news-inner
clock13:50 calendar-gray 04 Avqust 2017 view-gray271 dəfə oxunub
view-gray271 dəfə oxunub

Gənc yazarı içki düşkününə çevirən 10 MƏRHƏLƏ

Kulis.az yazarı alkoqol asılılığına aparan mərhələləri təqdim edir.

1. İçki məclislərini özünüz üçün kəşf edirsiniz: ilahi, siz xoşbəxtliyin bu qədər yaxında olduğunu necə bilməmisiniz? Nə gözəl dostlar varmış bu məclislərdə? Elə bil arxanızda böyük bir el var. Onlara necə də güvənirsiniz!

Image result for алкаш

2. İçkili söhbətlərin, qeybətlərin ləzzətini yaşayırsınız. Qəbul etdiyiniz spirtin verdiyi zövq bir yana, istedadına inandığınız adamların söhbətləri o biri yana. Özünüzü inandırırsınız ki, sizi onlara bağlayan içki yox, bu dərin söhbətlərdir.

Image result for алкоголь

3. İçki bioloji tələbatla yanaşı həm də adi vərdişə çevrilir. Sadəcə içirsiniz. İstəməsəniz də. İçki badəyə süzülür, əliniz uzanır və qaldırıb ağzınıza yaxınlaşdırırsınız. Bu qədər sadə! O gedən yerə, dərd bəla getməsin.

Image result for водка пить

4. Bəzən nə qədər içirsiniz, “O məqamı” yaxalaya bilmirsiniz. Halbuki özünüz üçün ideallaşdırıb ən ali zövq aldığınız o an təkcə içkiylə bağlı deyilmiş. Sizin ovqatınız, məclisdə oturanlar, həmin gün ölkədə baş verənlər, aldığınız xoş bir xəbər, küçədə gördüyünüz yaraşıqlı cütlük – hamısı o məqamın yaranmasına təsir edib. Ən böyük səhviniz odur ki, siz “O məqam”ı bir daha yaxalaya bilməyəcəyinizi anlamırsınız. Elə hey axtarırsınız. Günlərlə, aylarla, illərlə, bəzən bütün ömrünüz boyu... Unudursunuz ki, bir çaya iki dəfə düşmək olmur.

Image result for выпим

5. Artıq səhərlər qalxanda gün ərzində düşündüyünüz işlərdən biri də içki içməkdən. Tezdən planladığınız ən vacib işlərin içərisinə bunu da daxil edirsiniz.

Image result for пить

6. Tədricən içki içmək gündəlik işlər arasından seçilməyə başlayır. Onun haqqında daha çox düşünürsünüz və təbii, daha çox can atırsınız. Nəticədə daha çox içirsiniz və çox zaman bu prosesin geriyə yolu olmur.

Image result for водка пить

7. İçki içmək vərdişdən artıq ehtiyaca çevrilib. Artıq siz “alkaşlıq”a doğru əzmli addımlarla irəliləyirsiniz. İçki sizə yazmadığınız əsərlərin, çatmadığınız arzuların ləzzətini yaşadır. O məclislərdə özünüzü və dostlarınızı ədəbiyyatın sahibləri, ən vacib yaradıcıları sayırsınız. Yerdə qalan istedadları da siz bölüşdürürsünüz və sizin siyahınız ən ideal siyahıdır. Hətta tarixə də əl gəzdirə bilirsiniz. Vay bə! Böyük olmaq elə də çətin deyilmiş. Bir yüz də vuraqmı?

Image result for водка пить

8. Unutmayın, “alkaş” olmaq üçün sağlamlıq vacib şərtdir. Əgər nasazsınızsa, yolda qala bilərsiniz. Bir gün canınız ağrıyacaq, içkidən imtina etmək məcburiyyətində qalacaqsınız. Beləliklə, əsəbləriniz də, bədəniniz də içkidən fasilə imkanı əldə edib özünü bərpa edəcək. Hər içmədiyiniz gün, içmədiyiniz həftə sizi çıxdığınız “müqəddəs” yoldan saxlayacaq.

Image result for водка пить

9. Sakitlik də vacib şərtdir. Əgər içib dava salır, müxtəlif arzuolunmaz macəralar yaşayırsınızsa, sizdən “alkaş” olmaz. Çünki yenə peşman olub az və ya çox müddətə içkidən aralanacaqsınız ki, bu da heç “yaxşı hal” sayılmır.

Image result for водка пить

10. Son iki bənddəki arzuolunmaz hallar baş verməyibsə, öz yolunuzda əzmlə addımlayırsınız və içkiyə fizioloji tələblə yanaşı mənəvi tələb kimi baxırsınız. Artıq içki sizin həyatınızda nəinki ən vacib ayinlərdən biridir, hətta yaşamağınız üçün yeganə çıxış yoludur. Siz içkiyə gərginliklərdən, ədalətsizliklərdən, həyatdakı uğursuzluqlardan, problemlərdən xilas yolu kimi baxırsınız. Bunun üçün fəlsəfi konsepsiyanız da var. Ancaq bu konsepsiyaya özünüzdən başqa heç kim inanmır. İçmək üçün də, səbəbləriniz çoxdur. Pul az da olsa olar. “Bıstro”lar azdırmı şəhərimizdə? Çəkinməyin. Pul yoxdursa, dostlar var. İki yüz, üç yüz qıramı sizdən kim əsirgəyər? Nuş olsun!

news-inner-user

18061 məqalə

Oxşar xəbərlər

Xəbər lenti

Mərhum şairin miras vəsiyyəti məhkəməlik oldu
18:56 01 Mart 2021
Türkiyə ilə mədəni əməkdaşlıq sənədləri imzalandı
18:21 01 Mart 2021
Tovstonoqovun kitabı ilk dəfə Azərbaycan dilində
17:49 01 Mart 2021
Hamı Onun axtarışındadır – Nizamidən yeni tərcümə - Mətn
17:01 01 Mart 2021
Mən səni sevəndən ikicanlıyam - Gənc şairdən yeni şeirlər
16:15 01 Mart 2021
Ölkəmiz xeyriyyə festivalında
15:29 01 Mart 2021
İki dəfə oğlu ilə sürgün olundu, ac qalmamaq üçün şahın qızıl saatını satdı, oxuya-oxuya öldü – Əməkdar artistin dram dolu həyatı
14:41 01 Mart 2021
Azərbaycanda yeni muzeyin açılışı oldu - Dünyada ilk dəfə
13:54 01 Mart 2021
Azərbaycan-Türkiyə Mədəniyyət üzrə Birgə Komissiyanın iclası keçirildi
13:06 01 Mart 2021
Gözəlliyinə görə vəzifəyə gedən qadınlar
12:17 01 Mart 2021
Sosial şəbəkələrdəki duyğu mazoxistləri
11:45 01 Mart 2021
"Qızıl Qlobus"un sahibləri bəlli oldu - Fotolar
11:20 01 Mart 2021
Azərbaycanlı yazıçı anasından roman yazdı
11:06 01 Mart 2021
Mədəniyyət naziri Türkiyəyə gedib
09:59 01 Mart 2021
Ürək cərrahı Rəşad Mahmudov: “Şairlərin ürəyi fərqli deyil” – Müsahibə
09:00 01 Mart 2021
Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021