16:00
02 İyun 2017
266 dəfə oxunub
266 dəfə oxunub
Kulis.az şair Əvəz Qurbanlının yeni şeirini təqdim edir.
Burda bu təzə hamamı,
Köhnə libası kim qoyub?
Bapbalaca adamlara
Bu boyda tası kim qoyub?
Mən bu şəhəri seçməzdim
Bu şəhər məni seçsə də.
Mən bu küçədən keçməzdim
Bu küçə məndən keçsə də...
Ay tak-tuk oyaq səsləri,
Ay tək-tük ayaq səsləri,
Bu üç addımlıq küçədə
Bu üç adamlıq küçədə
Bu basabası kim qoyub?
