writer1

Günel Natiq

Məqalə sayı

161
clock09:51 calendar-gray 24 İyul 2017 view-gray595 dəfə oxunub
view-gray595 dəfə oxunub

Toydan əvvəl bir yerdə olmaq

Necə oğlandır? Necə olacaq, evi-eşiyi, maşını, işi-gücü. Evlənmək üçün daha nə lazımdır ki?

Bəs insanların bir-birinə uyumu, münasibəti, hörmət-izzəti, sevgi-sayğısı? Bunlar olmadan necə ev-eşik qurmaq olar? İki adam bir-birini yetərincə tanımasa, bir ömür boyu bir yerdə ola bilərmi? Mentalitet dediyiniz şey budurmu?

Ailə məsələlərindən bəhs edən bir tədbirdə iştirakımı xatırlayıram. Mütəxəssisi deyirdi ki, Avropada ailələr daha sağlam qurulur, çünki cavanlar bir neçə il bir evdə yaşayır, bir-birilərinə bələd olur, çox şeyin üst-üstə düşdüyünə əmin olanda evlənməyə qərar verirlər.

- Bəs milli mentalitet? - kimsə yerdən replika atdı.

- Mentalitet cavanların toya qədər bir yerdə yaşamasına icazə vermədiyi üçün alternativ yollar tapmaq olar, - mütəxəssis əminliklə söylədi.

İstədim deyəm, ay rəhmətliyin nəvəsi, bizim mental dəyərlər heç evlənən gənclərin fikri ilə hesablaşmır, o ki qaldı toyaqədərki münasibətlərə rəvac verə.

Heç kimə sirr deyil ki, çox zaman ailələr tapışıb anlaşır. Hər kəs istəyir ki, gəlini, ya kürəkəni tanıdığı, imkanlı, ad-sanlı ailədən olsun, cavanların xarakteri, bir-biri ilə yola gedib-getməyəcəyi isə heç kimi maraqlandırmır. Sanki cavanlar vizual olaraq nikaha girir, əsas “evlənən” ailələrdir.

“Mən şəkillə ərə getmişəm!” - bəzən fəxrlə belə sözlər deyilir.

Şəklə baxaraq evlənmək olarmı? Axı mebeldən deyil, canlı insandan söhbət gedir! İnsanlar öz həyatlarına necə belə laqeyd yanaşa bilirlər? Yəni bir ömür sürəcəyi insanın xarakterinin, özəlliklərinin onun üçün heç bir əhəmiyyəti yoxdur? Yəni mentalitetin sinonimi cəhalətdir?

Ailələrin təkidiylə evlənən cavanlar öz həyatları ilə yaşamırlar. Onları ailələri idarə edir. Yemək-içmək, uşağın məsrəfləri və s. böyüklər təyin edir. Gəlin də istər-istəməz qaynanasına və qaynatasına tabe olur. Bu yerdə Nəsibə xanımın replikası yada düşür: “Gəlin mənim süpürgəmdir, harda qoysam, orda da duracaq!”

Vay o gündən ki, gəlin qaynanasının onu qoyduğu yerdə durmaq istəməsin. Onda gəlinin günü göy əskiyə düyüləcək.

Söz vaxtına çəkər, keçən il yay ayları rəfiqələrimin biri ailə qurmaq ərəfəsindəydi. Rəfiqəm 25 yaşlarında, təhsilli, ağıllı-kamallı bir qızdır. Təşəbbüs oğlanın valideynlərindən gəlirdi. Qızın ailəsi kifayət qədər imkanlı idi və görünür, oğlangil bu imkandan faydalanmağı düşünürdülər.

Xoşbəxtlikdən oğlanla qız öz aralarında dil tapmışdılar və hər şey yaxşı gedirdi. Amma oğlanın valideynlərini bir məsələ açmırdı; onlar gedişatdan anlamışdılar ki, yeni qudalarından lazımınca faydalana bilməyəcəklər. Oğlanın anası işi belə görüb bir-birinin arxasınca müxtəlif bəhanələr gətirməyə başladı. Əsası olmayan bəhanələr iki ailə arasındakı münasibətlərə soyuqluq gətirdi və nişan pozuldu. Halbuki rəfiqəm nişanlısına isinişməyə başlamışdı və özünü xoşbəxt hiss edirdi.

“Axı nişanlımla aramızda problem yoxdur, biz niyə ayrılaq ki?” - qız təəccüblə deyirdi. Anlaya bilmirdi ki, bura Avropa deyil, burda gənclər deyil, ailələr bir-biriylə anlaşır. Və bir-birlərinə təmənnalı yanaşır. “Biz sizin qızınızı alırıq, amma siz də öz növbənizdə mənzil, maşın və s. alacaqsınız”.

Bir çox ailələr müəyyən səbəbdən razılaşır, bəzi ailələr isə normal olaraq razı olmur, əvəzində günahsız insanlar mənəvi ziyan çəkir. Qızın adına dedi-qodular çıxır, təmiz adına xələl gəlir, artıq o bir müddət nişanlı qalmış qızdır, ehtiyatlı davranmalıdır və s.

Təmənnalı ailənin qurbanına çevrilmiş rəfiqəm indi başqa cür düşünür. O, indi oğlanı deyil, onun ailəsini yaxından tanımaq istəyir. “Əsas ailədir, – deyir - əgər oğlanın anası ilə dil tapsam, oğlanla da anlaşa bilərəm.”

Rəfiqəm indi belə düşünür.

Çünki başına gələn başmaqçı olar.

REKLAM

Yazarın digər yazıları

Xəbər lenti

Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021
Milli Qəhrəman haqqında sənədli film çəkilib
18:50 02 Avqust 2021
Hafiz Təmirovun yeni kitabı çıxıb
18:08 02 Avqust 2021
Prodüserlər Gildiyasına sədr seçildi
17:20 02 Avqust 2021
Maestro Niyazinin xatirəsi yad olunub
16:55 02 Avqust 2021
Qazi-şair gündəliklərini məktəblilərlə birlikdə yazacaq – Yeni layihə
16:00 02 Avqust 2021
Lalə Azərtaşın telefon zəngi və yarımçıq səmimiyyəti
15:04 02 Avqust 2021
Təsadüfən dirijor oldu, kasıblıqdan vərəmə tutuldu, xanımını oğulluğu boğaraq öldürdü – Niyazidən 10 inanılmaz fakt
15:01 02 Avqust 2021