news-inner
clock14:00 calendar-gray 23 Avqust 2017 view-gray312 dəfə oxunub
view-gray312 dəfə oxunub

Səni özünə arvad edən, məni özünə ər... – YENİ ŞEİRLƏR

Kulis.Az gənc şair Tural Cəfərlinin yeni şeirlərini təqdim edir.

Unutmaq, getmək, dönməmək...

Sən inamla yaşadın,

Mən ümidlə.

Sonra zamanı keçdi

Bizi qovuşduran səbəblərin...

Beləcə ayrıldıq

Heç kimə qarğış etmədən,

Günah axtarmadan...

Yolumuzun üstündə

Bir adam var idi...

Səni özünə arvad edən,

Məni özünə ər edən...

Əvvəl telefon nömrəni unutdum,

Sonra uşaq gülüşünü...

Daha ümidlə yaşamıram,

Daha inamla yaşayıram,

Səni inandırım

Sənsiz

Hələ də yaşamağıma inanmıram...

Adam

Qocalıb ölmür adam,

Təklikdən ölür adam.

Çoxluqdan ölmür adam,

Heçlikdən ölür adam.

Yıxılıb ölmür adam,

Dayanıb ölür adam.

Səhəri başqasıyla

Oyanıb ölür adam.

Ağlayıb ölmür adam,

Gülməyib ölür adam.

Sevincini, qəmini

Bölməyib ölür adam...

Hamı və heç kim

Bir gecə ölsəm,

Səhəri günəş işığına dirilsəm

Və bulud kimi otağa dolsam

Hamı mənə gülər

Heç kim mənə inanmaz...

Bir gecə ölsəm,

Dostum zəng eləsə

Telefon səsinə dirilsəm

Və dağ kimi böyüsəm

Hamı mənə gülər

Heç kim mənə inanmaz...

Bir gecə ölsəm,

Qızım məni çağırsa

Dirilsəm “Ata” sözünə

Dəniz kimi dalğansam

Hamı mənə gülər,

Heç kim mənə inanmaz...

Bir gecə ölsəm,

Səhər açılmasa,

Mən dirilməsəm,

Heç kim mənə gülməz,

Hamı mənə inanar...

Optimizm

Ağaclar,

İşıqforda dayanan maşınlar,

Ümidsiz kitab satıcıları

Şəhərin boz üzünü göstərir.

Hamıdan qabaq sərçələr oyanır

Səhər evə yorğun qayıdır fahişələr

Hərçənd onların evi yoxdu

Kirayədə qalır çoxu...

Bir də yol kənarıyla

Süpürgəçi nənələr və xalalar

Tozunu qaldırır bu şəhərin

Etiraz formasında...

Ya Allaha, ya bəndəyə

Ya da özlərinə üsyan edir onlar...

Gecə itlərin ulamağı

Ümid verir şəhərin zibil daşıyanlarına

Tək deyilik deyirlər onlar

Bax itlər də oyaqdı...

Sonra Günəş boylanır

Şərqin astar üzündən

Qərbə doğru yol alır

Axırda hamı kimi

Günəş də, ay da, o da...

Unutqanlıq

Sənin haqqında ən yaxşı söz

Hələ deyilməyib...

Səni təsvir etmək üçün

Gərək gecələr yatmayıb

Ancaq səni seyr edim...

Səni tanımaq üçün

Əvvəl səni unutmalıyam

Bu da mümkün deyil ki...

Səni təqdim etməyin

ən yaxşı yolu

Dünyanı yenidən qurmaqdı

Allaha inanmaqdı

Ya da sadəcə susmaqdı...

Təklik haqqında

Təklik yuxu olsa

Yaşamağa nə var ki...

Heç kim səni oyatmaz bu yuxudan,

Ömürlük yuxuda keçər zaman...

Bir də onda ayılarsan ki

Bütün təkliklər səni tərk edib,

Hətta tək qalmağa özün də yoxsan...

Bax onda darıxmağa bəhanə olmaz

Eləcə susarsan güzgünün önündə

Günlərlə....

news-inner-user

20018 məqalə

Oxşar xəbərlər

Xəbər lenti

Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:32 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021
Bakıda simfonik musiqi axşamı keçirilib
19:01 23 Sentyabr 2021
Rejissorumuzun filmi Batumidə nümayiş olunub
18:21 23 Sentyabr 2021
Kəramət Böyükçöl: "İstedadımla taksavatlıq edirəm" - Video
17:36 23 Sentyabr 2021
Falçı yetişdirən məktəblərimiz – Aqşin Yenisey yazır...
16:50 23 Sentyabr 2021
Saitlər əsasdır, yoxsa samitlər?
16:14 23 Sentyabr 2021
Yazıçı Səfər Alışarlı: “Azərbaycan sərvət aşiqlərinin ölkəsidir” - Müsahibə
15:33 23 Sentyabr 2021