm. Xüsusən özümü…

Gecə işıqları metal saatıma düşür, parıldayır. Metal parıltısını sevirəm, amma indi ona da baxmaq istəmirəm. Masalara baxıram. Mənim üzbəüz küncdə oturan oğlanın düzgün cizgiləri olan yaraşıqlı sifətinə. Nəyəsə gülür. Bu gülüşdə diqqətimdən yaranan özündənrazılıq da var. Qoy sevinsin.

Nəzərlərimi çevirirəm, nəyə lazımdı bu oyunbazlıq? Özü də indi.

Yadıma 20-24 yaşlarında, tez-tez gördüyüm qəşəng bir oğlanın sifəti düşür. Bu, xəyanət deyil, əzizim. Mənim uşaqlarla uğraşacaq vaxtım deyil. O sifət yalnız bir fikri xatırladır: sənə ən böyük xəyanət sənsizliyin özüdür.

Çay soyuyur. Sakitləşirəm. Telefon zəng çalır. Qızımdı. “Gəlirəm” deyirəm, metal saatımı və gümüşü qolbağımı bağlayıb, ayağa qalxıram. Onlarla mənə rahatdı, yəqin, çoxdan tanış olduğumuz, bir-birimizə vərdiş etdiyimiz üçündü.

Hesabı istəmirəm, gözləməyə səbrim çatmır, kassaya yaxınlaşıram. Ağıllı ofisianta vermək üçün qalıq yoxdu.

Suallarım da yoxdu, tərsinə çevrilmiş bu qarmaqlardan asılmaqdan bezmişəm, mən bu asılqandayam, mən özüm sualam. Müəmmayam, sirrəm və bu mənim xoşuma gəlmir. Sirli olan heç nəyi sevməmişəm, Makedoniyalı İsgəndərə olan böyük sevgimin səbəbini bilirsənmi? Həəə, Qordi düyünü. Qalan hər şey boş şeydi.

Amma İsgəndər düyündən kənarda idi, özü içərisində olsa, qılıncını sıyıra bilməzdi.

Mənim qılıncım da yoxdu, bircə qalxanım var, o da yaman ağırdır, daşımaq olmur.

Gedim, sən də yorulmusan, gedim səni yatırım, yoruldun mənimlə sərgərdan dolaşmaqdan.

news-inner-user
Rəbiqə Nazimqızı

17 məqalə

Paylaş

Oxşar xəbərlər

Xəbər lenti

İntiqam Qasımzadə: “Tənqid dostluq səviyyəsində olmalıdır” – Müsahibə
18:30 23 Oktyabr 2019
Dünyanın ən çox satılan kitabı Azərbaycan dilində
17:40 23 Oktyabr 2019
Lyudmila Duxovnaya “Şöhrət” ordeni ilə təltif olunub
17:10 23 Oktyabr 2019
Özünü tutdurmaq istəyən gənc yazıçı
16:41 23 Oktyabr 2019
Öz toyunda itən, ölümünü yuxuda görən, 23 ildən sonra oğlu ortaya çıxan xanəndə
16:01 23 Oktyabr 2019
Tarkovskinin oğlu atasından film çəkdi
15:22 23 Oktyabr 2019
Fahişə kişilərə aldanmayın – Nura Suri yazır...
14:50 23 Oktyabr 2019
Onlar istefa versə nə dəyişəcək? – Aliyə yazır...
14:15 23 Oktyabr 2019
Anar ondan istefa tələb edənlərdən danışdı - Açıqlama
13:26 23 Oktyabr 2019
Salam Sarvan “Kulis”in canlı efirində
13:06 23 Oktyabr 2019
Məscid tablosu 4 milyona satıldı
12:20 23 Oktyabr 2019
Həmid Herisçi televiziyadan getməsini hekayəyə çevirdi: “İtlər vadisi”
11:37 23 Oktyabr 2019
Bir sıfır öndə olan yazıçılar
11:05 23 Oktyabr 2019
AMEA prezidenti istefa verir
10:30 23 Oktyabr 2019
Bu gün Nəsimiyə həsr olunmuş konsert olacaq
09:46 23 Oktyabr 2019
Öz gücünə 3 dil öyrənən azərbaycanlı: “Filmdə Nəsiminin dialoqları çox zəifdir”
09:01 23 Oktyabr 2019
Dünyanın o başına... - İvan Bunindən hekayə
21:00 22 Oktyabr 2019
“Sevil” operası nümayiş ediləcək
18:41 22 Oktyabr 2019
Hacı İsmayılov: “Afaq Bəşirqızının fikirləri qərəzlidir”
18:10 22 Oktyabr 2019
İntiqam Qasımzadə: “Anar padşah deyil” – Müsahibə
17:30 22 Oktyabr 2019