Şahzadə yox, cəsur döyüşçü olmaq istəyirəm!

Kino

Ana səhifə
Kino

Şahzadə yox, cəsur döyüşçü olmaq istəyirəm!

14 sentyabr 2011

11:29

Berlin Film Festivalında “Qızıl Ayı” mükafatını qazanan “Divara qarşı” filmi ilə məşhurlaşan aktrisa Sibel Kekilli daha türk rolu oynamaq istəmədiyini açıqlayıb.

Əslən türk olan Kekilli ancaq bir cəmiyyət üçün nümunə olmaq istəmədiyini deyib: “Gənc türk qadınlar mənə onlara modern həyat tərzi ilə ilham verdiyimi deyirlər. Bunu eşidəndə xoşbəxt oluram. Amma daha türk rolu oynamaq istəmirəm. Soyköklərim barədə suallar da eşitmək istəmirəm”.

Qadın və kişi bərabərliyinə də toxunan alman aktrisa hər iki cinsin nə istədiklərini bilmədiyini və qadınların özlərini həddən artıq güclü göstərmək istədiyinə də diqqət çəkib. Daha sonra: “Mənə bir qadın kimi davarananda çox xoş olur. Güclü olduğumu hiss edirəm”, - deyib.

Kekilli, qız uşaqlarının əksəriyyətinin şahzadə olmağı xəyal etdiyini, amma özünün həmişə cəsur bir film qəhrəmanı Uzuncorab Pippi kimi azad, güclü və qorxusuz olmaq istədiyini söyləyib.