news-inner
clock14:00 calendar-gray 20 İyul 2017 view-gray668 dəfə oxunub
view-gray668 dəfə oxunub

Qollarına düşürəm hər dəfə... – Rəbiqədən YENİ ŞEİRLƏR

Kulis.az şairə Rəbiqənin yeni şeirlərini təqdim edir.

Vətən


Könlümə nə səpdin,
tikan bitdi.
Məni vətən bilib
özgələrə getdin.
Soruşmuram, qürbət kimdi,
necədi... nəçidi..
Ölməyə qayıtma, gecikdin,
qanqal basıb
içimdəki qəbir yerini..

Heç nə

Əvvəl məktublar qısalar
sonra zənglər.
Təsəlli görüşlərdə
dodaqlardan qalxar öpüşlər...yanaqlara...
Daha çox ürəyini sıxar
barmaqları ayrılanda SEVGİLİnin...

Əvvəl məktublar azalar,
sonra zənglər.
Görüşləri düşər gözündən... ayağının altına...
Büdrədiyini görməz,
yanaqlarından alnına qalxar
SEVGİSİZİN əli...

Əvvəl yalanlar ağrıdar
sonra şübhələr...
Sonra heç birinin olmaması...
Sonra heç nə...
Heç nə olmamış kimi...

Sevgili

Ümidimdən asılıb
qollarına düşürəm
hər dəfə.
Getmək istəyəndə
ayaqların kəsir yolumu.
Olmur!
Sağlığımda günahkarsan,
Sevgili...
Zənglərindən tutub
Ev dustağı eləyiblər
Səni könlümə...
Hara gedirsən get.
Yolum ürəyindən keçir.

Zərərçəkmiş sevgilinin dilindən

Nağıl danışmıram, səmimiyəm,
başımıza gül səpirdi işıqlar
əlimdən tutub mənimlə qaçdığı gün...
elektrik dirəyindən asılan lalələri deyirəm…
inanın, yalan ifadə deyil,
dastanlardan çıxmışdı Koroğlu,
gülümsəmişdi: “tələs, oğlum
bir azdan qapıları bağlanacaq
yeraltı qəsrimin” demişdi.
qatara minmişdik,
qoluma girmişdi...
adını bilmədiyim adamlar şahiddi -
təkcə əllərimi yox,
saçlarımın qoxusunu da
burnuna almışdı,
nəfəsini vermişdi qulaqlarıma,
yəqin nəsə pıçıldamışdı
xatırlamıram…
könlümü götürmüşdü ilk görüşdə
əvvəl kinoya çağırmışdı…
getməmişdim,…
yəni bir az məsumam…
boynuma alıram,
sonradan…
nə isə...
kafedəki o yaşlı nənə şahiddi -
ağlamışdım
çox yox, ayda cəmi on-on beş gün…
hər dəfə alnımdan öpmüşdü,
vəd vermişdi…
nə dediyini xatırlamıram…
yox, heç soruşmayın,
yaşadığı ünvanı,
əvvəl yaşadığı ünvanı yəni.
axtarmayın, indi yaşamır
öldürəndən sonra məni…
şahidim... şahidim yoxdur...

Oxşar xəbərlər

Xəbər lenti

Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021