news-inner
clock09:30 calendar-gray 09 Sentyabr 2017 view-gray238 dəfə oxunub
view-gray238 dəfə oxunub

Mirzə Cəlilin kinoya çəkilən ilk əsəri

Kulis.az “Naməlum kino” layihəsində Rauf Kazımovskinin 1967-ci ildə çəkidyi “Poçt qutusu” qısametarjl filmini təqdim edir.

Süjet. Novruzəli (İsmayıl Osmanlı) həmişəki kimi kənddən xana (Ağasadıq Gəraybəyli) sovqat gətirir. Xan İrəvanda yaşayan dostuna məktub yazaraq ora arvadı ilə gələcəyini, qalacaqları evi səliqəyə salmağı, isitməyi təvəqqe edən məktub yazır.

O, Novruzəlini məktubu poçt qutusuna salmaq üçün poçtxanaya yollayır. Və onu kimsəyə verməməyi tapşırır. Poçtun nə olduğunu bilməyən Novruzəli həyatında ilk dəfə qutuya məktub atır. Qaydaları bilmədiyindən qutunun yanında gözləyir.

Poçt xidmətçisi (Viktor Kolpakov) qutudan məktubları götürəndə Novruzəli onun oğru olduğunu güman edərək onunla əlbəyaxa olur. Nəticədə polisə düşür. Xan Novruzəlini zaminə götürür. Az sonra Novruzəliyə üç ay həbs cəzası kəsilir...

Film, Kulis.az -ın “Beş ən yaxşı Azərbaycan hekayəsi” sorğusunda birinci yeri tutan Cəlil Məmmədquluzadənin məşhur hekayəsinin əsasında çəkilib. Rejissor filmdə hekayəyə müəyyən dəyişikliklər etsə də əsas süjet olduğu kimi qalır.

Ötən həftələrdə Cəlil Məmmədquluzadənin “Pirverdinin xoruzu” adlı hekayəsi əsasında ekranlaşdırılan eyni adlı filmdən (rejissor Ramiz Əzizbəyli, ssenari müəllifi Eldəniz Quliyev) yazmışdım. Bu kinoəsərinin üstünlüyü onda idi ki, müəlliflər klassik hekayəni olduğu kimi ekrana köçürməmişdilər, əksinə, ona öz yozumlarını vermişdilər, xarakterlərdə müəyyən dəyişikliklər etmişdilər, modernist fəndlərdən yararlanaraq uğurlu kino dili seçilmişdi və əhvalat dünyəvilşdirilmişdi. Eyni zamanda hekayənin ruhu saxlanılmışdı.

Hazırki əsas şəkil

“Poçt qutusu” ekran işi haqda isə bunları söyləmək çətindir. Əhvalat ənənəvi kinotəhkiyə çərçivəsində qurulub, hekayəyə müəllif tərəfindən yeni nəfəs verilməyib. Edilən müəyyən redaktələr isə daha çox ideoloji xarakter daşıyır.

Məsələn, Novruzəli məktubu aparmağa gedəndə yolda həbs olunmuş bir neçə nəfəri görür. Görkəmlərindən məlum olur ki, çar əleyhinə mübarizə aparan bolşeviklərdir. Novruzəli özlüyündə onların günahsız olub-olmamasını düşünür. Sonda isə polislərə haqq qazandırır ki, “günahsız adam tutulmaz”.

Sonradan özü haqq etmədən, məlumatsızlığı üzündən üç aylıq cəzaya məhkum olunur. Bu dramaturji ardıcıllıqla da müəllif vurğunu çar rejiminin ədalətsizliyinə vurğu edir.

Ümumiyyətlə isə, filmdə nisbətən uğurlu bədii həll xanın Novruzəlini zaminə götürdüyü səhnədir. Novruzəli divanxanadan xana minnətdarlıq, üzündə sadəlövh, səmimi ifadə ilə çıxır. Xanın “eşşəyini də götür, get kəndə, qorxma arxanda dayanmışam” istehzalı sözləri səslənəndə kadrda ancaq Novruzəlinin müti üzü görünür. Burda xanın ona gerçək münasibəti daha aydın təsvir olunur.

Filmdə maraqlı aktyor oyunu var və hər vəziyyətə uyğun, mübaliğəyə yol verməyən musiqi seçilib.

“Poçt qutusu” Cəlil Məmmədquluzadənin anadan olmasının 100 illiyi münasibətilə çəkilib. Və kinoda yazıçının yaradıcılığına ilk dəfə bu filmdə müraciət olunub.

Rauf Kazımovski Azәrbaycanda ilk radio vә televiziya rejissoru olub. Onun һazırladığı "O olmasın, bu olsun" tamaşası radionun qızıl fonduna daxildir. R.Kazımovski Cəlil Məmmədquluzadənin "Ölülər" tragikomediyasının radio-tamaşasının rejissorudur.

Filmin operatoru Teyyub Axundov, bəstəkarı Emin Sabitoğludur.

Oxşar xəbərlər

Xəbər lenti

Bizim üçün qızılgül – Cavanşir Yusifli yazır...
17:30 07 İyul 2020
Bred Pitt yeni filmə çəkilir
16:48 07 İyul 2020
Filmdəki "Kəndimiz" mahnısının ifaçısı dünyasını dəyişdi
16:06 07 İyul 2020
Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək?
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020
Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020
Azərbaycanda pandemiyadan film çəkildi – Video
17:15 06 İyul 2020
Yaşından otuz il qoca görünən, qurultayda bircə səs qazanan, AYB-nin qarşısında dünyasını dəyişən məşhur şairimiz – Maraqlı faktlar
16:33 06 İyul 2020