news-inner
clock11:06 calendar-gray 08 İyun 2017 view-gray318 dəfə oxunub
view-gray318 dəfə oxunub

Biri öpdürmədi, biri yatmadı... - Hikmət Orhundan YENİ ŞEİRLƏR

Kulis.Az gənc şair Hikmət Orhunun yeni şeirlərini təqdim edir.

Tale

Bu taleyin əlindən

nə qurtula bilirəm,

nə yaşaya bilirəm

adam kimi...

Sevinci baş ağrısı,

kədəri boynuma yük.

Nə tullaya bilirəm,

nə daşıya bilirəm

adam kimi...

Mənə rəhm eləmədi -

göy üzündə tanrılar,

yer üzündə ağalar...

Sevgililər də atdı,

zaman məni balaca uşaq kimi

barmağında oynatdı...

Mənimki belə gəlib,

elə belə də gedəcək...

İndən belə

nə bu ağrılar dinər,

nə yaralar sağalar...

Qal

Dərdi qardaş payı kimi

bölməyə nə var, bölməyə?

Ağlama,

gülməyə nə var, gülməyə?

Yaşa,

ölməyə nə var, ölməyə?

Bir göz qırpımında gözdən

itməyə nə var, itməyə?

Bir film kimi

bitməyə nə var, bitməyə?

Qal,

getməyə nə var, getməyə?

O ha dərilmir ağacdan -

qarmağa nə var, qarmağa?

Torpağın saçını yolur -

dırmığa nə var, dırmığa?

İsadı əzab çəkən,

çarmıxa nə var, çarmıxa?

Portret

Bir rəsmdə iki adam

birinin sol əli yox,

o birinin sağ ayağı.

Sağ ayağı olan

sol əli olanın dayağı...

Sol əli olan...

Sən və mən

Sən balaca,

bapbalaca bir ümid.

Sən balaca,

bapbalaca bir arzu.

Sən balaca,

bapbalaca bir işıq.

Mən balaca,

bapbalaca bir adam.

Sənə tutunub yaşayıram;

bapbalaca ümidə,

bapbalaca arzuya,

bapbalaca işığa...

Ona

Gözəl gözlərin necə günəşli,

Qara saçların necə aylı...

Gözəlliyin on qatı var,

Say görüm, necə sayılır?

Pambıq əllərin necə qaynar,

Gülər üzün necə işıqlı.

Çölünə özüm bələdəm,

Bəs, için necə - işıqdı?

Sözün, söhbətin necə şeirli,

Gülüşün necə bəstəli...

Bir bilsən, ürəyim səni

Necə istədi...

Morq

İlan kimi şütüyür qatar

qıvrıla-qıvrıla.

Sıyrıla-sıyrıla

gedir qatar

evlərdən,

küçələrdən,

küçə işıqlarından...

Gecə işıqlarında

yeriyən adamlardan...

Mən olan kupenin içi bumbuz,

çölü bumbuz...

Mən olan kupenin sərnişinləri

ağ mələfəni üstünə çəkib

uyuyur ölü kimi.

Siçan balası

Kürdəmir kafelərindən birinin

tualetindən yazıram bu şeiri..

Elə indicə bir siçan balası qaçdı

ayaqlarımın arasından...

Elə indicə

yaşamaq haqqı qazandı biri

öz hesabına...

Sonun başlanğıcı

Özümü bildim biləli,

nə qədər qadın gəlib keçdi

həyatımdan “bezbilet”.

Biri danışdı, güldü,

əllərini vermədi tutum.

Biri öpdürmədi.

Biri yatağıma qədər gəldi,

amma yatmadı,

qurudu matım-qutum...

Məni yıxdı, sürüdü

fatimələr, tamaralar, asiyalar...

...sonda masturbasiyalar...

Hazırki əsas şəkil

Oxşar xəbərlər

Xəbər lenti

Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum
11:44 05 Mart 2021