Mirmehdi Ağaoğlu

Müşfiqin heykəlinin indiki yeri əvvəlkindən qat-qat pisdir. Heykəl qabaq ayrıca abidə kimi dayanırdı, landşafta uyğun idi.

İndisə heykəli bir neçə metr geri çəkiblər, arxasında da "Oxu tar" adında restoran açıblar.

Adamda elə təəssürat yaranır ki, heykəl restoranı reklam etmək məqsədi ilə qoyulub. Baxırsan düzəldilib, cilalanıb, hər şey öz yerində, qəşəngdi, parıldayır, amma mahiyyət yoxdu. Heykəlin mahiyyəti tamamilə itib, kompozisiya pozulub. Müşfiq heykəli mədəniyyət abidəsindən çox kapitalizm elementinə çevrilib.

Bir neçə il əvvəl Nəsiminin heykəlini götürüb yerində nəsə iş gördülər, “Cotton” mağazası tikdilər, sonra heykəli gətirib yerinə qoyanda əvvəlki kompozisiya tamam pozuldu. Heykəl "Nəsimi"dən çox satıcıya oxşadı. Mağazanın aurası heykəlin aurasına darmadağın etdi, indi ora baxanda gözümüz Nəsimini yox, mağazanın nəhəng binasını görür. Heykələ baxa-baxa “Məndə sığar iki cahan”ı yox, başqa şey fikirləşirik: “Görəsən “Cotton”a təzə endirimlər gəlməyib ki?”

İndi də Müşfiqin heykəlini "şveysar-qapıçı"ya oxşadıblar.

Qapıda dayanıb, ordan keçənləri restorana dəvət edir.

Görəsən kababları ucuzdur?

• Rusiyanın Əməkdar artisti intihar etdi
• “Azərbaycan uşaq ədəbiyyatı: uğurlar, qayğılar” mövzusunda ictimai müzakirə təşkil edildi
• Açıq kosmos - yer əhvalatı - Sənan İsmayılov