Jerar Depardye yenə təyyarədə səs-küy salıb

Kino

Ana səhifə
Kino

Jerar Depardye yenə təyyarədə səs-küy salıb

9 sentyabr 2011

12:25

Bir müddət əvvəl təyyarə salonundakı “şou”su ilə yadda qalan Jerar Depardye hadisəni başqa cür unutdurmağa çalışır.

Aktyor “Qallar” filmindəki məşhur obrazı Obeliks rolunda yeni reklam çarxına çəkilib.

“Qallar havada” adlı reklam çarxında dostu Asterikslə Parisdən Dublinə uçan Obeliks bu dəfə stüardessadan yeməyi tez verməyi tələb edir. Aclığa dözümsüz Obeliksin səs-küy salması ilə uçuş təxirə salınır.

Fransız aktyor bu çarxla təyyarədə “kiçik ehtiyacını” ödəməsi xəbərlərini bir növ təsdiq edib.

Bildirək ki, Depardye təyyarə qalxarkən tualetə getmək istəyib, amma stüardessa təhlükəsizliklə bağlı ondan 15 dəqiqə gözləməyi xahiş edib. Stüardessanın sözlərinə məhəl qoymayan aktyor ayağa qalxıb və “kiçik ehtiyacını” döşəməyə edib.

Günel ƏSGƏRZADƏ