news-inner
clock12:09 calendar-gray 18 Avqust 2017 view-gray409 dəfə oxunub
view-gray409 dəfə oxunub

Allah belə sevmir, fırladır dünyanı – YENİ İMZA

Kulis.Az “Yeni imza” layihəsindən Amil Məmiyevin şeirlərini təqdim edir.

Köhnə bir otaq, qırıq çarpayı.

Tənha adamların evində

hər şey özü kimi tək olur.

Bateriyanın biri çatışmır pultda,

televizor göstərmir.

Yeməyin altını qalamağa

bir kibrit dənəsi var, o da yaş.

Ya su gəlmir ya işıq kəsilib,

bir damcı su düşür krantdan.

Corabımın bir tayı itib, tapa bilmirəm.

Deyəsən heç mənə düşmür tək,

gətirdiyim səbir belə tək.

Sağlam ol deməyə adam yox.

Azercell-dən gələn mesajda belə

balansımda 1 qəpik qalıb.

Xahiş edirik, balansınızı artırasınız...

***

Gözləri altına çəkdiyi karandaş,
yadımda saxlayım deyə
kitabdakı mənalı cümlələrin altından
çəkilən xətt kimi çəkilmişdi.

***

Tanımadığın bir qızın
azıb gözlərində
soruşasan - eey xanım?
Ürəyinizə yol hardandı?

***

Metri, saniyəsi, kiloqramı,

kelvini, amperi, kandellası,

molu və məncə bir də

sevgi vahidi olmalı qədər.

***

Yağan yağış deyil, göylərin saçıdı.
Günəş bərbərdi, kəsib ucunu
rəngli bant vurur göy qurşağı.
Hələ bir gözləyib gələn qışı,
görərik ağarıb, tökülür saçı.

***

Zamin durduğum sevgimizə

Göstərə bilmədim etibarımı.

İndisə bilirəm, müsadirə edib

Çıxardacaqlar ürəyindən məni.

***

Bilirəm, atacaq bir gün

Allah belə sevmir,

fırladır dünyanı.

***

Doğum evindən çıxıb sevincək,

tərkində övladın gəzdirən ana,

indi övladının tərkində gəlib tək,

tərk olunurdu qocalar evində.

***

Ağlayır ağaclar, göz yaşları yarpaqlar.
Silir göz yaşlarını, süpürür süpürgəçi.
Gizlində ağlayan yalnız bir ağac var,

Nə bilsin süpürgəçi, ağlayır şam ağacı.

***

Qayıq gözlərinə
avar çəkən kirpiklər,
dalğa göz yaşlarına
güc gələ bilməz.

***

Bu zəng çölə vuruldu,
içəri deyil təəssüf.
Şagirdlər yox, həkimlər
Qışqırdılar, tənəffüs.

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021