writer1

Günel Natiq

Məqalə sayı

147
clock12:17 calendar-gray 28 Avqust 2017 view-gray1201 dəfə oxunub
view-gray1201 dəfə oxunub

Ərini caduyla evə qaytaran rəfiqəm

Günel Natiq

Tanışımın həyat yoldaşının qəribə şakəri var. Kişinin nəyəsə acığı tutanda əşyalarını toplayıb sakitcə evi tərk edir. Əsəbləri soyuyandan sonra isə (adətən 1-2 ay çəkir) yenidən heç nə olmamış kimi geri qayıdır. Arvadı ərinin xarakterinə bələd olduğundan onu elə qarşılayır, elə bil səhər özü işə yola salıb. Və ailə yenidən qaldığı yerdən yaşamağa davam edir.

Əvvəllər bu ailənin həyat tərzi mənə qəribə gəlirdi, sonra düşündüm ki, ruslar demiş, özgə ailə yad meşə kimidir, nabələd adam azıb qalar.

Haqqında danışdığım ailə də kənardan xoşbəxt görünür. Əslində kişinin evi tez-tez tərk etməyini çoxları bilmir. Adətən mentalitet belə şeyləri gizli saxlamağı tövsiyə edir. Sonra ailə dilə-ağıza düşər. Deyərlər, filankəsin kişisi demə iki-üç aydan bir evi tərk edib gedir, Allah bilir hara gedir, kimin xarabasına gedir.

Bu kişinin yaxşı cəhətlərindən biri odur ki, özü qayıdıb evinə gəlir. “Şirinlik” eləmək lazım gəlmir. Yəni kişini evə, ailəyə qaytarmaq üçün falçının elədiyi cadu-pitini deyirəm. Məsələn, bir rəfiqəm evdən tez-tez küsüb gedən yoldaşını qaytarmaq üçün az qala falçıların qapısında gecələyirdi. Əri üçün cürbəcür cadular yazdırır, sonra sakitcə oturub gözləyirdi. 1-2 gündən sonra budur ey, qapı döyülürdü. Uşaq sevincək qapıya qaçırdı ki, atamdır gələn. Doğrudan da kişi əli ətəyindən uzun qayıdırdı evinə-eşiyinə.

Kişinin evdən getmək üçün yetərincə səbəbi vardı. Həyat yoldaşı onun qayğısına qalmırdı, pal-paltarını yuyub-ütüləmirdi, evdə nadir hallarda hazır yemək olurdu və s. Amma kişi arvadını sevirdi, əgər qadın cadu yazdırmağa sərf etdiyi vaxtı evdarlığa ayırsaydı, əminəm ki, həyat yoldaşı evdən getməzdi.

Bir dəfə rəfiqəmgilə gedəndə qapını bağlı gördüm. Qonşular dedilər, kişi neçə gündür evdən perik düşüb, qadın isə harasa gedib, indilərdə gələr.

Bir az keçmiş qadın özünü yetirdi. “Falçıdan gəlirəm”, - deyə qulağıma pıçıldadı. Evə keçdik. Daha özümü saxlaya bilmədim, dedim, sən yaşda qadın hələ də mövhumata inanırsan? O falçılar insanların hissləriylə oynayır, hədəfə necə vuracaqlarını yaxşı bilirlər. Doğrudanmı sən hələ də elə düşünürsən ki, indiyə kimi ərinin geri qayıtmağına səbəb o falçıların oxuduğu dualar idi? O sadəcə olaraq səni sevir və hələ də sənin islah olacağına ümid bəsləyir. Amma hər şeyin bir sonu var.

Rəfiqəm gülüb dedi ki, sən hələ də şəkk-şübhə edirsən? Elə isə otur, öz gözlərinlə gör.

Havadan-sudan söhbətimiz bir xeyli çəkdi. Evin kişisi hələ görünmürdü. Rəfiqəm də bayaqkı kimi özündən əmin deyildi.

