news-inner
clock15:18 calendar-gray 05 İyun 2017 view-gray355 dəfə oxunub
view-gray355 dəfə oxunub

Ruhi dispanserə düşən məşhur rejissorumuz – ZİYARƏT

Onun ruhi xəstəxanaya düşdüyünü eşidəndə sarsıldım. Nədənsə Ədalət müəllimlə ruhi xəstəxana arasında heç cür əlaqə qura bilmədim.

Hətta gedib gözümlə görəndə də inanmadım.

Çox dəyişmişdi.

Bu mənim tanıdığım rejissor, müəllim, aktyor deyildi.

O, kimdir

Ədalət Ziyadxanov 1946-cı ildə Bakıda - «Kubinka»da doğulub. Xəstələnənə qədər Bakı Bələdiyyə Teatrında rejissor kimi çalışıb. Əvvəllər Şəki və Ağdam teatrlarında, Musiqili Komediya Teatrında işləyib.

Bir müddət "Azərbaycanfilm" kinostudiyasının nəzdində fəaliyyət göstərən kinoaktyor üçün teatr studiyasında çalışıb.

Biz onu daha çox Mədəniyyət və İncəsənət Universitetində sənətşünaslıq fakültəsində “ədəbi yaradıcılıq” ixtisası üzrə dərs deyən müəllim kimi tanıyırdıq. Tələbələri onu çox sevirdilər. Bu gün də ən çox ziyarətinə gələn tələbələridir.

Səhnələşdirdiyi Aqşin Babayevin «Oğul» əsəri «Dərviş» mükafatına layiq görülüb. Tamaşalarının çoxu hissəsi Azərbaycan televiziyasının qızıl fondundadır.

Tamaşaları qızıl fondda, özü ruhu xəstəxanada...

Image result for Ədalət Ziyadxanov

Adamları tanımır

Yalnız otuz il əvvəli xatırlayır. Ona elə gəlir ki, oğlu orta məktəbdə oxuyur, anası sağdır. Əvvəllər deyirdi, qış qurtarsın, gedəcəm universitetə, dərslərə davam edəcəm.

Evdə qalması həyatı üçün təhlükəlidir. Qazı açıq qoya bilər, kibritlə evi yandırar...

Həkim evdə qalmasına icazə vermir. Bu ailə üçün də ən uyğunudur.

Image result for Maştağa əsəb dispanseri

Fantastik sevgi

Ötən il həyat yoldaşı Solmaz xanım həkimi məcbur edti ki, bir həftəlik evə buraxsın. Həkim dilindən kağız alıb razılaşdı. Ancaq vəziyyətin çətin olduğunu görüb təkrar geri qaytarmalı oldular.

Ədalət müəllimin vəziyyəti getdikcə ağırlaşır. Ürəyində də problem var.

Onu ən ağır günündə axıracan tərk etməyən yeganə insan həyat yoldaşı Solmaz xanımdır. Həyatında çox qadınlar olsa da Solmaz xanımla böyük eşq yaşayıblar. Qadın indi də bu sevgisinə sadiqidir.

O, şəhərdəki evini satıb, Maştağadan ev alıb ki, xəstəxanaya gedib-gəlmək asan olsun. Özü də ağır astma xəstəsidir.

Image result for Ədalət Ziyadxanov

Əvvəllər gizlədirdilər

Tələbələrinin dediyinə görə, ailəsi əvvəllər onun ruhi xəstəxanada yatdığını gizlədirmiş. İstəmirmişlər harda olduğunu bilsinlər. Jurnalistika ilə məşğul olan tələbələr onu axtarıb tapıblar və bir qrup sevimli tələbəsi onun görüşünə gedib. Heç birini yadına sala bilməyib. Tələbələr onlara qoyduğu ayamaları xatırladıblar. Yenə xatırlamayıb. Ancaq sevdiyi mahnıları telefonda qoyanda nələrisə xatırlayıb və ağlayıb, telefona işarə dərək, “Onu söndürün” deyib.

Musiqini çox sevir. Vaxtıyla Akif İslamzadə ilə Brilliant Dadaşovanın oxuduğu məşhur duet onun tamaşası üçün yazılıb.

“Payız gəldi” mahnısını da çox sevirdi. Həmişə bu mahnını eşidəndə duyğulanırdı.”

Image result for Ədalət Ziyadxanov

Tələbələrin sevimlisi

Haqsızlıqlara dözmürdü. Haqqı tapdanan tələbələrə görə dekanlarla, prorektorla mübahisə edirdi. Axırıncı dəfə savaşdığı üçün içməyini bəhanə edərək işdən çıxarıblar. Bundan sonra daha da çox içməyə başlayıb. Az keçməmiş infarkt keçirir.

Image result for Maştağa əsəb dispanseri

Amansız xəstəlik

Həkimlər içsən, yaddaşını tamam itirəcəksən deyirdilər, amma vecinə almırdı. Belə ağır günündə onun ən yaxın dostu olan “Çarli” adlı iti də ölür. Bu onu ikiqat depressiyaya salır. Halbuki institutdan çıxandan sonra mehrini ona salmışdı, hər səhər gəzməyə çıxarır, onunla söhbət edirdi.

Oğlu atasını bağışlamır

İki övladı var: bir qız, bir oğlan. Qızı uşaq həkimidir. Uzun müddət Səudiyyə Ərəbistanının Kral xəstəxanasında işləyib. Sonra qayıdıb, ailə qurub. Ədalət müəllim nəvəsini xatırlamır. Oğlu özəl şirkətdə işləyir. Namaz əhlidir. Həkim qadağa qoyanda atasını aparıb məsciddə, and içdirib ki, içkini tərgitsin. O, and içir, ancaq özü ilə bacarmır. Buna görə oğlu ondan küsür və hələ də bağışlamayıb. Ancaq maddi baxımdan anasına kömək edir, xəstəxana xərclərini ödəyir.

Qızı vaxtaşırı atasını ziyarət edir.

Solmaz xanımsa hər həftənin şənbə günü saat 10-dan 14-ə kimi ərinin yanındadır.

Başqa qohumları da arabir gəlirlər.

İş yerindən, teatrlardan heç kim ziyarətinə getmir.

Bu onsuz da ona lazım deyil.

Amma yenə də...

Oxşar xəbərlər

Xəbər lenti

Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021