Kulis.Az Tarkovskinin ən məşhur aforizmlərini təqdim edir.

İncəsənət həyat gözəl olmadığı üçün var.

Hisslərini büruzə verən insanlara baxa bilmirəm...

İncəsənətin əsas məqsədi insanları mənən ölümə hazırlamaqdır.

Qışda anamın çəkməsini geyinirdim. Yoxsulluq – bu söz həqiqəti tam ifadə etmir.

Məncə, uşaqlığımızın sonrakı taleyimizə qətiyyən təsiri yoxdur.

Hər bir insan uşaqlıqdan tək qalmağa öyrənməlidir. Bu, tənhalıq deyil. Bu, özünlə darıxmamaqdır.

Mən həqiqət haqda düşünmürəm, onu hiss etməyə çalışıram. Həqiqətlə heyvan kimi, uşaq kimi davranıram.

İnsan boşluq içində yaşamağı öyrənməlidir.

Mənə elə gəlir ki, incəsənəti anlamaq insanda anadangəlmə olur və onun ruhi səviyyəsindən asılıdır.

Qoy, ümid yalan olsun, ancaq o insana yaşamağı və gözəl şeyləri sevməyi yaradır. Ümidsiz həyat yoxdur.

Hamını xilas etməyin yeganə yolu özünü xilas etməkdir.

Həyatın necə başa çatdığını bilirəmsə, o, mənim üçün bütün əhəmiyyətini itirir.

İnsan xoşbəxtlik üçün yaradılmayıb, ancaq xoşbəxtlikdən daha önəmli şeylər də var. Həqiqəti axtarmaq çox vaxt əzab verir.

Ruh harmoniyaya bağlıdır, həyat isə yox...

Nə qədər yaşadığın deyil, necə yaşadığın önəmlidir.

Sevgi nədir? Bilmirəm. Bu o demək deyil ki, tanış deyiləm. Sadəcə təyin edə bilmirəm.

Mənim atam şübhəsiz böyük rus şairidir. Ancaq o heç vaxt məşhurlaşacaq şeylər yazmayıb.

Kino incəsənətin ən bədbəxt növüdür. Ondan saqqız kimi istifadə edirlər. Siqaret, ya da hansısa əşya kimi...

İnsanın gəlir üçün etdiyi cəhdləri aradan götürsən, yerində yalnız incəsənət qalır.

Mənim filmlərim bütövlükdə həyatımın əsasında qurulub.

Gözəllik həqiqətin simvoludur.

• Beyət və etiraz - Yeni hekayə
• “Bir milyonluq fırıldaq” tamaşasının premyerası oldu
• Qəlbimdə sübhədək oyaq qalan qız... - Ramiz Qusarçaylı