Həmin gecə rəfiqəmgildə qalası oldum. Ayıq yatdığımdan rəfiqəmin gecə bir neçə dəfə ayaqlarının ucunda yerindən qalxdığını, balkondan baxdığını, qapını dinlədiyini gördüm. “İstəsəydin, vəziyyət bu yerə gəlib çıxmazdı” deyə düşündüm və yuxuya getdim.

Rəfiqəmin əri sabahısı gün də, ondan sonrakı gün də gəlib çıxmadı. Bir də eşitdik, kişi boşanmaq üçün ərizə verib, özü də sözündən dönən deyil. Rəfiqəm yenə falçıya qaçdı, amma bir neçə aydan sonra hakim boşanma kağızını əlinə verəndə cadu-pitinin doğrudan da bir işə yaramadığın gördü.

Bir müddətdən sonra isə kişi evləndi. Dedilər, ev işlərini bilən cavan qızla ailə qurub. İndi adam arasına çıxanda daha pal-paltarından utanmır, evdə isə hər gün isti xörək olur.

Rəfiqəm də taleyi ilə barışıb həyatına təkbaşına davam elədi. Bir dəfə bu haqda danışmağa cəhd elədim, dedi ki, anlayıram, hər şeyin günahkarı özüməm, kaş ki, vaxtı geriyə qaytarmaq mümkün olsaydı.

Vaxtı isə nə yazıq ki, geri qaytarmaq mümkün deyil. Böyük Tolstoy demiş, yanğını hələ qığılcım ikən söndürmək lazımdır.

Cadu ilə bağlı bir olay da yadıma düşdü.

İş yoldaşımın rəfiqəsi uzun illərdir ki, bir adamla görüşür. Adam vəzifə sahibidir, varlıdır, imkanlıdır. Qızı da cəlb edən yəqin bu incə məqamdır. Ona görə bu gərəkli kişini itirməmək üçün tez-tez cadu elətdirir.

Kişi qızla bir az soyuq danışan kimi məsələyə falçı müdaxilə edir. Dərhal xüsusi reseptlə “şirinlik” hazırlayır. Müştəri də bunları aparıb kişinin işlədiyi binanın həyətinə səpir.

Deyilənə görə, şirinlik (cadu-piti) dərhal öz təsirini göstərir. Məsələn, kişi daha yaxşı davranmağa başlayır, sevgilisini gözəl restoranlara dəvət edir və s.

Onu da deyim ki, şirinliyin də öz təsir müddəti var.

Bir neçə gün və ya bir ay. “Son istifadə müddəti”ndən keçən kimi yenidən “mütəxəssis”ə müraciət etmək lazımdır.

Bütün bunları eşidəndə Mirzə Fətəli Axundovun, Cəfər Cabbarlının, Mirzə Cəlilin mövhumatçı cahil obrazlarını xatırlayıram. O obrazlar ki, 100 il bundan qabaq yaradılıb və təəssüf ki, yazımdakı gerçək obrazlardan heç nə ilə fərqlənmir.

REKLAM

Yazarın digər yazıları

Xəbər lenti

Psixoloq: “Media intihar xəbərlərində ehtiyatlı olmalıdır” – Müsahibə
13:20 27 Yanvar 2021
Balaca ifaçımız beynəlxalq mükafat aldı
12:41 27 Yanvar 2021
Valları rekord qırdı, ailəsini atıb "müqəddəs ata" oldu, rahibəylə eşq yaşadı - Azərbaycanlı şairin qeyri-adi həyatı
11:58 27 Yanvar 2021
İki gündən bir ağlaşma quran sənətçilər
11:29 27 Yanvar 2021
“Uşağın duası” işıq üzü gördü
11:09 27 Yanvar 2021
90 yaşlı aktyor ata oldu
10:43 27 Yanvar 2021
Tofiq Bakıxanov “Şərəf” ordeni ilə təltif edilib
10:16 27 Yanvar 2021
Samirə Əşrəfə ağır itki üz verib
10:06 27 Yanvar 2021
Təbrizli yazar: “Nizamini məqbərədən çıxarıb xalqın həyatına qaytarmalıyıq” – Müsahibə
09:01 27 Yanvar 2021
“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021