news-inner
clock17:43 calendar-gray 27 İyul 2017 view-gray257 dəfə oxunub
view-gray257 dəfə oxunub

Məni uzaqlara kim aparacaq? – Yeni ŞEİRLƏR

Kulis.az gənc imzalardan olan Məhəmməd Turanın yeni şeirlərini təqdim edir.

Darıxmaq belə olur

Addımlar asta-asta

Gəzər gecəni gəzər...

Xəyalım ayaq açar

Sizin küçəni gəzər...

Ulduz qonar çiynimə

Təbəssümə bataram...

Bir röya uyduraram

Dizlərində yataram...

Gözlərimdə bitərsən...

Üstünə yüyürərəm...

Xəyalına sarılıb

Yoxluğunu görərəm...

Gecələri sayıram

Hər nəfəs dilək olur...

Kölgəmlə oynayıram-

Darıxmaq belə olur...

Xəbərim olmasın

Gedəndə gecə vaxtı get

Yatım, xəbərim olmasın...

Şirin-acı yuxuları

Qatım, xəbərim olmasın....

Qaralar qarışsın ağa,

Düşsün şaxtaya, sazağa...

Yata-yata ayrılığa

Çatım, xəbərim olmasın...

Eşqin süzülsün qanımdan...

Canın çıxmasın canımdan....

Keçsin qoy illər... yanından

Ötüm, xəbərim olmasın....

Bircə yol görüm özümü

Gör necə yalqızlamışam

Danışıram öz-özümə...

Xatirələr narahatdı

Yoxluğun düşüb izimə...

Sənsizlikdən qəm yemişəm

Udub arzular qəhəri...

Bir gecənin hənirtisi

Aydınlaşdırır səhəri...

Nədir ki həsrət dediyin?!

Bir az ölüm, bir az sağlıq...

Gedəndə "Sağ ol" demişdin

Sevgimizə üzrxahlıq...

Yerdəkilər anlamadı

Göylərə dedim sözümü...

Bir yol qırılsın güzgülər

Bircə yol görüm özümü...

Sən bir köhnə evsən indi

Sən bir köhnə evsən indi

Yox sahibin... yoxdu yiyən...

Heç olmasa ərk eləyib

Arada qapını döyən...

Sən bir köhnə evsən indi

Yoxdur pəncərəni silən!

Hərdənbir sərçələr olur

Kövrəlmiş gözünə gülən...

Sən bir köhnə evsən indi

Xatirələr məzarısan...

Toz-torpaqdan bezməmisən,

Təkliyinin bezarısan...

Sən bir köhnə evsən indi

Qəmdən savayı nəyin var?!

Bu yollara kölgə salır

Qəlbinə çəkilən dağlar…

Sən bir köhnə evsən indi

Sən keçmişin harayısan…

Küsmə yenə taleyindən -

Bayquşların sarayısan!..

Nəfəs ciyərimdə sürgün...

İndi bir "ah"lıq canım var,

Nəfəs ciyərimdə sürgün...

Azalıram bir az, bir az

Yox oluram hər gün, hər gün...

Gözlərimdə qalan günlər

Bir-bir düşdü gözlərimdən...

Yığılan qəmim-qəhərim

Daşmır, daşmır gözlərimdən...

Qəlbimdə həvəsmi qalıb

Bir daşı, daş üstə qoyam...

Əllərimdən göy yapışıb -

Mən buludların oğluyam...

Gecə düşüncələri

Məni buralarda sevən olmadı,

Məni uzaqlarda gözləyənim var...

Gecələr yuxuma girən olmadı

Gecələr yuxuda səsləyənim var...

Bir qarış dünyadı könlümü sıxan,

Hər şey gözlərimdə qarma-qarışıq...

Sevgidi üzümdən gülüşü yıxan,

Qəlbimin başından parlayan işıq...

Qəriblik sarmaşıb dodaqlarıma...

Boy verir həsrətim hey saçaq-saçaq...

Bilirəm, azacam o yolda, izdə,

Məni uzaqlara kim aparacaq?

news-inner-user

17209 məqalə

Oxşar xəbərlər

Xəbər lenti

Bəy ailəsində doğulsa da kimsəsiz böyüdü, Cəfər Cabbarlı ilə sinif yoldaşı oldu, gözləri görməyə-görməyə tamaşa oynadı – Kinomuzun Rüstəm bəyi
16:30 05 Dekabr 2020
Ceyms Bondun tapançası satıldı
15:45 05 Dekabr 2020
“Humay” mükafatının qalibləri məlum olub
14:35 05 Dekabr 2020
Birinci arvadını öldürməklə fəxr edən adam – Eyvaz Əlləzoğlunun hekayəsi
13:30 05 Dekabr 2020
Hüseyn Caviddən gözəl bir qoşma - Günün şeiri
12:30 05 Dekabr 2020
Oskar mükafatının təqdimetmə mərasimi virtual keçirilməyəcək
11:15 05 Dekabr 2020
Həvəskar və peşəkar rəssamlar arasında rəsm müsabiqəsi keçirirlir
10:12 05 Dekabr 2020
Fuad Poladov: "Bir qız zəng vurub evimizə deyib ki, Fuadı Rostovda öldürüblər" - Müsahibə
09:01 05 Dekabr 2020
Beynəlxalq müsabiqədə şəhidlərimiz yad edildi - Ukraynada
20:05 04 Dekabr 2020
"Italyansayağı xoşbəxtlik" tamaşası onlayn nümayiş ediləcək
19:30 04 Dekabr 2020
Aydın sabahların dostu
18:56 04 Dekabr 2020
Sirlərin bədii və elmi sərgüzəştləri – Elçin yazır...
18:10 04 Dekabr 2020
Azərbaycanlı rejissor qəhrəmanlarımızdan film çəkmək üçün müraciət etdi
17:35 04 Dekabr 2020
Şəhid dənizçilərə kitab həsr olunacaq
17:10 04 Dekabr 2020
Xudayar Yusifzadə və bütün Şəhidlərimizin ruhuna: Vətən yaxşıdır
16:28 04 Dekabr 2020
"Ulduz" jurnalının yeni nömrəsi Qarabağa həsr olundu
15:46 04 Dekabr 2020
Bizim üçün ölümə gülə-gülə gedən 2783 adam
15:03 04 Dekabr 2020
Günel Eminlinin yeni kitabı işıq üzü gördü
14:19 04 Dekabr 2020
Kamal Abdulla: “Mənim üçün ad günü kədərli gündür” - Müsahibə
13:37 04 Dekabr 2020
Koronavirusa qarşı qələbə vaksini
13:01 04 Dekabr 2020