Türkiyə və Azərbaycanın tanınmış aktyorlarının çəkildiyi yeni film nümayişə buraxılır.
Kulis.az-ın verdiyi xəbərə görə, “Yanlış anlama” komediya filmi 27 oktyabrda Türkiyədə viziona çıxacaq. Film həmçinin Azərbaycanda da kinoteatrlarda nümayiş olunacaq.
Əyləncəli komediya filmi Türkiyə və Azərbaycanda yaşayan iki ailənin başına gələn macəralardan bəhs edir. Ailələrin birgə keçirdikləri 10 günü göstərən filmdə iki dilin həm yaxınlığı, həm də fərqliliyindən yaranan yanlış anlamaların meydana gətirdiyi komik situasiyalar filmin əsas süjet xəttini təşkil edir.
Aktyor heyətində Şevket Çoruhla yanaşı, İlker Ayrık, Hakan Bilgin, Bahadır Efe, Duygu Karaca, Pelin Sönmez kimi ifaçıların olduğu filmdə Azərbaycanın çox məşhur aktyorları Pərvin Abiyeva, İslam Mehrəliyev, Ötkəm İsgəndərov və Fərda Amin kimi çəkilib.
Levent Cengizhanın prodüserliyi ilə “DADA Yapım” şirkətinin istehsalı olan filmin rejissoru Ulaş Cihan Şimşek, ssenari müəllifi isə Ayberk Çınardır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər