news-inner
clock09:30 calendar-gray 24 İyun 2017 view-gray122 dəfə oxunub
view-gray122 dəfə oxunub

Atası ilə xalası eşqbazlıq yaşayan qızın ruhi xəstəxanaya düşməyi

Kulis.az “Naməlum kino” layihəsində Kəmalə Rzayevanın “Şəbəkə” və Alina Abdullayevanın “Çalış nəfəs alma” filmlərini təqdim edir.

“Şəbəkə” filminin süjeti: Əhvalat ruhi xəstəxanada baş verir. Mərkəzdə pasiyentlərdən birinin Gülzarın (Nargilə Qəribova) taleyi dayanır. Onun həkimi Fəridə (Həcər Ağayeva) əmindir ki, Gülzar ruhi xəstə deyil. O, bunu digər həkim yoldaşına (Əhməd Salahov) və Gülzarın özünə də sübut etməyə çalışır. Fəridənin müşahidələrinə görə Gülzar sadəcə uşaqlıqda travma almış, bu səbəbdən də özünə qapanmış birisidir. Amma gənc qız həkimlə ünsiyyətə getmir. Həkim Gülzarın qəlbinə yol tapmağa çalışır, onunla birlikdə palataları gəzərək xəstələrlə arasındakı fərqi göstərməyə çalışır.

Nəhayət, Fəridə çıxış yolunu onun atası (Əbdül Mahmudov) ilə danışmaqda görür. Bu görüşdən sonra o, Gülzarın travmasının səbəbini anlayır.

Məlum olur ki, onun anası şəbəkə düzəldirmiş. Anasının vəfatından sonra atası xalası (Mehriban Xanlarova) ilə yaşayır. Fleşbeklərdən görünür ki, Gülzar anasının düzəltdiyi şəbəkələrlə oynayır və rəngli şüşələrdən baxarkən atasının xalası ilə eşqbazlıq etdiyini görür. Sanki bu şüşələrdən baxış həm də onun vəfat etmiş anasının nəzəridir. Ona görə də rəngli şüşələr onda ağrılı xatirələr oyadır...

Janrına görə film psixoloji dramdır. Hərçənd, psixoloji qat səthi işlənib. Filmin mərkəzi fiquru Gülzar olsa da onun fonunda digər qadınların da taleyi göstərilir. Ruhi xəstələrdən biri uşağını itirmiş gənc qadındır. O həmişə qarnında balaca döşəkçə gəzdirərək hamilə olduğunu imitasiya edir. Başqa pasiyent nə vaxtsa uğursuzluq yaşamış aktrisadır. Fəridənin də öz yaraları var, o, öz nişanlısını sevmir və onunla vaxt keçirməmək üçün günün çox hissəsini xəstəxanada olur.

Bu yan xətlər əsas süjetdən sadəcə ötəri, bədii həlli dolğun olmayan detal kimi keçir. Finalda Fəridə Gülzarla anasından qalan şəbəkələri torpağa gömür və bununla da yaralı keçmişi ilə vidalaşır.

Filmin ssenari müəllifi Səbinə Hüseynli, operatoru Rövşən Quliyev, bəstəkarı Firudin Allahverdi, baş prodüseri Zemfira Babayevadır.

Film Azərbaycan Respublikası Mədəniyyət və Turizm Nazirliyinin keçirdiyi "Bu meydan, bu ekran" müsabiqəsi çərçivəsində çəkilib.

2011-ci ildə çəkilən filmin istehsalat konsepsiyası Gənc Film İstehsalçıları Assosiasiyasınındır.

Filmin texniki təchizat və post-prodakşn məsələlərini “Butafilm” kino şirkəti həll edib.

Alina Abdullayevanın 2006-cı ildə ekranlaşdırdığı “Çalış, nəfəs alma” filminin qəhrəmanı gənc qız (Dilarə Kazımova) və orta yaşlı kişidir (Fəxrəddin Manafov). Kişi astma xəstəliyindən əziyyət çəkir, onun nəfəs almaqla bağlı ciddi problemləri var. O, bu xəstəliklə yaşamaqdan usanır və xəstəxanadan qaçaraq vağzala gəlir.

