writer1

Mirmehdi Ağaoğlu

Məqalə sayı

574
clock12:55 calendar-gray 04 Avqust 2017 view-gray297 dəfə oxunub
view-gray297 dəfə oxunub

Bakının mərkəzindəki nizəli adamlar

Mirmehdi Ağaoğlu

Turizm ən gəlirli sahələrdən biridir. Bunu bilmək üçün elə dərin savada da gərək yox. Təəssüf, bu dəqiqə heç bir statistik məlumat təqdim etmək imkanım yoxdur, ancaq görünən dağa nə bələdçi. Rəqəmlərsiz də məlum ki, turizm hər bir ölkənin iqtisadiyyatında vacib yer tutur.

Məsələn, Rusiya ilə Türkiyə arasında böhran yaşanan zaman türklər rus turistlərin ayağının Antalyadan, Bodrumdan kəsiləcəyindən narahat idilər. Və ya Gürcüstan iqtisadiyyatında turizmin təsiri göz önündə. Elə bizim ölkədə də turizmin inkişafı üçün bir çox inzibati tədbirlər həyata keçirilməsi bu sahənin perspektivləri ilə bağlıdır. Düzdür, hələ ki, uğurlu nəticə yoxdur, iaşə obyektlərində, istirahət məkanlarında münasibətlər daha çox “xamlayım, şotu beş-on manat artıq yazım” ladındadı, ancaq bununla belə gələcəkdə nələrinsə qaydasına düşəcəyinə ümid edək. Ümid edək ki, o boyda Azərbaycan Turizm və Menecment Universitetinin bir faydası toxunacaq.

Nəsə, qayıdaq sözümüzün “Mustafa”sına. İndi belə bir məqamda bizim ölkəyə yoxdan bu qədər turist gəlir, bəyənmirik.

Xüsusən sosial şəbəkələrdə tez-tez qarşıma çıxır: ərəb turistlərin şəhəri bürüməsindən narahat olanlar var. Onları bəyənməyənlər, gəlişlərini şişirdib-şişirdib ikinci ərəb işğalı adlandıranlar var. Heç kəs sevinmir, sevinmək istəmir ki, nə yaxşı ərəb turistlər bizim ölkəyə gəlir, burada dincəlir, pul xərcləyir, xeyir verirlər.

Bakının mərkəzi küçələrində bircə saat gəzmək kifayətdir ki, restoranların, mağazaların, ticarət, əyləncə mərkəzlərinin turistlərlə aşıb-daşmasının şahidi olasan. Ərəb turistlərlə dolub-daşan şəhər həm də burda xərclənən pullardı, ölkə vətəndaşlarının əldə etdiyi qazancdı, gəlirdi.

(Düzdür, bunun qadın ticarətinin genişlənməsi kimi neqativ tərəfləri də var. Amma daha nə edəsən, küçə fahişəliyi deyilən bu nəsnə də qaçılmazdır, eyni şeyi İstanbulda da turistlərə təklif edən olur, başqa şəhərlərdə də. Yəni küçə fahişəliyi də turizmin ayrılmaz elementidir.)

Belə olan təqdirdə ərəb turistlərin gəlmələrinin nəyi pisdir?

Biz nədən şikayət edirik? Kimlərinsə gəlib burda pul xərcləməsindən, bizə qazanc verməsindən? Yaxşı, nə qədər irqçi səslənsə də ərəbi bəyənməyib, ölkəmizə gəlməyini istəmiriksə bəs kim gəlsin?

Böyük Fransa İnqilabını həyata keçirmiş ölkənin nümayəndələri gəlsin?

Neçə əsrdir parlamentə sahib olan, dünyanın digər xalqlarının nümunə götürəcəyi uzun və nümunəvi siyasi təcrübəsi olan bir ölkənin vətəndaşlarımı gəlsin?

İki dəfə dünya müharibəsi eləyib az qala Yer kürəsinin gələcəyini dəyişən bir xalqın nümayəndələrimi gəlsin?

Ən müasir elmi-texniki nailiyyətlərə yiyələnmiş yaponlarmı gəlsin?

Kim gəlsin axı?

Yoxsa Dostoyevskinin, Tolstoyun varislərimi gəlsin (hərçənd onlar da gəlir)?

Bakıdan on addım kənarda normal infrastrukturumuz yoxdur, deyirik, bizə ərəb gəlməsin. Bizə elə ərəb gəlməlidir də, bəs kim gəlməlidir?

Şükür edək ki, heç olmasa ərəblər gəlir, yoxsa “Tarqovı”da başdan-ayağa qaraya bürünmüş, bircə gözü görünən ərəb qadınları yerinə iki yarpaqla ayıbını örtmüş nizəli buşmenləri görərdik.

Ancaq nə yalan deyim, məndən olsa ikinci daha yaxşıdı :)

REKLAM

Yazarın digər yazıları

Xəbər lenti

Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021