news-inner
clock11:35 calendar-gray 17 İyul 2017 view-gray627 dəfə oxunub
view-gray627 dəfə oxunub

Həyat yoldaşı: “Əli Kərimin məzarını həbs eləyiblər” - MÜSAHİBƏ

Bu günlərdə Əli Kərimin həyat yoldaşı Elza xanım şairin Göyçaydakı məzarının hasara alınması ilə bağlı müraciəti yayımlandı. Kulis.az məsələ ilə bağlı Elza xanımla əlaqə saxladı. Onun qısa söhbəti diqqətinizə çatdırırıq.

- Elza xanım, Əli Kərimin məzarının hasara alınması nə məsələdir?

- İcra başçısı başımıza oyun açıb.

- Necə oldu ki, vəziyyət bu yerə gəldi?

- AYB rəhbərliyi Göyçaya gəlmişdilər. Rəsul Rza mükafatı verəcəklərmiş. Təbii ki, rayona gələndə icra başçısı ilə də görüş oldu. İcra başçısı fikirləşib ki, Əli Kərimin məzarı parkdan çıxarılsın, sonra da fəxri xiyabanda dəfn olunsun. Fikrət Qoca ailəsi adından razılıq verib. Anar müəllim də deyib ki, lap yaxşı olar, Ənvər Məmmədxanlını da bura gətirmək olar.

- Siz onda razı idiniz? Ailənizin adından söz veriblər...

- Biz razı deyildik.Fikrət müəllim ailənin razılıq verdiyini deyib. Paşa (Əli Kərimin oğlu – red.) çox sərt danışıb icra başçısıyla. Deyib, əl vurma atamın qəbrinə. Sənə atamın qəbrinə əl vurmağı qadağan eləyirəm.

- Oğlu icazə vermədiyi üçün icra başçısı hasara alıb məzarı?

- Hə... Qırmızı kərpiclə qəbrin ətrafında divar hörüb. Əlini dustaq eləyib o divarların arasına. Əli Kərimin parkın girəcəyində heykəli var. O heykəli də götürüb lap küncə qoyub. Qəbri hasarlayıb, dörd tərəfinə divar çəkib, ev qurub orda, qapısını da bağlayıb. İndi də parkı əyləncə mərkəzinə çevirmək istəyir.

- Niyə belə etsin ki? Əli Kərimlə nə qəsdi-qərəzivar?

- Əli Kərim rəhmətə gedəndə Fəxri xiyabanda dəfn olunmasına icazə vermədilər. Çünki Əli Kərim partiyanın üzvü deyildi. Rəsul Rza Əlini sevən adam idi. Özü də partiyanın üzvüydü. Rəsul Rza o vaxt bu işi üzərinə götürdü. Göyçay qurtaran yerdə park saldılar. Rəsul Rzanın hesabına park salındı. İndi Yazıçılar Birliyində Rəsul Rza kimi kişi yoxdu. Əlinin şeirini sevənlər Əliyə qısqanclıq eləyirlər. Əli haqqında yazıb-pozurlar, amma qısqanırlar həm də. İcra başçısı da tək başına eləyə bilməz bunu. Yəqin arxasında biri var. Əlini sevməyən biri...

- Yerli camaatın reaksiyası necə oldu bəs?

- Açığı, yerli camaatın nəsə etdiyini eşitməmişəm. Göyçay Qazax deyil. Orda hansısa bir şairin heykəlinə, məzarına bu cür münasibət olsa yəqin ki, reaksiya verərlər. Ancaq Göyçayda ədəbi mühit zəifdir və təəssüf ki, belə məsələlərdə aktivlik göstərmirlər.

Mən hər mayın 19-u bu parka gəlirəm. Əli Kərimin ölüm günündə. Ürəyimə dağ çəkiblər. Paşa da yaman əsəbiləşib, sərt cavab verib icra başçısına, toxunmayın deyib atamın məzarına. İcra başçısı da Əli Kərimi türməyə salıb. Yenə deyirəm, inanmıram ki, icra başçısı bu işi öz başına eləsin. Sizi əmin edirəm ki, Əli Kərimi sevənlər də onu qısqanır. Mən Fikrət Qocaya dedim ki, ay Fikrət, niyə Əli Kərimin yubileyini keçirmirsiniz. Fikrət dedi ki, Əli Kərim xalq şairi deyil. Xəlil Rzanın, Məmməd Arazın xanımlarına prezident təqaüdü verirlər. İstəyirlər ki, Əli Kərimi itirələr.

- Hər halda məsələ ictimailəşib və yəqin ki, nəticəsi də olacaq.

- Öz adımdan ölkə başçısına məktubla müraciət elədim. Eyni hadisə Mikayıl Müşfiqin heykəlinin də başına gəlmişdi. İnanıram ki, bu məsələdə də dövlət öz gücünü göstərəcək. Bizim mədəniyyətimiz, dəyərli imzalarımız yiyəsiz deyil.

news-inner-user
Ayxan Ayvaz

487 məqalə

Oxşar xəbərlər

Xəbər lenti

Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021