news-inner
clock17:00 calendar-gray 01 İyun 2017 view-gray839 dəfə oxunub
view-gray839 dəfə oxunub

Məzarının sirrini yaxşı qoru, ey insan - Salam Sarvanın Bodlerdən tərcümələri

Kulis.az şair Salam Sarvanın Şarl Bodlerdən yeni tərcümələrini təqdim edir.

Əzabkeş qadın

İpəklər, zərxaralar, gözəl ətir qabları,
Qravürlər, naxışlar,
Duyğuları oxşayan şəkillər və divanlar,
Üstlərində balışlar.

Havası istixana havası kimi ağır
İyli yaşayış yeri,
Büllur qəbirlərində son nəfəsini verən
gözəl gül dəstələri.

Yorğan batıbdı başsız qadının cəsədinin
Al-qırmızı qanına.
Təzə şeyin çoxdankı təşnəsi bəyaz yataq
Çəkib onu canına.

Qaranlıqda yaranan kabus kölgələr kimi
(İlahi, söz də nimdaş),
Qara hörüklərinin və bəzək-düzəyinin
Altda kəsilmiş bu baş.

Masanın üstündəcə düşüb qalıb, boşluğa
Zillənibdi gözləri,
Qış alatoranıtək cansız, solğun, soyuqdu
Baxışının izləri.

Ağ mələfə üstünə cazibədar bir halda
Sərib çılpaqlığını,
Göstərir bədəninin mənhus gözəlliyini,
Soyuq qar ağlığını.

Ayağında ametist gözlü corabbağısı
Elə heyrətlə baxır.
İndi qızılı zehli çəhrayı corabları
Suvenirtək darıxır.

Burda onun qəribə tənhalığı içində
və gizli şəhvətində
Adamların ağlını başından çıxaracaq
Gözəl portretində

Şirin günahdan tutmuş, ölümcül sığaladək
Bütün qəribəlik var.
Gecələr pərdələrin qırışında gizlənib
Ona baxar demonlar.

Gərginlikdən qıc olmuş yöndəmsiz çiyinləri
Bir də sönük surəti.
Düşmənini görəndə qıvrılan ilan kimi
Bu qıvrılmış qaməti.

Yəni öz taleyindən belə küskünmüsən ki,
Belə çarəsizmisən:
Atmısan taleyini ayaqları altına
Bu azğın sürünün sən?!

Yəni məhəbbətinlə təslim olduğun adam
Niyə səni öldürüb?
Yəni yatağın üstə axıdılan qanınla
Şəhvətini söndürüb?

De görüm, murdar cəsəd, sənin hörüklərini
Dolayıbmı əlinə?
Toxunubmu son dəfə o ac dodaqlarıyla
Qıcanmış dişlərinə?

İndi çox uzaqdasan küçə qeybətlərindən,
Şəhər yalanlarından.
İndi rahat yat orda, məzarının sirrini
Yaxşı qoru, ey insan.

Ərin uzaqlardadır, amma yuxusundasan,
Yuxuları şirindi.
Necə ki sən əbədi vəfalısısan onun
Bax o da əsirindi.

Albatros

Bəzən də dənizçilər əylənmək həvəsiylə

Tutub gəmilərinə gətirirlər quşları:

Bu yekə Albatroslar bir azca bundan qabaq

Baxırdılar yaxından keçən gəmiyə sarı.

Bir az qabaq dənizin şahıydılar bu quşlar...

Alçalıblar uçulmuş divarlar kimi indi.

Nəhəng qanadlarını açırlar yazıq-yazıq

Qayıqlarda çəkilən avarlar kimi indi.

Onlarla məzələnir gəminin adamları

Adamların əlində indi girinc olublar:

Birisi çubuq soxur açıq dimdiklərinə

Biri də yamsılayır axsaq yerşlərini –

Bir vaxtlar güclüydülər, indi gülünc olublar.

Şair, elə sənin də bəxtin-taleyin budu:

Buludlarda uçursan, göy əl eləyir sənə.

Bu nadanlar içində, bu yerdə yeriməyə

O nəhəng qanadların əngəl eləyir sənə.

Image result for Salam Sarvan

Oxşar xəbərlər

Xəbər lenti

Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021