“Nazir aktyoru mükafatlandırdı”

Kino

Ana səhifə
Kino

“Nazir aktyoru mükafatlandırdı”

12 sentyabr 2011

14:49

Sentyabrın 26-da Azərbaycan Dövlət Musiqili Komediya Teatrının aktyoru, əməkdar artist Ramiz Məmmədovun 60 yaşı tamam olacaq.

Teatr sənəti sahəsində uzunmüddətli və səmərəli fəaliyyətini nəzərə alaraq, mədəniyyət və turizm naziri Əbülfəs Qarayev tanınmış aktyoru təbrik edərək mükafatlandırıb.

Ramiz Məmmədov 1975-ci ildə Musiqili Komediya Teatrına dəvət alıb. “Qaynana” tamaşasında Əli, “Gurultulu məhəbbət”də Həsən, “Gözün aydın”da Qəhrəman, “Boşanaq evlənərik»”ə Ağacan, “O olmasın, bu olsun”da Məşədi İbad, Rza bəy, Hambal, “Bəbirlinin kələkləri” tamaşasında Bəbirli və başqa obrazları yaradıb.
Aktyor həmçinin “Səhər görüşləri”, “Yumoristik novellalar”, “Komediyalar aləminə səyahət” televiziya verilişlərində, “Yaşıl eynəkli adam”, “Zümrüd quşu”, “Qaynana əməliyyatı”, “Get gətir”, “Əzəlim gözəlim”, “Mənim dayım” tele-tamaşalarında müxtəlif rollar oynayıb.

Aktyor 2001-ci ildə əməkdar artist fəxri adına layiq görülüb.