Paralel olaraq gənc qız göstərilir, dostları onun doğum gününü qeyd eləmək üçün mənzilinə yığışıb. Ziyafətdən sıxılan qız vağzala gəlir. O, astmadan əziyyət çəkən sevgilisiylə vağzalda görüşür. Qız özünü sevgilisi kimi hiss edə bilmək üçün nəfəsini saxlayır. Onlar vağzalda yanaşı oturub kim daha çox nəfəsini saxlaya biləcək kimi təhlükəli oyun oynayırlar. Və dərindən nəfəs alaraq donurlar.

Təsvirlərinə görə daha çox yuxu, xəyal təəssüratı yaradan film janrca poetik dramdır. Dialoqlardan az istifadə olunub.

Filmin istehsalçıları İsveçrənin İnkişaf və Əməkdaşlıq Agentliyinin "Avanti" proqramı, Mədəniyyət və Turizm Nazirliyi və Dərviş Prodüser Mərkəzidir.

2006-cı ildə Bakı VI Beynəlxalq Audiovizual Festivalında “Ən yaxşı prodüser” işinə layiq görülüb. 2008-ci ildə isə Salentoda (İtaliya) Salento Finibus Terrae Beynəlxalq Qısametrajlı Filmlər Festivalında “Ən yaxşı rejissor” işinə görə mükafat alıb.

Ssenari müəllifi Alina Abdullayeva, operatorları Rövşən Quliyev və Əli Həsənzadə, baş prodüseri Aynur Mustafayevadır.

news-inner-user
Sevda Sultanova

752 məqalə

Paylaş

Oxşar xəbərlər

Xəbər lenti

Topu başında aparan kapitan, alnından zəka fışqıran redaktor, müğənnini həbsdən buraxdıran müxbir... – Şərif Ağayar APA-dan yazır...
08:59 15 Noyabr 2019
Bu gün vəfat edən şairin son müsahibəsi: “Şeirimi Süleyman Rüstəmin adına çıxardılar”
21:01 14 Noyabr 2019
"Tanınmış ailənin övladlarından uzaq gəzirəm" - İlqar Xəyal
18:40 14 Noyabr 2019
Bu mahnılarımızdan hansı plagiatdır? - Video
18:00 14 Noyabr 2019
“Kazbek” tüstülədən xumar gözlülər...” – Yazıçılar meyxanadan danışdılar
17:30 14 Noyabr 2019
Noyabr ayı üçün ən çox gözlənilən filmlər
16:50 14 Noyabr 2019
Rəşad Məcidin kitabı Türkiyədə təqdim olunacaq
16:17 14 Noyabr 2019
Nəsimiyə həsr edilmiş şeir müsabiqəsinə yekun vurulub
15:37 14 Noyabr 2019
Azərbaycanlı şair vəfat etdi
14:54 14 Noyabr 2019
Onun adını oğlunun baş daşına niyə yazmadılar? – Rəmiş haqqında inanılmaz faktlar
14:41 14 Noyabr 2019
Meyxananın dözülməz eybəcərliyi - Aliyə yazır...
13:49 14 Noyabr 2019
Musa Yaqubun yeni şeirlər kitabı nəşr edildi
13:10 14 Noyabr 2019
Mənim balaca sərçəm - Müşfiq Şükürlüdən yeni hekayə
12:29 14 Noyabr 2019
Hekayə müsabiqəsinin qalibləri bilinəcək
12:01 14 Noyabr 2019
Amerikalı kinoulduz vəfat edib
11:30 14 Noyabr 2019
Azərbaycanlı rejissorun filmi "Ən yaxşı film" seçildi
10:57 14 Noyabr 2019
“Seriallarımız gənc nəslin tərbiyəsini pozur” – Nuşirəvan Məhərrəmli
10:23 14 Noyabr 2019
Sabir Rüstəmxanlı qardaşının həbsindən danışdı
10:07 14 Noyabr 2019
Xalq şairinin qardaşı həbs olundu
09:54 14 Noyabr 2019
“Sevgi şərbəti” operası nümayiş ediləcək
09:34 14 Noyabr 2019