news-inner
clock21:00 calendar-gray 13 Yanvar 2020 view-gray10098 dəfə oxunub
view-gray10098 dəfə oxunub

Mirzə Babayev, bir qədəh likör və hamilə jurnalist - Anım

Bu gün Xalq artisti Mirzə Babayevin anım gündür. Kulis.az bu münasibətlə Şərif Ağayarın “Bir gün Mirzə Babayevgildə” yazısını təqdim edir.

Jurnalistikanın bakirə vaxtlarıydı. Mən rayondan yenicə gələn, köynəyinin qollarını çırmalayıb gəzən, arıq, uzun bir gənc idim və “Panorama” qəzetində yenicə işə düzəlmişdim.

Uzağı yaxşı inşa yazırdım. Birdən necə oldusa, məni mərhum müğənni Mirzə Babayevlə müsahibəyə göndərdilər. Onda sənətçilər jurnalistlərlə adətən öz evlərində görüşürdülər. Çünki arada bir həmrəylik, dostluq vardı. Qələm adamları söhbətlərdə sensasiyadan çox səmimilik, doğruluq axtarırdılar.

Mirzə Babayevi çox sevirdim – orasını deyim... Odur ki, görüşə uça-uça getdim. Amma onu görəndə gözüm kəlləmə çıxdı. Böyük sənətkar biləyindən qoltuğunun altına qədər sökülmüş bir köynək geyinmişdi, sinəsi qarnına qədər açıq idi.

Məndən başqa 3 qonağı vardı: bir hamilə qadın, bir operator, əlində üstünə “ABA” yazılmış mikrofon tutan gənc bir jurnalist... Onlar heç nə çəkmirdilər. Yəqin çəkib bitirmişdilər. İndi isə stol ətrafında laqqırtı vururdular. Süfrədə meyvə, çərəz və konyak vardı. Sonralar öz-özümə dəqiqləşdirdim ki, o, konyak yox, viski, ya da likör imiş. Çünki butulkasının quruluşu da, dadı da fərqli idi.

Mirzə müəllim qonaqları ilə rusca danışırdı, zahiri görkəmimə baxıb mənə Azərbaycanca müraciət edirdi. Mən onların söhbətinin bitməsini gözləməli idim ki, “Panorama” qəzeti üçün müsahibə alım.

Birdən... İlahi, Mirzə müəllim ayağa durub hamilə jurnalistin bətnindəki “rebyonok”un sağlığına qədəh qaldırdı.

Ömrümdə ilk dəfə idi ki, içki məclisində hamilə qadın görürdüm. Doğrudur, o içmirdi, amma heç kimdən utanıb-çəkinmirdi də! Bətnindəki uşağın sağlığına qədəh qaldırılanda şaqqanaq çəkib güldü, Mirzə müəllimi qucaqlayıb öpdü. Sevincdən az qala uçacaqdı...

Mən pörtmüşdüm.

Başımı qatmaq üçün əl atıb bir gavalı götürdüm. Əlim necə titrədisə, gavalı yerə düşdü və yumalanaraq stoldan aralandı. Baxışlarımla gavalını şkafın atında itənəcən izlədim. Mirzə müəllim qarışıq hamının gavalıya baxdığını hiss edəndə isə özümü tamam itirdim. Cəld konyakı (bəlkə likörü, bəlkə viskini) axıracan başıma çəkdim. Mirzə müəllim mənə baxıb qəribə tərzdə gülümsədi...

İçkinin təsirindən utancaqlığım yavaş-yavaş keçdi, əllərimin əsməcəsi kəsildi.

Qonaqlar gedəndən sonra Mirzə müəllimlə şahanə bir söhbətim alındı. O, təbii və sadə, hətta sadəlövh olduğumu görüb mənimlə dostlaşmışdı, olduqca səmimi danışırdı. Diktofonu bağlayandan sonra da bir-iki qədəh içdik, Mirzə müəllim eşq macəralarından danışdı mənə. Mərhum həyat yoldaşının fotoşəkilini göstərdi. Çox gözəl qadınmış...

Şəkli göstərəndə də Mirzə müəllimin pörtdüyünü və əllərinin əsdiyini hiss etdim.

Ən axırda köynəyinə çox baxdığımı görüb məni öz qarderobuna apardı, enli, hündür şkafın güzgülü qapısını sürüşdürüb yüzlərlə köynək göstərdi və inandırmağa çalışdı ki, evdə cırıq-sökük paltarlarda daha rahat olur.

Mənimsə yadıma başqa bir əhvalat düşdü.

Mirzə Babayev bizim qonşu kəndə konsert verməyə gəlir. Feodal-patriarxal düşüncəli dağ adamları bu “yüngül ağsaqqalı” elə də sevmirdilər. Ona görə kəndin ən “ağır ağsaqqal”ı Mirzə müəllimi yanına çağırıb deyir: “Söz ver ki, “Kəpənək” mahnısını oxumayacaqsan, camaatı konsertə buraxaq!”

Mirzə müəllim əvvəlcə ürəkdən gülür, sonra isə ağsaqqalla razılaşır...

Oxşar xəbərlər

Xəbər lenti

Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021
Məşhur aktyor yeni seriala çəkilir
18:50 17 İyun 2021
Atası başını qırxıb oğlan kimi böyütdü: İki dahi bəstəkarımızın evlilik təklif etdiyi “yaralı turac” - Video
18:33 17 İyun 2021
Orxan Saffarinin ilk kitabı nəşr olundu - Foto
18:14 17 İyun 2021
Çingiz Abdullayevə AYB-də yeni vəzifə tapşırıldı - Eksklüziv
17:47 17 İyun 2021
Buqələmun gecə rəngini dəyişmir - Kino tariximizdə ilkə imza atan film
17:01 17 İyun 2021
Məşhur hind aktyor vəfat etdi
16:17 17 İyun 2021
Başını dik tut, mən şəhid oldum
15:29 17 İyun 2021
Nizaminin sözlərinə bəstələnmiş musiqi albomu buraxıldı
14:40 17 İyun 2021
Azərbaycanlı ifaçı beynəlxalq müsabiqənin Qran-Pri mükafatına layiq görüldü
13:52 17 İyun 2021
Van Dammın azərbaycanlı gəlini kimdir? – Dosye - Fotolar
13:08 17 İyun 2021
Yazıçılar İttifaqından qovuldu, peyğəmbərə görə ölüm fətvası verildi, küçədə qətlə yetirildi – Necə öldürüləcəyini öncədən yazan yazıçımız
12:45 17 İyun 2021
Van Dammın oğlu azərbaycanlı qızla evləndi: Ortaq dostları bu nikahdan yazır... - Fotolar
12:18 17 İyun 2021