writer1

Təranə Fazilqızı

Məqalə sayı

20
clock12:50 calendar-gray 16 May 2017 view-gray233 dəfə oxunub
view-gray233 dəfə oxunub

Xəstə kişiyə kömək edən naməlum adam

Kulis.az Təranə Fazilqızının “Kimə inanasan?” adlı yazısını təqdim edir.

Bir gün həyətə ildırım sürətiylə bir xəbər yayıldı. Ağamehdi kişi işə gedəndə maşın onu vurub qaçıb. Böyükdən-kiçiyə kimi bütün məhəllə o gün ayaq üstəydi. Hamı sarsılmışdı. Həmin gün bizim evdə gecə yarıyadək ancaq bu haqda danışırdılar. On-on iki yaşım olardı. Kənarda dayanıb deyilənləri çinədanıma yığırdım. Sonra öyrəndik ki, Ağamehdi kişi ömürlük yatağa məhkum olacaq, çünki maşın onu şikəst eləmişdi. O hadisədən sonra bu ailənin ağır günləri başladı. Ağamehdi kişinin həyat yoldaşı Gülnisə xala günorta əl-ayaq çəkilən vaxtı qonşular görməsin deyə, xəlvətcə başqa həyət-bacalardan quru çörəkləri boz bir parçaya büküb qoltuğunda evə gətirərdi. Mən bir uşaq marağıyla qonşumuzu izləyirdim. Bir gün gördüklərimi evdə bizimkilərə danışanda az qala məni öldürsünlər. Onda atam mənə bərk-bərk tapşırdı: “Gördüyünü bir adama desən vay halına”.

Orucluq ayı idi. Qızlarla blokda gəlincik-gəlincik oynayırdıq. Elə bu vaxt tanımadığımız bir kişi yanımızdan keçib Ağamehdi əminin qapısının zəngini basdı. Qapını açan yox idi. Bu yad kişi mənim ona diqqətlə baxdığımı görüb: “Bala, mən tələsirəm, bu bağlamanı verərsən bunlara.”

“Narahat olmayın, yəqin Ağamehdi əminin ağrıları tutub, eşitmirlər, indicə verərəm” - sözüm qurtarar-qurtarmaz o, sürətlə blokdan çıxdı. Bağlamanı qucağıma sıxdığımdan qapını ayağımla təpikləməyə başladım. Gülnisə xala uşaqlarıyla qapının ağzında peyda oldu. Bağlamanın bir kişi gətirdiyini deyib, evimizə getdim.

Bir az keçmiş qonşu otaqdan atamın qəzəbli səsini eşitdim: “Bura gəl!”.

Məni az qala sürüyüb Gülnisə xalagilə gətirdilər. Hamı pərişan idi. Düzü çox qorxmuşdum. Nə baş verdiyini anlaya bilmirdim. Sarıbənizli Ağamehdi əmi balışa söykənmişdi. O, iri qabarlı əllərini mənə tərəf uzadıb ağlamsınan bir səslə dedi: “Bala, de görüm bu Quranı sənə kim verdi?”

O, başını aşağı əyib dönə-dönə kitabı öpüb, “Bisimillah” deyərək vərəqləyirdi. Sonra, əlindəki bükülünü yavaş-yavaş açmağa başladı. Həyəcanlı şəkildə pulu xışmalayıb əlini qabağa uzatdı: “Bu pulları görürsüz, ay qonşular? Axı, bunu mənə kim göndərib? Mən indi kimə “sağ ol” deyib, əllərindən öpüm? Balalarıma çörək, ocağıma Quran göndərənə necə təşəkkür edim, hə, balaca? Sən tanıyırsan, bilirsən kimdi o əmi?”

Mən qorxudan anamın böyrünə qısıldım. Hamının üzündə kədərlə sevinc bir-birinə qarışmışdı. Ağamehdi kişinin gözlərində yaş gilələnmişdi. Mənsə hönkürtüylə ağlayırdım...

Artıq o illər arxada qalıb. Ağamehdi kişi çoxdan haqq dünyasına qovuşub. Uşaqları ev-eşik, ailə sahibidirlər. Lakin o, hadisə hələ də yadımdan çıxmır. O bağlamanı gətirən kişinin siması dumanlı olsa da gözümün qabağındadır. Hərdən özü-özümə düşünürəm. Görəsən, indi də kiminsə qapısını tələsik döyüb gedən belə xeyirxah, işıqlı insanlar varmı?

REKLAM

Yazarın digər yazıları

Xəbər lenti

Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020