news-inner
clock18:09 calendar-gray 04 İyul 2017 view-gray411 dəfə oxunub
view-gray411 dəfə oxunub

Çiçəklər açsın məmləkətdə boydan-boya

Firudin Həmidli

İşğal

Qaranlıq zəlzələlər

Keçmişi sorğusuz-sualsız dağıdır,

İndi bütün dənizlərə nifrət edirəm! -

Daşqınlara uğradır könlümün paytaxtını...

Əzib keçir bütün xatirələri

Əjdaha cildinə girmiş bir ayrılıq -

Püskürür atəşini aman diləyənlərə də.

İndi hər şey yanğın içində,

İlahi, alovlara qarışmış işıqları da görə bilmirəm.

Qaçışımı təslimiyyətə yox,

Gedib ordu yığmağa sayın siz...

Əfsus, gözlərimi yumdum!...

Milyon il keçmiş bu faciənin üstündən,

Zəlzələlər, savaşlar davam etməkdə fəqət.

Mən - yurdundan didərgin bir aşiq,

Oxuyuram xərabələr ətrafında ağılar...

Ah ki, uzaqlarda qalmış hər şey,

Aramıza hökm oxuyur o əjdaha ayrılıq.

Son gücümlə, ey sultanım,

Uzaqların köksünü nişan alıram,

Yayımı gәrirәm,

Zәnciri qırılmış haqsız mәhbus kimi

Süzülür boşluqda ox.

Vә birdәn qәlbimdәn qan açılır,

Sәrәlәnirәm keçmişin qalıntıları üstünә.

Hamı gülür,

Hamı ağlayır

Vә qorxur qulaqlarım,

Titrәyir gözlәrimdə

Bir savaş meydanında qalmış

Son ümidimin çırpınışları...

Ey sultanım, axı sən hardasan?

Bax, sənin sarayını işğal etmiş

Hicran kədərləri!...

Paytaxtımızda zəlzələr, əjdahalar, savaşlar...

İnsafı yoxdur bu mütəffiqlərin!

Müttəfiqlərin:

Ayrılığın,

Sənsizliyin,

Ölüm qorxusunun...

İndi hər şey yanğın içində,

İlahi, alovlara qarışmış işıqları da görə bilmirəm.

Qaçışımı təslimiyyətə yox,

Gedib ordu yığmağa sayın siz...

Ey sultanım!

Üz döndərmə qəlbimdəki səltənətindən,

Qayıt, tacü taxtın sənə həsrətdir!

Bax, toplayıram yavaş-yavaş yenidən

Yeni ümidlərdən bir ordu,

Qayıt, bu orduya bir əmr eylə!

Bitsin işğallar,

Yenidən cücərsin çürümüş arzular,

Çiçəklər açsın məmləkətdə boydan-boya!...

news-inner-user
Kulis+

627 məqalə

Oxşar xəbərlər

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021