news-inner
clock16:00 calendar-gray 25 İyul 2017 view-gray360 dəfə oxunub
view-gray360 dəfə oxunub

Qarpız dilimləri gülüş smaylikidir sahildə - Qismətdən YENİ ŞEİRLƏR

Kulis.az tanınmış şair Qismət Rüstəmovun yeni şeirlərini təqdim edir.

Kibrit çöpləri

Yorğun gözlər zillənir yay kafesindən

fəvvarəli parkın başına

sürətlə yaxınlaşan maşına.

“Burdan aparırlar?” – sükandakı soruşur.

Ofisiant əliylə başa salır.

(ya da xəyali bir pəncərənin tozunu alır)

Top qovan uşaqlar keçir yaxınlıqdan söyüşə-söyüşə...

Hava tutqundur. Limon rəngi çox yaraşır günəşə.

Kişi vaxtından əvvəl gəlib görüşə;

bir küncdə əyləşib siqaret çəkir,

yaddaşını eşələyir kibrit çöpləriylə...

Bir dəqiqə qalıb beşə.

Qadın düz vaxtında gəlib görüşə.

Əvvəllər onun da içində

göyərçinlər “pırr” eləyərdi,

indi tikanlı bir sükut var masada.

Sevgi cəbhəsində yenilik yoxdur, atəşkəsdi.

Amma savaşdan da ağırdı bu sükut sui-qəsdi...

Kibrit qutusu islanır;

ya qadın ağlayır,

ya yağış çisələyir.

Kişi qadının

göz yaşlarının kürəsində

fala baxmaq istəyir;

damlalar, elə bil, boyunbağından qopan incilərdi.

İndi heç biri bilmir ki,

kim kimi daha çox incidərdi?

Sağollaşırlar,

dodaqlardan dalğalı bir təbəssüm keçir.

Qadın nöqtəli addımlarla uzaqlaşıb gedir, dayanmır...

Kişi siqaret istəyir, amma ha çalışır,

islanmış kibrit çöpləri yanmır ki, yanmır...

2017, iyun

Fişəngli gecələr

Uzaqdan dolanmağa həvəsin varsa,

yolu düz də keçmək olar,

bir də var yeraltı keçidlər...

Dürüstlük vaxt aparan şeydi bizim əsrdə.

Fişəngli gecələrdə mərkəzi küçələrdə

bunlar keçir ağlımdan.

Səma alışıb yanır, uşaqların gözləri böyüyür.

“Bayram tədbirləri davam edəcək.”

London taksiləri müştəri güdür.

Deyəsən konsert uzun çəkəcək.

Fişənglər atılmasa göylər yadımıza düşmür...

Çal-çağır çoxalır,

elə bil, şəhər nəyisə ört-basdır edir,

kimlərinsə fəryadını; səsi gur çıxır əyləncənin.

Mənsə küçəni üzü yuxarı addımlayır

və səs-küyünü sükuta çevirirəm fişəngli gecənin...

2017

Oxucu

Şezlonqda uzanıb düşünürəm:

heç kim dənizi içib qurtara bilməz!

Bunu hamı bilir –

suya ayağını salan da,

sinəsinə qədər girən də,

baş vurub üzən də,

ağız büzən də.

Bir də var dalğıclar,

gözlərində şnorkel ağırlığı,

çiyinlərində oksigen balonu,

dərinliyə can atan mirvari ovçuları.

Qumlar qızıb, günəş formadadı.

Sözləri qoyub qaçsaq,

düşmən əlinə keçəcəklər.

Yeyilib sahilə atılmış qarpız dilimləri

elə bil fikrimi oxuyurlar,

gülüş smaylikinə oxşamağa başlayırlar.

2017

news-inner-user
Qismət

188 məqalə

Oxşar xəbərlər

Xəbər lenti

Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021