“Oskar” almaq istəyən bəzi filmlər məlum oldu

Kino

Ana səhifə
Kino

“Oskar” almaq istəyən bəzi filmlər məlum oldu

19 sentyabr 2011

11:50

Amerika Kino Akademiyasının Oskar mükafatını qazanmaq üçün “ən yaxşı xarici film” nominasiyasına təqdim edilən bəzi filmlərin adı bəlli olub.

Finlandiyadan bu mükafat uğrunda rejissor Aki Kaurismyakinin “Havr” filmi mübarizə aparacaq. Film sadə bir avropalının Afrikadan olan mühacir uşağa yardımından bəhs edir.

Almaniyanı məşhur rejissor Vim Vendersin alman rəqqasəsi və xoreoqrafı Pina Bauşdan bəhs edən 3D formatında çəkdiyi “Pina” sənədli filmi təmsil edəcək.

Yeri gəlmişkən, sənədli lentin Oskara “ən yaxşı xarici film” nominasiyasında iddia etməsi nadir hallardandır.

Polşadan isə mübarizəyə Aqneşka Hollandın İkinci Dünya müharibəsi zamanı xırda cinayətkarların yəhudiləri xilasından danışan “Zülmətdə” dramı qatılacaq.

Rusiyanın hansı filmlə təmsil olunacağı haqda bu gün məlumat veriləcək. Ölkənin Oskar komitəsi keçirəcəyi iclasda üç filmin namizədliyinə baxacaq: Andrey Zvyagintsevin “Yelena”, Nikita Mixalkovun “Günəşdən yorulanlar-2” və Aleksandr Sokurovun bu il Venetsiyada “Qızıl Şir”i qazanan «Faust» filmi.

Rəna Nevzat