news-inner
clock12:58 calendar-gray 14 İyun 2017 view-gray423 dəfə oxunub
view-gray423 dəfə oxunub

Döşlərin bir cüt boks əlcəyi – EROTİK ŞEİRLƏR

Kulis.az Rövşən Naziroğlunun erotik şeirlərini təqdim edir.

Ssenari

Bax burda sən döyməlisən qapımı

Mən ucadan:

- Buyurun keçin - deməliyəm

Sən məndən bir çimdik duz istəməlisən

Mən nədənsə sevinə-sevinə deməliyəm ki

Duz yoxdu

Üzbəüz otaqdan televizorun səsi gəlməlidi bu ara

Xəbərləri bəhanə gətirib

Keçməlisən dəhlizdən otağa

Oturmalıykən uzanmalısan divana

Hava haqqında məlumatı dinləyib

Deməlisən ki bu gün hava yaman istidi

Mən də başımla sənin sözünü təsdiqləməliyəm

əl atıb köynəyinin düymələrini açmalısan

məni də çağırmalısan divana

sonra...

sonra qalxıb güzgü qabağında

üst-başını geyməlisən aram-aram

gedərkən təbəssümünü

su kimi atmalısan üstümə

qonşuluqdakı marketə getməlisən duz almağa

dükanda ərinlə qarşılaşmalısan

birgə bazarlıq eləyib

gülə-gülə qalxmalısız pillələri

gecə arxanı ərinə çevirib

özünü yuxuluğa vurub düşünməlisən

evdə duzun olmaması

nə qədər ləzzətli və gözəldir

Nuş canın olsun

Nahaq zəng etdim sənə

Nahaq vədələşdik

Nahaq boynuna sarıldım

Çox nahaq səni evə dəvət etdim

Sən də çox nahaq razılaşdın

Və yolda lap nahaq sənə bir dəstə qızılgül aldım

Nahaq gülə-gülə qalxdıq pillələri

Dəhlizdəki bədənnüma güzgüyə

Çox nahaq düşdü şəklimiz qoşa

Nuş canın olsun

Ancaq nahaq səninlə bir qədəh

Şampan içdik

Nahaq tanqo deyilən andırı oynadıq

sənlə

Qonaq otağının nəyi pisdi ki

Yataq otağına nahaq keçdik

Səni yüz faiz nahaq soyundurdum

Sən də yüz faiz nahaq səsini

Çıxartmadın

Nahaq dodaqlarımdakı istiylə əritdim

səni yatağa

Gecənin üzünü nahaq qızartdıq

Ayrıldıq heç nə olmamış kimi

Və mən bu şeiri

Əcəb elədim yazdım!

Fərq

Onun gözləri maviydi-noolsun

Mənim də çiyinlərim enliydi insafın olsun

Onun gözəl kostyumu vardısa

Mənim də xət-xət qalstukum vardı boynumda

Onun ayaqları yekəydisə

Mənim də

Türkün sözü...

Sevgim yekəydi

***

düşmə arxamca

əllərimdən tutma

yaralı quş kimi çırpınma sinəmdə

baxışlarım azdırmasın səni

dediyim sözlərə uyma

üzümdəki

yandırdığım siqaretin işığıdı

nur-filan deyil

ürəyim qadın qəbiristanlığıdı.

Ağı, qarası, sarışını

Hər gecə

Qoşun çəkib

Zəbt edirlər ürəyimin hər qarışını

yuxumun şirin

yerlərini didib dağıdırlar

gözləriylə, dişləriylə, dırnaqlarıya

ağıllı ol

yaxın gəlmə mənə

eləcə uzaqdan dur bax

istəyirsən elə burda

qurtaraq...

Ağabala Maskovskinin şeiri

torpaqlarımız ermənilərin pəncəsindədi

vətənə döyüşən oğullar lazımdı

gedirəm vətəni qorumağa

bu

bizim bir yerdə ola biləcəyimiz

son gecədi maşacan

odur ki

belini bir qədər aşağı əy

ayaqlarını bir qədər aralı qoy

başınısa dik tut maşacan

tez-tez arxaya baxıb boylanıb

mənim üçün ayrılığı

daha-daha ağırlaşdırma

üzünə baxmadan ayrılmaq istiyirəm səndən

ürəyimdə vətən dərdi el dərdi

Unut pencəyimi

unut gözlərimi

unut ayaqlarımı

unut nə demişdimsə

sözlərimi unut

meşə ildırım vurmuş ağacı

necə unudursa

sən də eləcə unut əllərimi

dirsəyi süzülmüş pencəyimi unut

sevmə məni

sevmə məni

Yol əhvalatı

Sən avtobusdan düşəndə

bir qədər əyildin, gülüm,

Belinin tüklərini göstərdin mənə

və hamıya.

Düşdün.

Mən səndən bir oturacaq arxada,

İçim Xəzər kimi dalğalandı.

Baş verə biləcək qəzanı

Almadan nəzərə,

Bir anlığa sürücü də bizə qoşulub

Gözlərini yumdu ləzzətlə.

İskra

Üst-başınız gözəl xanım

İnqilab içindədi

Baxıram sizə

İnqilabi anlar yaşayan

Şəhərlər kimi

Qaynaşır içim

Tez olun

Bir qərar verin-

Bu üsyanı

Tez-bazar yatırmaq gərək

Pişik

səhər açılar-açılmaz

daldalandığı zirzəminin divarlarına

tapşırıb qaranlığı

tükləri didilmiş qara bir pişik

çıxar günəşə

içində nəğmələrin ən itkini

ən çarəsizi

burnunda süd qoxusu

harasa tələsən adamların

gözlərindəki məzlumluğu yalayıb

eyvandan atılan

qanlı bezlərin yanından keçər

insan olmaq həsrəti səngiyər bir az

tələsər

tələsər süpürgəçi Yetərin

süd qoxuyan ayaqlarına

Ürəyim əllərində

saçların küləyin əllərində

qalxmasın deyə paltarının ətəkləri

əllərini cütləyib tutmusan qabağında

gedirsən

gedirsən ürəyim əllərində…

Sehrli xalat

Ey mələksima məgər sən

İo-kio babanın qız nəvəsisən?

İo-kio rəhmətlik

Xalatı geyəndə möcüzə eylərdi peyda

Sən soyunanda

Ayrılıqdan bir saat sonra

İt yoluna, qurd yoluna geyilmiş

pəncəsi getmiş

dabanı yeyilmiş

köhnə çəkmələrim kimiydin

səninlə mənə rahat olsa da səndən

utanırdım…

Bastilya qalası

Gözlərin badam

Barmaqların şam

Baxışlarında məhşər odu

Yerişin həngamə

Saçların şabalıdı

Arxan istehkam

Döşlərin bir cüt boks əlcəyi

Hər şeyin tamam

Bircə ağlın natamam.

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021