news-inner
clock12:20 calendar-gray 11 İyul 2017 view-gray313 dəfə oxunub
view-gray313 dəfə oxunub

Dodağıma üç öpüş sıxdı italiyalı Lorella – Yeni ŞEİRLƏR

Kulis.azgənc şair Tural Turanın yeni şeirlərini təqdim edir.

Adam ölür, ev tikilir...

Maqnit tərkiblidir

müharibə dövrü uşaqlarının alın yazısı.

Ya gülləni özünə çəkər, ya günəşi –

Hansı qarşılarına daha tez çıxarsa.

Axşama Heynrix Bölldən bir kitab oğurla gətir –

Ürəyim pomidor qayğanağı istədi,

Qorxma, onun balaban ürəkli sahibi

Daha sənə heç nə deməyəcək – dedim

Buyurduğum balaca Milnerə.

“O illərin çörəyi” elə indi də eyni dadır...

Fərqi yoxdur ya acından, ya içindən

Uşaqların öldüyü müharibədə.

Arxa cəbhə olmur, güllə Ata!

Bütün savaşların formulu eyni –

Adam ölür, ev tikilir...

Bunkerdəki ümid dolu nağıllar öldürür adamı;

“Bom-bom” səsləri yox.

Gurultularla uşaq qığıltıları

Necə gözəl simfoniyasıymış, İlahi!

Adına layiq düşünübsən...

İlahi, ayağım yoxdur

Qalxıb baxa bilmirəm.

Kitab oğurluğuna göndərdiyim

Uşaq geri dönmədi.

Sən yuxarıdasan, bir bax;

Gör hansı gurultuda ilişib qalıb.

Söyüd bürcündə doğulanlar

Yaradanın yer üzünə səpələdiyi

taykeşik ayaqqabılarıdır

müharibə uşaqları.

Gül əmdikləri yerdə

ağızlarına bir “lə” şəkilçisi də dürtdülər.

Dəmir ləbləbi deyib

mədələrindən, başlarından uddurdular

metal noxudları.

Üzərlərindəki “asfalt örtükləri” deşib

cücərdilər, böyüdülər yavaş-yavaş.

Axtarmadan, aramadan

yenə bir-birlərini tapdı bu uşaqlar.

Kimisi müştüklərinin ucunu öpüşdürüb

ocaq qalayırdı, kötük-kötük,

kimisi də...

ağ saçlarından kəsib gəlinciyinə saç tikirdi

iynə-sapla...

Onlar,

söyüd bürcündən idilər,

növbəti savaşlarda doğulacaqdı uşaqları.

Qopmuş qollarında,

şikəst ayaqlarında itmişdi alın yazıları.

Çöl-çöl quruyan yerişlər

Bu gecə soyuq keçəcək tanrı,

yaylama,

yorğanı çək başına.

Bilməzsiniz,

bütün ölümsüz tanrılar,

donub ölür öz qışına.

...Sənə baxınca Allah haqqı,

yorğanda düşüm quruyur.

Önümə basdırdığım

çöl-çöl yerişim quruyur.

Dodağından iplədiyin

edamlıq

öpüşüm quruyur...

Bu gecə ayrı gecədi,

bilirəm,

yatmayır döşünə...

Tanrı, tanrı balasısan,

baş ucundakı bir pencəklik ulduzunu

bürələ, yaxşı-yaxşı bük

açıqda qalan başına.

Sazağı keyitmir heç kimi,

Soyuğu diri gecədi...

Çöl – çöl yerişim quruyur,

Nəfəsi quru gecədi.

Narıncı gülüş

Əzrailin eniş meydançasıdır bütün insan sinələri.

Ekvatordan aşağıda döyünür bütün son mənzillər...

Tanrı da üstünə qurğuşun əridir,

kəm-kəsir yaratdıqlarının.

Hər səhər keşişlər təşəkkür alır

müsəlman başdaşlarından.

Təşəkkür məktublarına narıncı gülümsəyir

Bütün kilsələrin “Xaç atası”.

Ömür nərgiz qoxusudur, bir meh dirijorluğunda.

Hər qoxunu canına çəkdikcə

qabıq qoyur ölülərin ruhları.

Ölülər ittiham olunur naqil oğurluğunda.

Başdaşları təqvimində təkcə nərgiz qoxusu bayramı var.

Qurğuşun əridir ölülər də

hər il öz ad günlərində.

***

Dodağıma üç öpüş sıxdı italiyalı Lorella,

Bu dəfə dodağımdan vuruldum, türk qızı.

Anla ki, italyanlar köksdən nişan almağı bacarmır.

“Çəkməçi”lər Odlar ölkəsinə də alovlu gəlmişdilər.

İsti gilizləri belə üzümü sıyırmışdı bu “güllələrin”,

Hədəfə olan məsafələr ikinci cəbhə açmışdılar;

Kimin dişi kimin ağzındaydı, bilinmirdi...

“On ikincilər”sə oyuna kəşfiyyatsız başlamışdılar.

90+3-də ayrıldı dodaqlarımız: -

Azərbaycan – İtaliya – 1:3.

Savaş ulduzları

Bütün zabit rütbələri

sabahın alın yazılarına duzlu qəhvə hazırlayan

gümüş çay qaşıqlarıdır.

Səmaya qucaq açanlar

Yalnız və yalnız onların çiynində

“qızıl ulduz”a çevrilir;

Nəfəsli dəyirman çarxının çiyinlərində.

Ulduzlar insan çiyninə qonmağı xoşlamaz,

“ulduz sahibi”.

Eşitməmisənmi, göydən bir ulduz əksiləndə

Yerdə birininki sönür?!

Və ya əksinə;

Torpaq üstündə

insan buxarladanda da aqibət eynidir...

Hazırki əsas şəkil

news-inner-user

20025 məqalə

Oxşar xəbərlər

Xəbər lenti

Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021