news-inner
clock14:00 calendar-gray 26 İyun 2017 view-gray281 dəfə oxunub
view-gray281 dəfə oxunub

Yüngül öpüş, ürkək tumar... – Elxan Zalın SEVGİ ŞEİRLƏRİ

Bu gün tanınmış şair-tərtcüməçi Elxan Zalın doğum günüdür. Kulis.az bu münasibətlə onu təbrike dir və sevgi şeirlərindən bir silsilə yayımlayır.

***

hər səni düşünəndə duyuram sonsuzluğu,

hər sənə toxunanda əbədiyyət görünür.

yakamoz sayrışdıran sevgi okeanının,

sahilində qumlara yazıram mən adını.

hər dəfə yatağından qalxıram günəşsayaq,

hər gün doğulmayan eşq öləziyən işıqdır.

sən eşqin səmasında gəzmə bir ayrı məna,

heç bir şey gərək geyil eşqə eşqdən savayı.

Sevilmək istəyi ac yaquardı

hava yumşaq olur yağışdan sonra,

söhbət qurtarsa da, qurtarmır cığır.

yanaşı iz qoyan ayaqlarımız,

yoğurur təzəcə yaz palçığını.

maral buynuzudur yerə taxılmış,

əncir ağacının bahar qoxusu.

son vaxtlar bağlardan didərgin düşüb,

lotu bıçağıyla, bandit qorxusu.

yığır qazancını könül bankına,

gizli gəzməmizin öpüş qumarı.

bir sonet çaldırır Şumansayağı,

toranlı bağların axşam tumarı.

hava yupyumuşaq, həyacanı bərk,

sevilmək istəyi ac yaquardı.

sənin ürkək-ürkək toxunmaların,

axşam sükutunu caynaqla yardı.

bu sevda qurtarmaz, bu gəzmə bitməz,

nə olar, qoy getsin sonuncu marşrut.

islaq yarpaqların aralarından,

bizə əl eləyir dostumuz bulud.

***

şüşədə kölgə var, qəlbimdə səs var,
bu otaq, bu yataq xəyaldı yoxsa?
üstümə yeriyir susqun divarlar,
hər şey yerindədir, sən isə yoxsan.

kədərim asılıb ayaqlarından,
kədərim naləli anadilimdir.
lianlı - söyüdlü eşq parklarında,
ölən xatirələr dilim-dilimdi.

o ölən anlarda sən yaşayırsan,
bir də yaz, bir də mən, bir də ikimiz.
ulduz gecələri nur daşıyırsa,
biz asan çəkirik hicran yükünü.

həsrət günlərinin gözləri yaşıl,
həyatın sonudur həsrətin sonu.
hər səni ananda, xoş müjdə quşu,
dərdin divarını dimdiklə yonur.

Axşam dərin, Umay uzaq

pəncərə ardında axşam,

sərin sularda sərinlik,

ürkək bulud ilxıları didik-didik.

sıralanıb göy üzünə acılardan bir alay.

Ay, Ay,

can soyudan Ay

sap sallayır qaranlığa,

bir anlığa mürgü vurarkən şəhər.

kəhər kişnərtisi qulaqlarda

və uzaqlarda bozqır kabusu karvan.

yollar gedir, dayanır an,

gizli səma qapıları açılırlar taybatay,

dilimdə dua var, duamda Umay.

necə məhrəmdir bu axşam,

şəfqət Ay sükutuna ilişik.

uyqu qaçışında buza, duyğu yerişində pişik.

həzin bir müəzzin ovqatı sokaklarda,

və uzaqlarda bozqır kabusu karvan.

mənim axşam dualarım girir gizli qapılardan.

eşit məni eşit Umay!

Ay, Ay,

can soyudan Ay

gizli qapılar üstündə fanar.

ulduz yanar acısında duların,

ulduz yanar səkkizqıraq.

axşam dərin, Umay uzaq.

Mart həsrəti

dilləndir, dilləndir susmuş fleytanı,
bəlkə söyüdlərin saçı darana
bu sonsuz gecənin nəmli haytası,
dönüb duyğuların dərd çidarına.

qurtardı quşların nəğmə saatı,
pişiklər yatışır mart həsrətində.
dəmir başmağını yırtan əsatir,
indi nəğmə qoşur səhərə tində.

rəng-rəng tüstülənir yol işıqları,
yaşmaqlı gecələr utancaq olub.
elə bil qaraçı alaçıqları,
yuxulu səhrada səhv salıb yolu.

getdi son avtobus, nəymiş təsəlli,
bu, nə yolçuluqdu, müsafiri yox.
biz saziş bağladıq dövlət məsəlli,
bəs niyə yanımda bir səfirin yox.

uçmağa həvəsli üzüntülər var,
gəl aç, könlümdəki qara qaytanı.
hərdənbir nəğməsiz qalsam, nə olar,
dillənir, dilləndir susmuş fleytanı.

Çiskinli müzik

qara manto, ağ urbaşqa,
bu şəhərin nağılları
bambaşqadır, bambaşqa.

daş və beton meşəsində,
yarıməxfi bir kabare,
şərqi deyir Zəki Müren.

üstümüzə damcı-damcı
axır müzik,
neftə bulaşmış şəhərdə,
ən duyğulu anıların
notlarını yazan bizik.

kokteylli söhbətlərə isti qatır
bir az qəhvə, bir az brendi,
duyğuların dans çağında
aralığa toran endi.

titrək bir an,
utancaqlıq sınırında
dayanmadan
yana qoydu qolçasını,
bir az açdı qılçasını.

yüngül öpüş, ürkək tumar,
çılpaqlandı xumar-xumar,
dodaqlar üstündə boya,
yavaş-yavaş döndü suya.

könülləri loğmalanmaq,
bundan şirin olurmu ya?
istəyirəm vaxt uzansın,
istəyirəm gəlməsin son,
bu qapını açma qarson,
açma qarson.

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021