news-inner
clock14:17 calendar-gray 30 May 2017 view-gray164 dəfə oxunub
view-gray164 dəfə oxunub

Kann Festivalının əsas qalibləri kimdir? – ARAŞDIRMA

70-ci Kann Festivalının qalibləri müəyyən olundu. Festivalın əsas mükafatı “Qızıl palma budağı”nın sahibi İsveç rejissoru Ruben Estlund, Qran-Pri mükafatının sahibi isə Fransa rejissoru Roben Kampillo olub.

Ruben Estlund “Qızıl palma budağı”nı “Kvadrat” filminə görə alıb.

Ruben Estlund bu tammetrajlı filmləri ilə məşhurdur: “Gitara-monqoloid”, “Könüllü-məcburi”, “Oyun” və “Fors-major”.

Ruben 13 aprel 1974-cü ildə Goteburq kommunasının Stüsö adasında anadan olub. 90-cı illərdə xizəkçilər haqqında filmlər çəkib, 2001-ci ildə isə Goteborqda kino məktəbini bitirib. Erik Hemmendorffla birlikdə Plattform Produktion adlı prodüser şirkətini yaradıb, sonradan bu şirkət onun filmlərinin prodüserliyini edib.

Onun “Bankda hadisə” adlı qısametrajlı filmi 2011-ci ildə Berlin kinofestivalında ən yaxşı qısametrajlı film nominasiyasında Qızıl ayı mükafatını, Tampere kinofestivalında isə Qran-Pri mükafatını qazanıb.

Ruben Estlundun “Kvadrat” filmi 70-ci Kann festivalında Qızıl palma budağını qazanıb.

Filmin süjeti: Kristian müasir incəsənət muzeyində kurator işləyir. O, boşanıb, iki qızı var, özü böyüdür. Bir dəfə Kristianın telefonunu və pul qabını oğurlayırlar. Telefonunu xüsusi tətbiqlə izləyən Kristian dostu ilə birlikdə Stokholmun yoxsul rayonuna yollanır. O, poçt qutularına “Mən bilirəm ki, sən mobil telefonumu və pul qabımı oğurlamısan” adlı qeyd yapışdırır və onu hara qaytarmaq lazım olduğunu bildirir. O, əşyalarının qayıdacağına inanmır və bundan sonra nə olacağını ehtimal etmir. Bundan sonra onu maraqlı hadisələr gözləyir.

Festivalın Qran-Pri mükafatını isə “Dəqiqədə 120 zərbə” filminə görə fransız rejissor Roben Kampillo qazanıb.

Roben Kampillo 1962-ci ildə Mərakeşin Şimal-Qərbində yerləşən liman şəhəri Məhəmmədiyyədə anadan olub.

Milliyətcə fransız olan rejissor məktəbi bitirəndən sonra 1980-ci illərdə Parisdə Ali Kinematoqrafiya İnstitutunda (İDHEC, indiki “La femis”) oxuyub. Burda özünün gələcək dostu və məsləkdaşı Loran Kante ilə tanış olub. Elə o illərdə də kino ilə məşğul olmağa başlayıb. Karyerasına əvvəlcə montajçı kimi başlayan Kampillo daha sonra ssenarist və rejissor kimi çalışıb.

Ssenarist kimi Loran Kante ilə birlikdə “Taym-aut” (2001), “Cənubda” (2005), “Sinif” (2008) filmlərində çalışıb. “Sinif” filmi 61-ci Kann festivalında “Qızıl palma budağı” və ən yaxşı ssenariyə görə Sezar mükafatını qazanıb.

Kampillonun rejissor kimi debüt işi “Kabus” filmidir. 2004-cü ildə çəkilən filmin ssenarisi də ona məxsusdur.

Kampillo 2013-cü ildə ikinci filmi “Şərqli oğlan”ı çəkib. 70-ci Venesiya kinofestivalında iştirak edən film “Horizontlar” proqramı çərçivəsində ən yaxşı filmə görə əsas mükafat alıb. Bundan başqa “Şərqli oğlan” 2015-ci il Sezar mükafatında ən yaxşı film və ən yaxşı rejissor işi kateqoriyalarında mükafat qazanıb.

Kampillonun 2017-ci ildə çəkdiyi “Dəqiqədə 120 zərbə” filmi 70-ci Kann Festivalının Qran-Prisi ilə birlikdə dörd mükafat qazanıb. Homoseksualizm və QİÇS-dən bəhs edən filmdə hadisələr 1990-cı illərin Fransasında cərəyan edir.

news-inner-user

15341 məqalə

Oxşar xəbərlər

Xəbər lenti

Merlin Monronun çılpaq fotoları hərraca çıxarıldı - Foto
13:36 29 May 2020
70 yaşında ata olan qocanın evindən reportaj
12:22 29 May 2020
Nəbi Xəzrinin sözlərinə bəstələnən mahnıya klip çəkildi
10:40 29 May 2020
Dünyada ən çox satılan bestsellerin müəllifi vəfat etdi
09:49 29 May 2020
Elə bildim cin yığnağına düşmüşəm - Bircənin romanı
08:59 29 May 2020
Qəfəsdəki quşların uçduğu göylər göynər - Şəhriyarın yeni şeirləri
16:45 28 May 2020
Əmi, bəlkə köhnə ayaqqabın ola? - Alikin yeni şeiri
16:00 28 May 2020
Reha Erdemden yeni film
14:45 28 May 2020
Mənim Habil Əliyevim - Şərif Ağayar yazır...
13:33 28 May 2020
Səni unutmarıq biz vətən andımız kimi!
12:50 28 May 2020
Ziyarətçi sayı 71 gündə on milyonu ötdü
11:45 28 May 2020
Məşhur rejissor yeni film çəkdi
10:40 28 May 2020
“Azərbaycan Xalq Cümhuriyyəti” adlı virtual sərgi
09:35 28 May 2020
Sən ey sağa, sola qılınc vuran qol! - Əhməd Cavaddan istiqlal şeirləri
09:25 28 May 2020
O mən idi, mən o deyildim - Şəhla Nihandan yeni hekayə
16:34 27 May 2020
Arxanca gələn tünbətün olsun - Yeni qəzəllər
15:27 27 May 2020
"Peyğəmbəri adam"ın qeydləri - Aydın Talıbzadə yazır...
14:27 27 May 2020
"Harri Potter"in müəllifinin yeni kitabı pulsuz olacaq
13:27 27 May 2020
Dilimizi göyə qaldıran rus yazıçı: "Avropada fransız, Asiyada Azərbaycan dili..." - Maraqlı qeydlər
12:31 27 May 2020
Ögey qızı ilə evli olan məşhur rejissor danşdı: "35 yaş böyük olsam da..."
11:19 27 May 2020