news-inner
clock17:30 calendar-gray 14 İyul 2017 view-gray200 dəfə oxunub
view-gray200 dəfə oxunub

Dodağından öpənlər uça bilər – YENİ İMZA

Kulis.az “Yeni imza” layihəsindən Orxan Saffarinin şeirlərini təqdim edir.

Allahın xəbəri yox

Bir də gördün bir axşam

Çətinləşir yaşamaq.

Gəlir sol tərəfindən

Adama bir darıxmaq.

Qıvrılırsan yerində,

Bir az için sökülür.

Ağrıların əlindən

Qucaq-qucaq tökülür.

Nə gələn var, nə gedən,

Bomboş şəhərdi evim.

Dərddən boğaz quruyur,

Sanki zəhərdi dilim.

Çəkdiyim ağrıların,

Deyəsən, qədəri yox.

Mən ki çoxdan ölmüşəm,

Allahın xəbəri yox...

Deyirəm ki

Deyirəm ki, dodağın

Sərçə ayaqlarıdır

Deyirəm ki, qolların

Tanrı qanadlarıdır

Deyirəm dodağından

Öpənlər uça bilər

Sarıldığın adamlar

Tab gətirməz tanrıya

Göz yumub qaça bilər

Deyirəm ki saçının

Uclarında ölüm var

Deyirəm ovcunun

İçində bir özüm var.

Deyirəm gülüşündən

Günəş özün göstərir

Sən gözünü yumanda

Göydə ay bədirlənir.

Xərçəng

içimdəki səssizliyin

sənsizlik bağırması qədər mənasızam hərdən...

əslində daha çox mənasız

gedənlərə aludə olmuşam

özündə yaxşı bilirsən,

adamlar belə getməz axı

bir az ürək verəndə nə olar?

adam adamı belə sevməz axı...!

amma,

sən gəl, boş ver bunları

sözdü də deyirəm

dindirsən saç toxumalarından tutmuş

beyin neyronlarına qədər darıxmışam sənə

içimdə sevgim həsrətimi yeyir,

axı gör neçə müddətdi yoluxmuşam sənə!!!.......

həkimlər də ürək kapillyarlarımda

genişlənmə var deyirlər hələ

təsəvvür et,

kimlər keçib ordan

məncə bu, genişlənmənin bir səbəbi var

axı sən boyda adam gedib ordan....

Tanrı ilə qonşu

Bu gün gecə bir əlimlə Ayı qucaqlayıb

O biri əlimlə bir ulduzu bağrıma basdım.

Çox tənha idim, bir az da üşüyürdüm...

Qaranlığı yorğantək üzümə çəkib

“Heç nəyi” seyr elədim səhərə qədər...

Anladım ki, mən sənsiz ulduz tozuyam,

Sən olmasan, Ayın ləkə tərəfiyəm.

İndi isə uzanmışam, səhərə tələsirəm,

Tələsirəm ki, səhər ilk gördüyüm adama deyim,

Tanrı ilə qonşu idik gecə.

Məndə bir az "sən" yox idi,

Üzüm də gəlmədi deyim ki,

Mənə bir az "o"nu ver...

Ən darıxqan şeir

Şeirlər də kömək olmaz bəzən

Nə yaza bilərsən,

Nə də ki, poza

Baxarsan olub keçənlərə

Elə hey kimisə axtararsan,

Səbəbin özün də bilmədən

Bəzən sadəcə darıxarsan

Darıxarsan olub keçənlər üçün,

Hərdən gəlib gedənlər üçün,

Ölülər də yadına düşməz,

Darıxarsan dirilər üçün....

faydası da olmaz bu darıxmağın

Boşu-boşuna darıxarsan,

Hərdən də darıxmadığın

günlər üçün

Özünü günahlandırarsan.

Qəribə deyilmi bütün olanlar?

Bəzən bütün darıxanlar

Darıxmağ hissini də

söyərlər

"Və bir vaxt dilindən düşməyən insanlar

Vaxt gələr gözündən də düşərlər".......

Sense sadecə darıxarsan

Bəzən unutduğun

adamlar üçün

Bəzən də bilmədən

darıxarsan

Hansısa darıxmayan bir qadın üçün.....

Hərdən saysız-hesabsız darıxarsan

Heçkim darıxmaz sən qədər

Bəzən həddini də aşarsan

Darıxarsan "n" qədər

Bəzən gecə üçün

Bəzən gündüz üçün

Bəzən ay üçün

Bəzən günəş üçün

Bəzən də arzu tutduğun

Ulduz üçün darıxarsan.......

Bəzən də fikirləşərsən,

Nə qədər darıxmağ olar

Bir insan üçün?

Heç saatın əqrəbləri də darıxmaz

Axı getdiyi zaman üçün........

Bəzən günlərcə

Bəzən aylarca,

Bəzən də illərcə

Hərdən çox kobud-kobud

Hərdən də darıxarsan incə-incə...

news-inner-user

16060 məqalə

Oxşar xəbərlər

Xəbər lenti

Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020